ഇടതു സര്വീസ് സംഘടനാ നേതാക്കളും പൊലീസ് അസോസിയേഷന് നേതാക്കളും പോസ്റ്റല് ബാലറ്റ് അനുവദിച്ച ലിസ്റ്റുകള് കൈവശപ്പെടുത്തി
04 MAY 2019 05:46 PM IST
മലയാളി വാര്ത്ത
പോസ്റ്റല് ബാലറ്റുകള് അനുവദിക്കുന്നത് സംബന്ധിച്ചുള്ള വ്യാപകമായ ആക്ഷേപങ്ങള് പത്ര, ദൃശ്യ മാധ്യമങ്ങളില് നിരന്തരം വാര്ത്തയാണ്. ഒരേ മേല്വിലാസത്തില് ഒന്നിലധികം ആളുകളുടെ പോസ്റ്റല് ബാലറ്റുകള് അനുവദിച്ചതായും പോസ്റ്റല് ബാലറ്റിന് അപേക്ഷ സമര്പ്പിക്കാത്തവര്ക്ക് പോസ്റ്റല് ബാലറ്റ് അനുവദിച്ചതായും മറ്റും വാര്ത്തകള് നിരന്തരം വന്നു കൊണ്ടിരിക്കുന്നു. പോസ്റ്റല് ബാലറ്റുകള് അനുവദിക്കുന്നതില് ജാഗ്രതകുറവുണ്ടെന്നും സുതാര്യതയില്ലെന്നും വ്യാപകമായ ആക്ഷേപമുണ്ട്. ഈ സാഹചര്യത്തിലാണ് പോസ്റ്റല് ബാലറ്റ് അനുവദിച്ചവരുടെ ലിസ്റ്റ് സ്ഥാനാര്ത്ഥി എന്ന നിലയില് അടൂര് പ്രകാശ് ആവശ്യപ്പെട്ടത്.
പോസ്റ്റല് ബാലറ്റ് അനുവദിച്ചവരുടെ പേരും മേല്വിലാസവും അടങ്ങിയ ലിസ്റ്റ് അനുവദിക്കരുതെന്ന് ചട്ടത്തില് പ്രതിപാദിച്ചിട്ടില്ല. അതിനാല് മുഖ്യ തെരഞ്ഞെടുപ്പ് ഓഫീസര് തന്റെ വിവേചനാധികാരം ഉപയോഗിച്ച് സുതാര്യത ഉറപ്പുവരുത്തുന്നതിനായി ലിസ്റ്റ് അനുവദിക്കുന്നതിനുള്ള നിര്ദ്ദേശം വരണാധികാരിക്ക് നല്കണമെന്നും കൂടാതെ ഇടതു സര്വ്വീസ് സംഘടനാ നേതാക്കള്ക്കും പൊലീസ് അസോസിയേഷന് നേതാക്കള്ക്കും ഈ ലിസ്റ്റ് ചോര്ന്ന് ലഭിച്ചതാണെങ്കില് അതേകുറിച്ച് വിശദമായ അന്വേഷണം നടത്തണമെന്നും അടൂര് പ്രകാശ് ആവശ്യപ്പെട്ടു.
പൊലീസ് അസോസിയേഷന് നേതാക്കന്മാര് കൂട്ടത്തോടെ പോസ്റ്റല് വോട്ടുകള് സമാഹരിച്ചതായി ആദ്യമേ ആക്ഷേപം ഉയര്ന്നിരുന്നു. ഇതേച്ചൊല്ലി അസോസിയേഷന്റെ സംസ്ഥാന കമ്മിറ്റി ഓഫീസില് നോതാക്കളും മറ്റ് ചിലരും തമ്മില് സംഘട്ടനം നടന്നതായി മുന് അസോസിയേഷന് ഭാരവാഹി ചാനല് ചര്ച്ചയില് വെളിപ്പെടുത്തിയിരുന്നു. യു.ഡി.എഫിന് അനുകൂലമായി വോട്ട് ചെയ്യുമെന്ന് ഉറപ്പുള്ളവരുടെ ബാലറ്റുകള് കൈപ്പറ്റാതെ മടക്കി അയയ്ക്കുകയും മുക്കുകയും ചെയ്തെന്നാണ് ആരോപണം.
കഴിഞ്ഞ തെരഞ്ഞെടുപ്പ് വരെ തപാല് ബാലറ്റ് പൊലീസുകാരുടെ വീട്ടിലേക്ക് അയയ്ക്കുന്നതായിരുന്നു പതിവ്. ഇത്തവണ അതില് ബോധപൂര്വ്വം മാറ്റംവരുത്തി. ജോലി ചെയ്യുന്ന യൂണിറ്റിന്റെ വിലാസം അപേക്ഷയില് രേഖപ്പെടുത്തിയാല് മതിയെന്നാക്കി. പൊലീസ് അസോസിയേഷന് ഇടപെട്ടാണ് ഇത്തരമൊരു നിലപാടെടുത്തത്. അതുകൊണ്ട് പൊലീസുകാരില് മിക്കവരും യൂണിറ്റിന്റെ വിലാസമാണ് നല്കിയത്. ആ വിലാസത്തിലെത്തിയ ബാലറ്റുകള് അസോസിയേഷന് നേതാക്കളാണ് കൈപ്പറ്റിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
