പാലക്കാട് ആലത്തൂര് ലോക്സഭാ മണ്ഡലത്തിളെ യുഡിഎഫ് സ്ഥാനാര്ത്ഥി രമ്യ ഹരിദാസിനെ പരിഹസിച്ച് ഫെയ്സ്ബുക്ക് പോസ്റ്റിട്ട ദീപ നിശാന്തിനെ കടുത്തഭാഷയില് വിമര്ശിച്ച് യൂത്ത് കോണ്ഗ്രസ് നേതാവ് റെജില് ചന്ദ്രന് മാക്കില്
പാലക്കാട് ആലത്തൂര് ലോക്സഭാ മണ്ഡലത്തിളെ യുഡിഎഫ് സ്ഥാനാര്ത്ഥി രമ്യ ഹരിദാസിനെ പരിഹസിച്ച് ഫെയ്സ്ബുക്ക് പോസ്റ്റിട്ട ദീപ നിശാന്തിനെ കടുത്തഭാഷയില് വിമര്ശിച്ച് യൂത്ത് കോണ്ഗ്രസ് നേതാവ് റെജില് ചന്ദ്രന് മാക്കില്. തന്റെ ഫെയ്സ്ബുക്ക് പേജിലെ കുറിപ്പിലൂടെയാണ് വിമര്ശനമുന്നയിച്ചിരിക്കുന്നത്. ഇടതുപക്ഷ രാഷ്ട്രീയം കപടമുഖം ചാര്ത്തിയ ചിരിയല്ല രമ്യയുടേത്. കസവിട്ട സാരികളുടെ കുടമാറ്റമല്ല അവളുടെ വസ്ത്രരീതി. കറ്റാര്വാഴ കുഴമ്പിട്ട് കൈതപ്പൂ ചൂടിയ മുടിയല്ല രമ്യയുടേത്. അവളുടെ നിറം വെയിലുകൊള്ളാതെ വെളുപ്പിച്ച് എടുത്തുമല്ല. അവളുടെ ഉടല് ക്യാറ്റ് വോക്കില് ശീലിച്ചതുമല്ല. അവളൊരു സവര്ണ്ണ സ്വരൂപ ബിംബമല്ല. സര്വോപരി അവളരുടെയും ഒരു വരി കവിത കട്ട് എഴുതി മാനം കളഞ്ഞവളുമല്ല. അവള് ഗാന്ധിജി സ്നേഹത്തോടെ, അനുകമ്പയോടെ, അതിലേറെ അഭിമാനത്തോടെ ഈ നാടിന്റെ നെഞ്ചോട് ചേര്ത്തു വിളിച്ച ഹരിജനങ്ങളില് ഒരുവളാണ്.. അവളെകുറിച്ച് ഇനി ഒരക്ഷരം മോശം പറഞ്ഞാല് അവനവന്റെ കുഴികുത്തല് ആയിത്തീരുമെന്നും റെജില് കുറിക്കുന്നു.
