ബാങ്ക് ഇടപാടുകാരുടെ ശ്രദ്ധയ്ക്ക്.... സെപ്റ്റംബറിൽ രാജ്യത്ത് മൊത്തം 14 ദിവസം ബാങ്കുകൾ പ്രവർത്തിക്കില്ല. പ്രാദേശിക, ദേശീയ അവധികളും ഞായറാഴ്ചകളും രണ്ടാമത്തെ ശനിയാഴ്ചയും നാലാമത്തെ ശനിയാഴ്ചയും അടക്കമുള്ള ബാങ്കുകളുടെ അവധി കണക്കാണിത്. സംസ്ഥാനാടിസ്ഥാനത്തിൽ ബാങ്കുകളുടെ അവധി ദിനങ്ങളിൽ വ്യത്യാസമുണ്ടാകുന്നതാണ്. വിവിധ സംസ്ഥാനങ്ങളിൽ വ്യത്യസ്ത രീതിയിലാണ് ബാങ്കുകൾക്ക് അവധി വരുന്നത്.

കേരളത്തിൽ ഞായറാഴ്ചകളിലും രണ്ടാമത്തെ ശനിയാഴ്ചയും നാലാമത്തെ ശനിയാഴ്ചയും ശ്രീകൃഷ്ണ ജയന്തിക്കും ശ്രീനാരായണ ഗുരു സമാധി ദിനത്തിലും ബാങ്കിന് അവധിയാണ്. സെപ്റ്റംബറിൽ മൊത്തം കേരളത്തിൽ എട്ട് ദിവസമാണ് ബാങ്ക് അവധിയുള്ളത്. അവധി സമയത്തും ഓൺലൈൻ ഇടപാടുകൾ നടത്താൻ സാധിക്കുമെന്നത് ഇടപാടുകാർക്ക് ഏറെ ആശ്വാസമാണ്.

റിസർവ് ബാങ്ക് ഓഫ് ഇന്ത്യ പുറത്തിറക്കുന്ന ഹോളിഡേ കലണ്ടർ അനുസരിച്ചാണ് സെപ്റ്റംബർ മാസത്തിൽ മൊത്തം 14 ദിവസം ബാങ്ക് അവധി വരുന്നത്. അവധിയും അവധി ബാധകമാകുന്ന സംസ്ഥാനങ്ങളുടെയും പട്ടിക താഴെ:

സെപ്റ്റംബർ 4- വെള്ളിയാഴ്ച- ശ്രീകൃഷ്ണ ജയന്തി- കേരളം ഉൾപ്പെടെയുള്ള സംസ്ഥാനങ്ങളിൽ അവധി

സെപ്റ്റംബർ ആറ്- ഞായറാഴ്ച

സെപ്റ്റംബർ 11- വെള്ളിയാഴ്ച- രാജസ്ഥാനിൽ അവധി

സെപ്റ്റംബർ 12- രണ്ടാം ശനിയാഴ്ച

സെപ്റ്റംബർ 13- ഞായറാഴ്ച

സെപ്റ്റംബർ 14- തിങ്കളാഴ്ച- വിനായക ചതുർഥി- മഹാരാഷ്ട്ര, ഒഡിഷ, കർണാടക, തമിഴ്‌നാട്, ഗുജറാത്ത്, തെലങ്കാന, ഗോവ, ആന്ധ്രാപ്രദേശ് എന്നി സംസ്ഥാനങ്ങളിൽ അവധി

സെപ്റ്റംബർ 15- ചൊവ്വാഴ്ച- ഗണേശ ചതുർഥി- ഗുജറാത്ത്, ഒഡിഷ, ഗോവ എന്നി സംസ്ഥാനങ്ങളിൽ അവധി

സെപ്റ്റംബർ 20- ഞായറാഴ്ച

സെപ്റ്റംബർ 21- തിങ്കളാഴ്ച- ശ്രീനാരായണഗുരു സമാധി ദിനം- കേരളത്തിൽ അവധി

സെപ്റ്റംബർ 22- ചൊവ്വാഴ്ച- കർമ്മ പൂജ- ഝാർഖണ്ഡിൽ അവധി

സെപ്റ്റംബർ 23- ബുധനാഴ്ച- മഹാരാജ ഹരി സിങ്ങിന്റെ ജന്മദിനം- ജമ്മു കശ്മീരിൽ അവധി

സെപ്റ്റംബർ 25- വെള്ളിയാഴ്ച- സിക്കിമിൽ അവധി

സെപ്റ്റംബർ 26- നാലാമത്തെ ശനിയാഴ്ച

സെപ്റ്റംബർ 27- ഞായറാഴ്ച