മിഷന് ശക്തിക്ക് പിന്നില്... ലോക രാജ്യങ്ങള് ഇന്ത്യയുടെ ഉപഗ്രഹവേധ മിസൈല് പരീക്ഷണം ആകാംക്ഷയോടെ നോക്കി കാണവെ എല്ലാം തുറന്ന് പറഞ്ഞ് പ്രതിരോധ വകുപ്പ് മന്ത്രി നിര്മലാ സീതാരാമന്
ഉപഗ്രഹവേധ മിസൈലുകളുടെ പരീക്ഷണം മോഡിയുടെ ഇശ്ചാശക്തിയായാണ് ലോക രാജ്യങ്ങല് കാണുന്നത്. മറ്റൊരു പ്രധാനമന്ത്രിയും കാട്ടാത്ത ധൈര്യമാണ് മേഡി ഇതിലൂടെ കാണിച്ചിരിക്കുന്നത്. അതേസമയം ഉപഗ്രഹവേധ മിസൈലുകള് വികസിപ്പിക്കാനുള്ള ശേഷി ഇന്ത്യ നേരത്തെ തന്നെ ആര്ജിച്ചതാണെങ്കിലും അവ പരീക്ഷിക്കാനുള്ള തീരുമാനം 2014ലാണ് എടുത്തതെന്ന് കേന്ദ്ര പ്രതിരോധമന്ത്രി നിര്മലാ സീതാരാമന് പറഞ്ഞു. 2014ല് മോദി സര്ക്കാര് അധികാരത്തിലേറി ഏതാനും മാസങ്ങള്ക്കകമാണ് ഇക്കാര്യത്തില് തീരുമാനമെടുത്തതെന്നും ഒരു രാജ്യത്തിനും ഈ സാങ്കേതികവിദ്യ വില്ക്കാനോ കൈമാറാനോ കഴിയില്ലെന്നും മന്ത്രി വ്യക്തമാക്കി. ഇന്ത്യന് എക്സ്പ്രസിന് നല്കിയ പ്രത്യേക അഭിമുഖത്തിലായിരുന്നു കേന്ദ്ര പ്രതിരോധമന്ത്രിയുടെ വിശദീകരണം.
മിഷന് ശക്തി എന്ന് പേരിട്ട ദൗത്യം വിജയകരമായി പൂര്ത്തീകരിച്ചതില് വളരെയധികം സന്തോഷമുണ്ട്. ഇത് നമ്മുടെ രാജ്യത്തിന്റെ പ്രധാനനേട്ടമാണ്. ഈ ദൗത്യം വിജയകരമായി പൂര്ത്തീകരിച്ചതോടെ ഇത്തരം സാങ്കേതികവിദ്യ കൈവശമുള്ള നാലാമത്തെ രാജ്യമായി ഇന്ത്യ. തദ്ദേശീയമായി വികസിപ്പിച്ചെടുത്ത ഉപഗ്രഹവേധ മിസൈലിന്റെ സാങ്കേതികവിദ്യ ഒരു രാജ്യത്തുനിന്നും കടമെടുക്കാനോ വാങ്ങാനോ കഴിയില്ല മന്ത്രി പറഞ്ഞു.
അതേസമയം, ഇത്തരം മിസൈലുകള് വികസിപ്പിക്കാനുള്ള ശേഷി നേരത്തെ ഇന്ത്യയ്ക്കുണ്ടായിരുന്നു എന്ന വാദവും കേന്ദ്ര പ്രതിരോധമന്ത്രി അംഗീകരിച്ചു. വലുതും ചെറുതുമായ ഒട്ടേറെ ഉപഗ്രഹങ്ങള് ഇന്ത്യ വികസിപ്പിച്ചിട്ടുണ്ടെന്നും ബഹിരാകാശരംഗത്ത് ധാരാളംനേട്ടങ്ങള് കൊയ്തിട്ടുണ്ടെന്നും ഇതൊന്നും ആരുംനിഷേധിക്കുന്നില്ലെന്നും മന്ത്രി പറഞ്ഞു.
പക്ഷേ, ഇത്തരം മിസൈല് വികസിപ്പിക്കാനുള്ള ശേഷിയുണ്ടായിട്ടും മുന്സര്ക്കാരുകള് അത്തരം നീക്കങ്ങള്ക്ക് അനുമതി നല്കിയിരുന്നില്ല. 2012ല് അഗ്നി5 മിസൈല് പരീക്ഷിച്ചപ്പോളും ഉപഗ്രഹവേധ മിസൈല് പരീക്ഷിക്കാന് യു.പി.എ സര്ക്കാര് ഡി.ആര്.ഡി.ഒ.യ്ക്ക് സര്ക്കാര് അനുമതി നല്കിയിരുന്നില്ലെന്നും നിര്മലാ സീതാരാമന് വെളിപ്പെടുത്തി.
മിഷന് ശക്തിയുടെ പരീക്ഷണം വിജയകരമായെന്ന് പ്രധാനമന്ത്രി രാജ്യത്തെ അറിയിച്ചതിനെ വിമര്ശിക്കുന്നവര്ക്കും കേന്ദ്ര പ്രതിരോധമന്ത്രി മറുപടി നല്കി. ബഹിരാകാശമേഖലയുടെ ചുമതലയുള്ള മന്ത്രി പ്രധാനമന്ത്രിയാണ്. അതിനാല് ബഹിരാകാശ രംഗത്തെ സുപ്രധാനനേട്ടം അദ്ദേഹം രാജ്യത്തെ അറിയിച്ചതില് എന്താണ് തെറ്റ് ? രാജ്യം ഇതൊന്നും അറിയേണ്ടേ? മന്ത്രി ചോദിച്ചു. പ്രധാനമന്ത്രിയെ വിമര്ശിക്കുന്നവര് ഇത് ദേശീയസുരക്ഷയുമായി ബന്ധപ്പെട്ട പ്രധാന നേട്ടമാണെന്ന് മനസിലാക്കണമെന്നും നിര്മലാ സീതാരാമന് പറഞ്ഞു.
https://www.facebook.com/Malayalivartha