റെജില് മക്കുട്ടിയുടെ ഫെയ്സ്ബുക്ക് പോസ്റ്റിന്റെ പൂര്ണരൂപം,
ദീപ നിശാന്ത് എന്ന കവിതാ മോഷ്ടാവിനോട് ചില ചോദ്യങ്ങള്
രമ്യ ഹരിദാസ് പാട്ടുപാടി വോട്ടുചോദിക്കുമ്പോള് ദീപയുടെ ഏത് ഭാഗത്താണ് കുരു പൊട്ടുന്നത്. രമ്യ രമ്യമായി പ്രചാരണം നടത്തുമ്പോള് ദീപയുടെ ഏത് ഹര്മ്യമാണ് പൊളിഞ്ഞു വീഴുന്നത്. പറയണം കുളിര് മിസ്സേ... ഇടതുപക്ഷ രാഷ്ട്രീയം കപടമുഖം ചാര്ത്തിയ ചിരിയല്ല രമ്യയുടേത്. കസവിട്ട സാരികളുടെ കുടമാറ്റമല്ല അവളുടെ വസ്ത്രരീതി. കറ്റാര്വാഴ കുഴമ്പിട്ട് കൈതപ്പൂ ചൂടിയ മുടിയല്ല രമ്യയുടേത്. അവളുടെ നിറം വെയിലുകൊള്ളാതെ വെളുപ്പിച്ച് എടുത്തുമല്ല. അവളുടെ ഉടല് ക്യാറ്റ് വോക്കില് ശീലിച്ചതുമല്ല. അവളൊരു സവര്ണ്ണ സ്വരൂപ ബിംബമല്ല. സര്വോപരി അവളാരുടെയും ഒരു വരി കവിത കട്ട് എഴുതി മാനം കളഞ്ഞവളുമല്ല. അവള് ഗാന്ധിജി സ്നേഹത്തോടെ, അനുകമ്പയോടെ, അതിലേറെ അഭിമാനത്തോടെ ഈ നാടിന്റെ നെഞ്ചോട് ചേര്ത്തു വിളിച്ച ഹരിജനങ്ങളില് ഒരുവളാണ്.. അവളെകുറിച്ച് ഇനി ഒരക്ഷരം മോശം പറഞ്ഞാല് അവനവന്റെ കുഴികുത്തല് ആയിത്തീരും ദീപേ..
ഇടതുപക്ഷം ചേര്ന്ന് നടന്നാല് ഹൃദയപക്ഷമെന്നു സഖാക്കളെ പറ്റിക്കാം. ഞങ്ങള്ക്ക് അത് കപടപക്ഷവും ഉദരനിമിത്തവും ആയിട്ടേ കാണാന് ആകു. ഭൂതകാലത്തെ കുളിരല്ല, വര്ത്തമാന കാലത്തെ ചൂടാണ് രാഷ്ട്രീയം. അല്ലാതെ ഭാവി ഓര്ത്തുള്ള വിറയലല്ല.
ഒരു കാര്യം കൂടി പറയാം. മാന്യമായ മറുപടി ലഭിക്കണമെങ്കില് മാന്യമായി സംസാരിക്കുക. അല്ലെങ്കില് ഞങ്ങള് വേറെ ആളെ വിളിക്കും. പിന്നെ 'മീരാ'വിലാപം നടത്തി ആളെ കൂട്ടരുത്.
പറ്റിയത് പറ്റി, ഒന്നുല്ലേലും ഒരു ടീച്ചര് ആണെന്നല്ലേ വെപ്പ്. സത്യം പറ ടീച്ചര്, രമ്യ ഹരിദാസിനെതിരെയുള്ള പോസ്റ്റ് സ്വന്തമായി എഴുതിയതാണോ അതോ..... ഇനി ആ 'ചിത്രഗുപ്തന്' എങ്ങാനും...?? സത്യം പറഞ്ഞോ ഇല്ലേല് കുളിരൊക്കെ നിമിഷങ്ങള് കൊണ്ട് മലരാകും, മറക്കണ്ട.
ആലത്തൂര് ലോക്സഭാ മണ്ഡലത്തിലെ യുഡിഎഫ് സ്ഥാനാര്ഥി രമ്യ ഹരിദാസിന്റെ പ്രചരണ രീതിയെ പരിഹസിച്ച് ഫെയ്സ്ബുക്ക് പോസ്റ്റിട്ട ദീപ നിശാന്തിന് രൂക്ഷവിമര്ശനം. എല്ഡിഎഫിന്റെ പി.കെ ബിജുവിനെതിരായാണ് രമ്യയുടെ ആലത്തൂരിലെ പോരാട്ടം.
