കല്ലട ബസ് ജീവനക്കാരുടെ മര്ദ്ദനമേറ്റ യാത്രക്കാര് സഹായം അഭ്യര്ഥിച്ചിട്ടും നടപടിയെടുക്കുന്നതില് വീഴ്ച വരുത്തിയെന്ന പരാതിയില് മരട് എസ്ഐ ഉള്പ്പെടെ നാലുപേരെ ആഭ്യന്തരവകുപ്പ് സ്ഥലംമാറ്റി
കല്ലട ബസ് ജീവനക്കാരുടെ മര്ദ്ദനമേറ്റ യാത്രക്കാര് സഹായം അഭ്യര്ഥിച്ചിട്ടും നടപടിയെടുക്കുന്നതില് വീഴ്ച വരുത്തിയെന്ന പരാതിയില് മരട് എസ്ഐ ഉള്പ്പെടെ നാലുപേരെ ആഭ്യന്തരവകുപ്പ് സ്ഥലംമാറ്റി. എസ്ഐ ബൈജു പി ബാബു, സിപിഒമാരായ എം എസ് സുനില്കുമാര്, എ ഡി സുനില്കുമാര്, ഡ്രൈവര് ബിനീഷ് എന്നിവരെയാണ് ഇടുക്കിയിലേക്ക് സ്ഥലം മാറ്റിയത്. മര്ദ്ദന വിവരം അറിഞ്ഞപ്പോള് മുതല് നടപടി ഏകോപിപ്പിച്ച പൊലീസ് ആസ്ഥാനത്തെ ഹവില്ദാര് പ്രവീണിന് ഗുഡ് സര്വീസ് എന്ട്രി ശുപാര്ശ ലഭിച്ചിട്ടുണ്ട്.
മര്ദ്ദനം ഉണ്ടായ ഉടന് പൊലീസ് സ്ഥലത്ത് എത്തിയെങ്കിലും സഹായിക്കാന് തയ്യാറാകാതെ യുവാക്കളെ സ്ഥലത്തുനിന്ന് മാറ്റുകയായിരുന്നു. ഇത് അക്രമികള്ക്ക് വീണ്ടും യുവാക്കളെ ഉപദ്രവിക്കാന് അവസരം ഉണ്ടാക്കി. പോലീസ് ഇടപെട്ട് മര്ദ്ദനമേറ്റ വരെ ഓട്ടോറിക്ഷയില് കയറ്റി വിട്ടതല്ലാതെ കേസെടുത്തില്ല. ഇക്കാര്യം ചൂണ്ടിക്കാട്ടി മര്ദനമേറ്റവര് നല്കിയ പരാതിയിലാണ് വകുപ്പുതല നടപടി.
തിരുവനന്തപുരത്ത് നിന്നും തിരിച്ച ബസ് ആലപ്പുഴ ഹരിപ്പാട്ടെത്തിയപ്പോള് കേടായി. പാതിരാത്രിയില് പെരുവഴിയിലായ യാത്രക്കാര് ജീവനക്കാരോട് കാര്യം തിരക്കിയെങ്കിലും അവര് ക്ഷുഭിതരായി. തുടര്ന്ന് പകരം ബസ് എത്തിച്ച് യാത്ര തുടരുകയായിരുന്നു. കൊച്ചി വൈറ്റിലയിലെ കല്ലടയുടെ ഓഫീസ് എത്തിയപ്പോള് അവിടെയുള്ള ജീവനക്കാരുള്പ്പെടെ ഇരുപതോളം പേര് ബസിനുള്ളിലേക്ക് പാഞ്ഞ്കയറി, ഹരിപ്പാട്ട് വെച്ച് ജീവനക്കാരെ ചോദ്യം ചെയ്ത യുവാക്കളെ ആക്രമിക്കുകയായിരുന്നു. ക്രൂരമായി മര്ദ്ദിച്ച ശേഷം ബലമായി വലിച്ചിഴച്ച് ബസിന് പുറത്തേക്ക് കൊണ്ടുപോയി. ഇതെല്ലാം ബസിലെ യാത്രക്കാരനായ ജക്കബ് ഫിലിപ്പ് എന്ന ബിസിനസ്സുകാരന് മൊബൈലില് പകര്ത്തി ഫേസ്ബുക്കില് ഷെയര് ചെയ്തതോടെയാണ് ജനം വിവരമറിഞ്ഞത്. സംഭവം അറിഞ്ഞ് പൊലീസ് സ്ഥലത്തെത്തിയിരുന്നു.
വയനാട്, പാലക്കാട് സ്വദേശികളെയാണ് ക്രൂരമായി മര്ദ്ദിച്ചത്. മര്ദ്ദിച്ചവശരാക്കിയ ശേഷം യുവാക്കളെയും അജയ് ഘോഷ് എന്ന മറ്റൊരാളെയും ജീവനക്കാര് ഇറക്കിവിട്ടു. മര്ദ്ദനമേറ്റ രണ്ടു പേര് തമിഴ്നാട് ഈറോഡിലെ സ്വാശ്രയ എന്ജിനീയറിങ് കോളജ് വിദ്യാര്ഥികളാണ്. സംഭവത്തില് പൊലീസ് ഏഴ് പേരെ അറസ്റ്റ് ചെയ്തിരുന്നു. ബസ് ഉടമ സുരേഷ് കല്ലടയെ ചോദ്യം ചെയ്തിരുന്നു. കേസില് മറ്റ് നടപടികളിലേക്ക് നീങ്ങുന്നതിനിടെയാണ് അന്വേഷണ ഉദ്യോഗസ്ഥരെ സ്ഥലം മാറ്റിയത്. സംഭവത്തിന്റെ തുടക്കത്തില് പൊലീസ് കല്ലട ബസിലെ ജീവനക്കാരുമായി ഒത്തുകളിച്ചെന്ന് വ്യാപക ആക്ഷേപം ഉയര്ന്നിരുന്നു. അത് ശരിവയ്ക്കുന്ന രീതിയിലാണ് ആഭ്യന്തരവകുപ്പിന്റെ ഇപ്പോഴത്തെ നടപടി.
https://www.facebook.com/Malayalivartha
