വയനാട്, വടകര സസ്പെന്സ്; കോണ്ഗ്രസ് സ്ഥാനാര്ഥി പട്ടിക പുറത്ത് വരുന്നു; വടകരയും വയനാടും അനക്കമില്ല; കര്ണാടകയിലെ 18 മണ്ഡലങ്ങളിലെയും മധ്യപ്രദേശിലെ ഒമ്പത് മണ്ഡലങ്ങളിലെയും ഉത്തര്പ്രദേശ്, മഹാരാഷ്ട്ര, മണിപ്പൂര്, ഉത്തരാഖണ്ഡ് എന്നിവിടങ്ങളിലെയും സ്ഥാനാര്ഥികളെയും പ്രഖ്യാപിച്ചു
കോണ്ഗ്രസ് സ്ഥാനാര്ഥി പട്ടിക പുറത്ത് വരുന്നു. വടകരയും വയനാടും അനക്കമില്ല. പട്ടികയില് വയനാട്, വടകര മണ്ഡലങ്ങളിലെ സ്ഥാനാര്ഥികളെ പ്രഖ്യാപിച്ചിട്ടില്ല. കര്ണാടകയിലെ 18 മണ്ഡലങ്ങളിലെയും മധ്യപ്രദേശിലെ ഒമ്പത് മണ്ഡലങ്ങളിലെയും ഉത്തര്പ്രദേശ്, മഹാരാഷ്ട്ര, മണിപ്പൂര്, ഉത്തരാഖണ്ഡ് എന്നിവിടങ്ങളിലെയും സ്ഥാനാര്ഥികളെയും പ്രഖ്യാപിച്ചു. മുതിര്ന്ന് നേതാക്കളെല്ലാമായിട്ടും വയനാടും വടകരയിലും എന്ത് സംഭവിക്കുന്നു. വടകരയിലെ കോണ്ഗ്രസിന്റെ സ്ഥാനാര്ഥി പ്രഖ്യാപനം ഉടനുണ്ടാകുമെന്ന് മുല്ലപ്പള്ളി രാമചന്ദ്രന്. റെക്കോര്ഡ് ഭൂരിപക്ഷത്തില് കെ.മുരളീധരന് ലോക്സഭയിലെത്തും. രാഹുലിന്റ സ്ഥാനാര്ഥിത്വത്തെക്കുറിച്ച് മുല്ലപ്പള്ളി പ്രതികരിച്ചില്ല.
രാഹുല് ഗാന്ധി അമേഠിയില് നിന്ന് ഒളിച്ചോടില്ലെന്നും മുല്ലപ്പള്ളി പറഞ്ഞു. അവിടെ മത്സരിക്കുകയും ചെയ്യും. വലിയ ഭൂരിപക്ഷത്തില് പാര്ലമെന്റിലേക്ക് പോകുകയും ചെയ്യും. ലാവ് ലിന് കേസില് നിന്ന് രക്ഷപ്പെടാന് പിണറായി മോദിയുമായി സന്ധി ചെയ്യുന്നു. അന്ധമായ കോണ്ഗ്രസ് വിരോധത്തിന്റെ തടവറയിലാണ് സി പി എം. രാഹുല് ഗാന്ധി വയനാട്ടില് മത്സരിക്കുമെന്ന് വാര്ത്ത വന്നപ്പോള് തന്നെ അമേഠിയില് നിന്ന് ഒളിച്ചോടുന്നു എന്നാണ് കോടിയേരി പറഞ്ഞത്. സംഘപരിവാര് മനസ്സുള്ളവര്ക്കേ അങ്ങനെ പറയാനാകൂ. കേരളം കണ്ട ഏറ്റവും ദുര്ബലനായ ആഭ്യന്തര മന്ത്രിയാണ് പിണറായിയെന്നും അദ്ദേഹം പറഞ്ഞു.
രാഹുല് ഗാന്ധി വയനാട്ടില് മത്സരിക്കുന്ന കാര്യത്തില് മൂന്നാംദിവസവും അനിശ്ചിതത്വം തുടരുന്നു. സ്ഥാനാര്ഥിത്വത്തില് അന്തിമതീരുമാനം എടുത്തിട്ടില്ലെന്ന് എഐസിസി വ്യക്തമാക്കി. അതേസമയം വയനാട് സീറ്റില് മത്സരിക്കുന്നതിനെക്കുറിച്ച് മുതിര്ന്ന നേതാക്കളുമായി രാഹുല് ഗാന്ധി ഇന്ന് കൂടിയാലോചനകള് നടത്തി. അമേഠിക്ക് പുറമേ ദക്ഷിണേന്ത്യയിലെ മറ്റൊരുസീറ്റില് കൂടി രാഹുല് മത്സരിക്കണമെന്ന് ഏകദേശ ധാരണയായിട്ടുണ്ട്.
രാവിലെ കോണ്ഗ്രസ് പ്രവര്ത്തകസമിതിയോഗത്തിനെത്തിയ രാഹുല് ഗാന്ധിയോട് വയനാട്ടിലെ സ്ഥാനാര്ഥിത്വം സംബന്ധിച്ച് ചോദിച്ചെങ്കിലും ഉത്തരം പുഞ്ചിരിയിലൊതുക്കി. രണ്ടു മണിക്കൂര് നീണ്ട പ്രവര്ത്തകസമിതിയില് തിരഞ്ഞെടുപ്പ് പ്രകടനപത്രികയായിരുന്നു മുഖ്യ ചര്ച്ച . മിനിമം വരുമാനം പദ്ധതി പ്രഖ്യാപിച്ച വാര്ത്താസമ്മേളനത്തിലും മററു ചോദ്യങ്ങള്ക്കൊന്നും ഉത്തരമില്ലെന്ന് കോണ്ഗ്രസ് അധ്യക്ഷന് തറപ്പിച്ചു പറഞ്ഞു. ഇതിനിടെ വയനാട്ടിലെ സ്ഥാനാര്ഥിത്വം സംബന്ധിച്ച് രാഹുല് മുതിര്ന്ന നേതാക്കളുമായി ചില അനൗപചാരിക ചര്ച്ചകള് നടത്തി. അന്തിമ തീരുമാനം ഇതുവരെ എടുത്തിട്ടില്ലെന്ന് എഐസിസി വക്താവ് രണ്ദീപ് സിങ് സുര്ജേവാല പിന്നീട് വ്യക്തമാക്കി.
കേരളം, കര്ണാടക ,തമിഴ്നാട് എന്നീ സംസ്ഥാനങ്ങള് രാഹുല് മല്സരിക്കണമെന്ന് ആവശ്യപ്പെട്ടിട്ടുണ്ടെന്ന് കോണ്ഗ്രസ് വക്താവ് ആവര്ത്തിച്ചു. കര്ണാടകയില് മല്സരിക്കാന് രാഹുല് ഗാന്ധിക്ക് താല്പര്യമുണ്ടെങ്കില് പ്രഖ്യാപിച്ച ഏതെങ്കിലും സ്ഥാനാര്ഥിയെ പിന്വലിക്കാന് സന്നദ്ധമാണെന്ന് കര്ണാടക പ്രദേശ് കോണ്ഗ്രസ് കമ്മിറ്റിയും അറിയിച്ചിട്ടുണ്ടെന്നാണ് വിവരം.
https://www.facebook.com/Malayalivartha
