ബംഗാൾ ഉൾക്കടലിൽ പുതിയ കാലാവസ്ഥാ വ്യതിയാനം ശക്തമാകുന്നു. പശ്ചിമ ബംഗാൾ, ഒഡീഷ തീരങ്ങൾക്ക് സമീപം നിലനിൽക്കുന്ന ചക്രവാതച്ചുഴി ഓഗസ്റ്റ് 29-ഓടെ പുതിയൊരു ന്യൂനമർദ്ദമായി മാറുമെന്നാണ് കേന്ദ്ര കാലാവസ്ഥാ വകുപ്പിന്റെ ഏറ്റവും പുതിയ മുന്നറിയിപ്പ്. ഇതിന്റെ ഫലമായി മധ്യ-കിഴക്കൻ ഇന്ത്യയിൽ പ്രളയ സമാനമായ സാഹചര്യത്തിന് സാധ്യതയുണ്ട്. അതേസമയം, മുൻ ദിവസങ്ങളെ അപേക്ഷിച്ച് കേരളത്തിൽ കനത്ത മഴ മുന്നറിയിപ്പുകളിൽ താൽക്കാലിക ആശ്വാസമുണ്ടെങ്കിലും പടിഞ്ഞാറൻ കാറ്റ് ശക്തമാകുന്നതിനാൽ കടൽ പ്രക്ഷുബ്ധമായി തുടരും.