വയനാട്ടില് സ്ഥാനാര്ഥിയാവാന് കോണ്ഗ്രസ് അധ്യക്ഷനുമേല് സമ്മര്ദമേറുന്നു... വയനാട്ടില് രാഹുല് ഗാന്ധി മല്സരിക്കുമോ എന്ന കാര്യത്തില് ഇന്ന് തീരുമാനമുണ്ടായേക്കും, ഇന്നു ചേരുന്ന കോണ്ഗ്രസ് പ്രവര്ത്തകസമിതിയില് വയനാട് സജീവ ചര്ച്ചയാകും
വയനാട്ടില് രാഹുല് ഗാന്ധി മല്സരിക്കുമോ എന്ന കാര്യത്തില് ഇന്ന് തീരുമാനമുണ്ടായേക്കും. ഡല്ഹിയിലെ മുതിര്ന്ന നേതാക്കള് ഇന്നലെ രാഹുല് ഗാന്ധിയെ കണ്ട് വയനാട്ടില് മല്സരിക്കേണ്ടതിന്റെ ആവശ്യകത അറിയിച്ചു. ഇന്നു ചേരുന്ന കോണ്ഗ്രസ് പ്രവര്ത്തകസമിതിയിലും വയനാട് സജീവ ചര്ച്ചയാകും.
വയനാട്ടില് സ്ഥാനാര്ഥിയാവാന് കോണ്ഗ്രസ് അധ്യക്ഷനുമേല് സമ്മര്ദമേറുകയാണ്. കേരളത്തിനുവേണ്ടി മുതിര്ന്ന നേതാക്കള് രാഹുലുമായി ചര്ച്ച നടത്തി. രാഹുലിന്റെ സ്ഥാനാര്തിത്വം കേരളത്തിലെ മുഴുവന് സീറ്റുകളും തൂത്തുവാരാന് സഹായിക്കുമെന്ന് നേതാക്കള് അദ്ദേഹത്തെ ധരിപ്പിച്ചു. സോണിയ ഗാന്ധിയും പ്രിയങ്ക ഗാന്ധിയുമായും ഇക്കാര്യത്തില് ചര്ച്ചയുണ്ടായി. അമേഠിയിലും വയനാട്ടിലും രാഹുല് ജയിച്ചാല് അമേഠി രാജിവച്ച് അവിടെ പ്രിയങ്കയെ മല്സരിപ്പിക്കാനുള്ള സാധ്യതയും തള്ളിക്കളയാനാവില്ല.
അതേസമയം ഇടതു മുന്നണിയെ കൂടുതല് അകറ്റാനെ വയനാട്ടിലെ സ്ഥാനാര്ഥിത്വം ഉപകരിക്കൂ എന്ന് മറ്റു ചില നേതാക്കള് കോണ്ഗ്രസ് അധ്യക്ഷനെ അറിയിച്ചു. എന്നാല് ദേശീയ തലത്തില് ഇടതിന് വലിയ പ്രാധാന്യം നല്കേണ്ടതില്ലെന്നാണ് മറുവാദം. രാഹുലിനെ നേരിടാന് സ്മൃതി ഇറാനിയെ ബിജെപി വയനാട്ടില് ഇറക്കുമെന്ന സൂചനയുമുണ്ട്. അത് ബിജെപിക്ക് കേരളത്തില് കൂടുതല് ഇടമുണ്ടാക്കിക്കൊടുക്കുമെമെന്ന് രാഹുലിന്റെ സ്ഥാനാര്ഥിത്വത്തെ എതിര്ക്കുന്നവര് പറയുന്നു.
കോണ്ഗ്രസ് അധ്യക്ഷന് രാഹുല് ഗാന്ധി അമേഠിയില് നിന്ന് പേടിച്ചോടിയതാണെന്ന് കേന്ദ്രമന്ത്രി സ്മൃതി ഇറാനിയുടെ പരിഹാസം. ദക്ഷിണേന്ത്യയില് മത്സരിക്കണമെന്ന് രാഹുല് ഗാന്ധിയോട് പാര്ട്ടിപ്രവര്ത്തകര് ആവശ്യപ്പെട്ടെന്ന വാദം വെറും നാടകമാണെന്നും സ്മൃതി പറഞ്ഞു.
'അമേഠിയില് നിന്ന് രാഹുലിനെ ഓടിച്ചതാണ്. മറ്റ് സംസ്ഥാനങ്ങളില് നിന്ന് രാഹുല് ജനവിധി തേടണമെന്ന് ആവശ്യമുയര്ന്നു എന്ന് പറയുന്നതൊക്കെ നാടകമാണ്. ജനങ്ങള് രാഹുലിനെ പിന്തള്ളിക്കഴിഞ്ഞു.'' സ്മൃതി ഇറാനി ട്വീറ്റ് ചെയ്തു.
തൊട്ടുപിന്നാലെ സ്മൃതിക്ക് മറുപടിയുമായി കോണ്ഗ്രസ് വക്താവ് രണ്ദീപ് സിങ് സുര്ജെവാല രംഗത്തെത്തി. ചാന്ദനി ചൗക്കിലും അമേഠിയിലും തെരഞ്ഞെടുപ്പില് പരാജയപ്പെട്ട സ്മൃതി ഇറാനി രാജ്യസഭാ എംപിയാണ് എന്നത് മറക്കരുതെന്ന് എന്നായിരുന്നു അദ്ദേഹത്തിന്റെ ട്വീറ്റ്.
2014ല് ഒരുലക്ഷത്തിലധികം വോട്ടുകളുടെ ഭൂരിപക്ഷത്തിലാണ് രാഹുല് ഗാന്ധി സ്മൃതി ഇറാനിയെ തോല്പ്പിച്ചത്. അമേഠിയില് വീണ്ടും ഇരുവരും നേര്ക്ക്നേര് പോരാട്ടത്തിനൊരുങ്ങുന്നതിനിടെയാണ് രാഹുലിനെ ദക്ഷിണേന്ത്യയില് മത്സരിപ്പിക്കണമെന്ന ആവശ്യം കോണ്ഗ്രസ് പ്രവര്ത്തകര് ഉന്നയിച്ചത്.
"
https://www.facebook.com/Malayalivartha
