മലയാളത്തിലെ പ്രമുഖ സാഹിത്യകാരി അഷിത അന്തരിച്ചു, തൃശൂരിലെ സ്വകാര്യ ആശുപത്രിയിലായിരുന്നു അന്ത്യം
സാഹിത്യകാരി അഷിത അന്തരിച്ചു. ചൊവ്വാഴ്ച രാത്രി തൃശൂരിലെ സ്വകാര്യ ആശുപത്രിയിലായിരുന്നു അന്ത്യം. ഏറെ നാളായി അസുഖ ബാധിതയായിരുന്നു. കഥാകൃത്തും പരിഭാഷകയുമായ അഷിത, തൃശൂര് ജില്ലയിലെ പഴയന്നൂരില് ജനിച്ചത്. ഡല്ഹി, ബോംബെ എന്നിവിടങ്ങളില് സ്കൂള് വിദ്യാഭ്യാസത്തിനുശേഷം എറണാകുളം മഹാരാജാസ് കോളജില്നിന്ന് ഇംഗ്ലീഷില് ബിരുദാനന്തര ബിരുദം നേടി.
മലയാളത്തിലെ ആധുനികാനന്തര തലമുറയിലെ സ്ത്രീ കഥാകൃത്തുക്കളില് പ്രമുഖയായിരുന്നു അഷിത. കവയിത്രികൂടിയായിരുന്ന അഷിത, അക്സാണ്ടര് പുഷ്കിന്റെ കവിതകള് അടക്കമുള്ള റഷ്യന് കവിതകള് മലയാളത്തിലേയ്ക്ക് വിവര്ത്തനം ചെയ്തിട്ടുണ്ട്. കുട്ടികള്ക്കായി രാമായണം, ഐതിഹ്യമാല എന്നിവയും പുനരാഖ്യാനം ചെയ്തു.
വിസ്മയചിഹ്നങ്ങള്, അപൂര്ണ വിരാമങ്ങള്, അഷിതയുടെ കഥകള്, മഴമേഘങ്ങള്, ഒരു സ്ത്രീയും പറയാത്തത്, നിലാവിന്റെ നാട്ടില്, ശിവസേവന സഹവര്ത്തനം, മയില്പ്പീലി സ്പര്ശം, ഭൂമി പറഞ്ഞ കഥകള്, പദവിന്യാസങ്ങള്, തുടങ്ങിയവയാണ് പ്രധാന കൃതികള്. ഇടശേരി അവാര്ഡ്, അങ്കണം അവാര്ഡ്, തോപ്പില് രവി ഫൗണ്ടേഷന് അവാര്ഡ്, ലളിതാംബിക അന്തര്ജനം സ്മാരക സമിതിയുടെ യുവസാഹിത്യകാരിക്കുള്ള അവാര്ഡ് തുടങ്ങി നിരവധി അവാര്ഡുകള് ലഭിച്ചിട്ടുണ്ട്.
https://www.facebook.com/Malayalivartha
