കൊല്ലം ഓച്ചിറയില്‍ നിന്നും തട്ടിക്കൊണ്ടുപോയ പെണ്‍കുട്ടിയെ കണ്ടെത്തിയ ആശ്വാസത്തിലാണ് കേരളം. മനസാക്ഷിയെ ഉലയ്ക്കുന്ന സംഭവത്തിനൊടുവില്‍ അമ്പരപ്പിക്കുന്ന ട്വിസ്റ്റാണ് സംഭവിച്ചത്. 13 വയസായ പെണ്‍കുട്ടിയെ തട്ടിക്കൊണ്ടു പോയെന്നാണ് ആദ്യം വാര്‍ത്ത വന്നത്. പിന്നീട് വിവിധ ചാനലുകളില്‍ 14 ഉം 15 ഉം വയസാണ് വന്നത്. എന്നാല്‍ തട്ടിക്കൊണ്ടു പോയെന്ന് പറയുന്ന പയ്യന്‍ പറയുന്നത് പെണ്‍കുട്ടിയ്ക്ക് 18 വയസായെന്ന്. വേണമെങ്കില്‍ നിങ്ങള്‍ നോക്കിക്കൊള്ളാനും പയ്യന്‍ പറഞ്ഞു. അതേസമയം താന്‍ തട്ടിക്കൊണ്ടു വന്നതല്ലെന്നും ഇഷ്ടത്തോടെ വന്നതാണെന്നും താനൊറ്റയ്‌ക്കെങ്ങനെ തട്ടിക്കൊണ്ടു വരാന്‍ കഴിയുമെന്നാണ് പയ്യന്‍ ചോദിക്കുന്നത്.

വാര്‍ത്ത വന്നതോടെ ഏറ്റവും അധികം സന്തോഷിച്ചത് കോണ്‍ഗ്രസ് നേതാവ് ബിന്ദു കൃഷ്ണയാണ്. കാരണം ബിന്ദുവിനെതിരെ പോക്‌സോ കേസ് എടുത്തിട്ടുണ്ട്. കുട്ടിയുടേയും കുടുംബത്തിന്റേയും ഫോട്ടോ ഫേസ്ബുക്കില്‍ ഇട്ടതിനാലാണ് കേസ്. ജാമ്യമില്ലാത്ത പോക്‌സോ കേസില്‍ ഇലക്ഷനായതിനാല്‍ അറസ്റ്റ് ചെയ്യാനും സാധ്യതയുണ്ടായിരുന്നു. പെണ്‍കുട്ടിയ്ക്ക് 18 വയസായതിനാല്‍ ആ പൊല്ലാപ്പാണ് മാറിയത്. അതേസമയം കുട്ടിയുടെ പ്രായം സംബന്ധിച്ച് പരിശോധനകള്‍ പൂര്‍ത്തിയാക്കേണ്ടതുണ്ട്. 

ഓച്ചിറയില്‍ നിന്നും പ്രായപൂര്‍ത്തിയാവാത്ത പെണ്‍കുട്ടിയെയും യുവാവിനെയും കാണാതായ സംഭവത്തില്‍ ഇരുവരേയും തേടിയുള്ള അന്വേഷണത്തില്‍ പോലീസിനെ ചുറ്റിച്ചതും പിന്നീട് പിടിയിലായതും ഫോണ്‍വിളിയാണ്. പത്തു ദിവസത്തിന് ശേഷം ഇരുവരെയും മഹാരാഷ്ട്രയില്‍ നിന്നുമാണ് പോലീസ് കണ്ടെത്തിയത്. ഏറ്റവും ഒടുവില്‍ ഇവര്‍ നടത്തിയ ഫോണ്‍വിളിയാണ് ?മുംബൈയിലുണ്ടെന്ന് കണ്ടെത്താന്‍ കാരണമായത്.

രണ്ട് ദിവസം മുന്‍പാണ് ഇവര്‍ മഹാരാഷ്ട്രയില്‍ എത്തിയത്. ഇരുവരും ആദ്യം ബെംഗലൂരുവിലേക്കായിരുന്നു പോയത്. പ്രതി റോഷന്റെ കൂട്ടാളികളെ പിടിച്ച പോലീസ് എറണാകുളം റെയില്‍വേ സ്‌റ്റേഷനില്‍ നിന്നും ഇരുവരും ബാംഗ്‌ളൂരിലേക്ക് ടിക്കറ്റ് എടുത്തതായി കണ്ടെത്തി. ബാംഗ്ലൂരില്‍ രണ്ട് ദിവസം താമസിച്ച ശേഷം രാജസ്ഥാനിലേക്കാണ് ഇരുവരും പോയത്. അവിടെ നിന്നുമാണ് മഹാരാഷ്ട്രയിലെത്തുന്നത്. 

