പ്രധാനമന്ത്രി നരേന്ദ്ര മോദിയുടെ സന്ദര്‍ശനത്തിന്​ തൊട്ടു മുന്‍പ് യുപിയിലെ തെരുവുകളില്‍ വെള്ളം തളിച്ച നടപടിയെ പരിഹസിച്ച്‌​ പ്രിയങ്ക ഗാന്ധി. മോദി കാവല്‍ക്കാരനാണോ അല്ലെങ്കില്‍ ഡല്‍ഹിയില്‍ നിന്നുള്ള ചക്രവര്‍ത്തിയാണോ എന്ന്​ പ്രിയങ്ക പരിഹസിച്ചു. ട്വിറ്ററിലായിരുന്നു പ്രിയങ്കയുടെ പരിഹാസം. തെരഞ്ഞെടുപ്പ്​ പ്രചാരണത്തിന്​ എത്തുന്ന മോദിക്ക്​ വേണ്ടി വെള്ളം തളിക്കുന്ന ദൃശ്യങ്ങളും പ്രിയങ്ക ട്വീറ്റ്​ ചെയ്​തു.

യുപിയിലെ വരള്‍ച്ചബാധിത മേഘലയായ ബുന്ദേല്‍ഖഢിന്​ തൊട്ടടുത്ത പ്രദേശമായ ബാന്ദയിലെ തെരുവുകളിലാണ്​ മോദിയുടെ സന്ദര്‍ശനത്തിന്​ മുന്നോടിയായി ടാങ്കറുകളില്‍ വെള്ളം കൊണ്ടുവന്ന്​ തളിച്ചത്