ഐഡിയ സ്റ്റാര് സിങ്ങര് തെരഞ്ഞെടുപ്പോ അമ്പലക്കമ്മിറ്റി തെരഞ്ഞെടുപ്പോ അല്ല നടക്കുന്നത് എന്ന സാമാന്യബോധം വോട്ടഭ്യര്ഥന നടത്തുന്നവര് പുലര്ത്തണമെന്ന അപേക്ഷയുണ്ട്. എന്നാണ് ദീപ നിശാന്ത് ഫെയ്സ്ബുക്കില് കുറിച്ചത്. എന്നാലിപ്പോള് ദീപ നിശാന്തിന് മറുപടിയുമായി കോണ്ഗ്രസ് നേതാക്കള് തന്നെ രംഗത്തെത്തിയിരിക്കുകയാണ്.
വിടി ബല്റാമിന്റെ ഫെയ്സ്ബുക്ക് പോസ്റ്റ്
ചരിത്രത്തില് ആദ്യത്തേതോ രണ്ടാമത്തേതോ എന്ന കുതര്ക്കങ്ങള്ക്കല്ല പ്രാധാന്യം, ഇത്തവണത്തെ ഇന്ത്യന് പാര്ലമെന്റില് കേരളത്തില് നിന്ന് ഒരു ദലിത് യുവതി ഉണ്ടായിരിക്കുക തന്നെ ചെയ്യും. കഴിവും അനുഭവവും ആത്മാര്ത്ഥതയുമുള്ള രമ്യ ഹരിദാസ് വിജയിക്കുക തന്നെ ചെയ്യും.
ശബരിനാഥന് എംഎല്എയുടെ ഫെയ്സ്ബുക്ക് പോസ്റ്റ്
ആലത്തുര് യുഡിഫ് സ്ഥാനാര്ഥിയായ രമ്യ ഹരിദാസിനെ പരാമര്ശിച്ചുകൊണ്ടുള്ള ദീപ നിഷാന്തിന്റെ ഫെയ്സ്ബുക്ക് പോസ്റ്റ് കണ്ടു. വിഷയത്തിന് ആധാരമായി കാണിക്കുന്ന യൂത്ത് കോണ്ഗ്രസ് പോസ്റ്റിലെ വസ്തുതാപരമായ തെറ്റ് ഞാന് അംഗീകരിക്കുന്നു, അത് തിരുത്തേണ്ടതാണ്. പക്ഷേ വരികള്ക്കിടയില് ദീപ ടീച്ചര് രമ്യയെക്കുറിച്ചു 'ഐഡിയ സ്റ്റാര് സിങ്ങര് തെരഞ്ഞെടുപ്പല്ല നടക്കുന്നത്' എന്ന് പറഞ്ഞത് ഒരിക്കലും അംഗീകരിക്കാന് കഴിയുകയില്ല.
ഒരു ഇലക്ഷന് മത്സരിക്കാനുള്ള എല്ലാ യോഗ്യതകളുമുള്ള വ്യക്തിയാണ് രമ്യ ഹരിദാസ്. ജനാധിപത്യ പ്രക്രിയയിലൂടെ വിജയിച്ച കുന്നമംഗലം ബ്ലോക്ക് പഞ്ചായത്തിന്റെ പ്രസിഡന്റാണ്, ഇന്ത്യന് നാഷണല് കോണ്ഗ്രസ് ശക്തയായ പ്രവര്ത്തകയുമാണ്. ഇതൊക്ക സൗകര്യപൂര്വം മറന്നാണ് ദീപ ടീച്ചറിന്റെ രമ്യയെ ഇകഴ്ത്തിയുള്ള സ്റ്റാര് സിങ്ങര് പരാമര്ശം.
ഇതൊക്കെ നമ്മുടെ ഒരു കാഴ്ചപ്പാടിന്റെ പ്രശ്നമാണ് ടീച്ചറെ....പ്രമുഖ നടനും അമ്മ പ്രസിഡണ്ടുമായ വ്യക്തി സ്ഥാനാര്ഥിയായാല് ബലേ ഭേഷ്, പക്ഷെ ത്രിതലപഞ്ചായത്തില് പൊതുപ്രവര്ത്തകനായ ഒരു വനിത ലോക്സഭാ സ്ഥാനാര്ഥിയാകുമ്പോള് അവരെ ഐഡിയ സ്റ്റാര് സിംഗറോട് ടീച്ചര് തന്നെ ഉപമിക്കുന്നു.