ഫോണ്‍ ഒഴിവാക്കിയതാണ് ഇവരെ കണ്ടെത്താന്‍ പോലീസ് ഏറെ ബുദ്ധിമുട്ടിയത്. അപ്പപ്പോള്‍ സഞ്ചരിച്ചിരുന്ന വാഹനഹങ്ങളിലെ െ്രെഡവര്‍മാരുടെ ഫോണ്‍ ഉപയോഗിച്ചാണ് ഇവര്‍ നാട്ടിലേക്ക് ബന്ധപ്പെട്ടിരുന്നതും. ബൈക്കു വിറ്റുകിട്ടിയ 80000 രൂപയുമായിട്ടാണ് ഇവര്‍ യാത്ര ചെയ്തത്. അവസാനം സഞ്ചരിച്ച ഒരു ഓട്ടോ െ്രെഡവറുടെ ഫോണ്‍വിളി കേന്ദ്രീകരിച്ച് നടത്തിയ അന്വേഷണമാണ് മഹാരാഷ്ട്രയിലെ പന്‍വേലില്‍ നിന്നും കണ്ടെത്തിയത്. 

മാസം 18ന് രാത്രിയാണ് ഓച്ചിറയില്‍ നിന്ന് 13കാരിയായ നാടോടി പെണ്‍കുട്ടിയെ മുഹമ്മദ് റോഷനും സംഘവും തട്ടിക്കൊണ്ടുപോയത്. പ്ലാസ്റ്റര്‍ ഓഫ് പാരീസ് ഉപയോഗിച്ച് വിഗ്രഹങ്ങള്‍ ഉണ്ടാക്കി വിറ്റിരുന്ന രാജസ്ഥാന്‍ കുടുംബത്തെ വഴിയരികിലെ ഷെഡ്ഡില്‍ അതിക്രമിച്ച് കയറി അച്ഛനമ്മമാരെ തള്ളിയിട്ട ശേഷമാണ് മുഹമ്മദ് റോഷനും സംഘവും പെണ്‍കുട്ടിയെ തട്ടിക്കൊണ്ട് പോകുന്നത്. ആദ്യം കേസെടുക്കാന്‍ തയ്യാറാകാതിരുന്ന പൊലീസ് നാട്ടുകാര്‍ കൂട്ടത്തോടെ സ്‌റ്റേഷനിലെത്തി ആവശ്യപ്പെട്ടപ്പോള്‍ മാത്രമാണ് സംഭവത്തിലിടപെട്ടത്. ഒടുവില്‍ കേസ് അന്വേഷണത്തിന് പ്രത്യേക അന്വേഷണ സംഘത്തെ രൂപീകരിച്ചു. കേരളത്തിനകത്തും പുറത്തും രാജസ്ഥാനിലുമെല്ലാം പൊലീസെത്തിയെങ്കിലും ഒരു തുമ്പും കിട്ടിയില്ല.

ഒരുമാസമായി ഓച്ചിറ വലിയകുളങ്ങര പ്രദേശത്താണ് രാജസ്ഥാനില്‍ നിന്നുള്ള കുടുംബം വഴിയോര കച്ചവടം നടത്തിയിരുന്നത്. പ്ലാസ്റ്റര്‍ ഓഫ് പാരീസ് ഉപയോഗിച്ച് വിഗ്രഹങ്ങള്‍ ഉണ്ടാക്കി വില്‍ക്കുന്ന കുടുംബമാണിത്. ഒരു സംഘമാളുകള്‍ ഇവര്‍ താമസിക്കുന്ന ഷെഡ്ഡില്‍ അതിക്രമിച്ച് കയറി, തടയാന്‍ ശ്രമിച്ചപ്പോള്‍ അച്ഛനമ്മമാരെ മര്‍ദ്ദിച്ച് അവശരാക്കി വഴിയില്‍ത്തള്ളിയ ശേഷമായിരുന്നു പെണ്‍കുട്ടിയെ തട്ടിക്കൊണ്ടുപോയത്.