എന്തായാലും നമ്മുടെ 'മൃാരവമശൃ ശിലേഹഹലരൗേമഹശാെത്തിനും ശിലേഹഹലരൗേമഹ മൃൃീഴമിരല'നും ജനാധിപത്യത്തില് വലിയ റോള് ഇല്ല എന്നുള്ളതാണ് ഈ എളിയവന് മനസിലാക്കുന്നത്.
പാടുന്നവനും പാടാത്തവനും വിശ്വാസിക്കും വിശ്വാസമില്ലാത്തവര്ക്കും എല്ലാവര്ക്കും മത്സരിക്കാനുള്ള ജനാധിപത്യ അവസരമുണ്ട്, നല്ല സ്ഥാനാര്ഥിയെ വിജയിപ്പിക്കേണ്ടത് ജനങ്ങളാണെന്ന് മാത്രം.
അതുകൊണ്ട് രമ്യയെക്കുറിച്ചു ദീപ ടീച്ചര് പരിതപിക്കേണ്ട,ആ കുട്ടി വിജയിച്ചു വന്നോളും.
അനില് അക്കരയുടെ ഫെയ്സ്ബുക്ക് പോസ്റ്റ്
എന്റെ ദീപ ടീച്ചറെ,
പലരും നിയമസഭയില്വരെ ടീച്ചറെ കളിയാക്കിയപ്പോഴും ഞാന് അതില് അഭിപ്രായം പറയാതിരുന്നത് എനിക്ക് അഭിപ്രായം ഇല്ലാഞ്ഞിട്ടല്ല, എന്റെ നാല്പ്പത്തിമൂന്നില് ഒരു പങ്ക് ടീച്ചര്ക്ക് ഉണ്ട് എന്ന് എനിക്കറിയാവുന്നതുകൊണ്ടാണ്. അതിന്റെ കാരണം ഞാന് ഇവിടെ പറയുന്നുമില്ല. എന്നാല് ഇത്രയും പറഞ്ഞത് ഇന്ന് രമ്യക്കുവേണ്ടി വന്ന കുറിപ്പിലെ വാക്കുകള് ടീച്ചര് എടുത്ത് പറഞ്ഞതുകൊണ്ട് മാത്രം. യുജിസി നിലവാരത്തില് ശമ്പളം വാങ്ങുന്ന ടീച്ചര്ക്ക് ചിലപ്പോള് മാളികപ്പുറത്തമ്മയാകാനുള്ള ആഗ്രഹം കാണില്ല. അതില് തെറ്റുമില്ല. കാരണം യു ജി സി നിലവാരത്തിലുള്ള ശമ്പളമാണല്ലോ വാങ്ങുന്നത്. സത്യത്തില് ഞാനറിയുന്ന പേരാമംഗലത്തെ
എന്റെ പാര്ട്ടി കുടുംബത്തിലെ ദീപ ഇങ്ങനെ ആയിരുന്നില്ല. അവര്ക്ക് ഇങ്ങനെയാകാനും കഴിയില്ല.
ഇതു കൂടാതെ ദീപയുടെ പോസ്റ്റിനു നിരവധി വിമര്ശനങ്ങളാണുയരുന്നത്. രമ്യ ഹരിദാസ് പാട്ട് പാടും കാരണം മ്യൂസിക്കില് ആഅ വിരുദം എടുത്തിട്ടുണ്ട് കോപ്പി അടി വിരുദം അല്ലന്നു സാരം. കവിത 'കട്ട' പാരമ്പര്യം ആലത്തൂരിലെ യുഡിഎഫ് സ്ഥാനാര്ത്തിക്കില്ല നല്ല ഒന്നാന്തരം നാടന്പാട്ടാണ് രമ്യാഹരിദാസ് ആലപിക്കുന്നത് എന്ന് തുടങ്ങി കമന്റുകളുടെ നീണ്ട നിരയാണ്.
"
https://www.facebook.com/Malayalivartha
