നവോത്ഥാനം ചിലയിടങ്ങളില്‍ മത്രമായി ചുരുക്കേണ്ടതല്ലെന്ന് ദേവസ്വം പ്രസിഡന്റ് എ. പത്മകുമാര്‍. നവോത്ഥാനം എല്ലാവിഭാഗങ്ങളിലും ഉയര്‍ന്നുവരേണ്ടതാണെന്ന് പത്മകുമാര്‍ പറഞ്ഞു. അത് ഏകപക്ഷീയം ആകരുത്. അതത് മേഖലകളിലുള്ളവരുമായി ചര്‍ച്ചചെയ്തുവേണം നടപ്പാക്കാന്‍ എന്നും പത്മകുമാര്‍ പറഞ്ഞു. ബുര്‍ഖ വിവാദവും ഉയര്‍ന്ന സാഹചര്യത്തിലാണ് പത്മകുമാറിന്റെ പ്രതികരണം.

നവോത്ഥാനം പൊതുവില്‍ ഉയര്‍ന്നുവരേണ്ട ഒന്നാണ്. ഏകപക്ഷീയമല്ലാതെ, എല്ലാമേഖലകളിലും അതുയര്‍ന്നുവരണം. ശബരിമല യുവതിപ്രവേശവിഷയത്തില്‍ തനിയ്ക്ക് വ്യക്തമായ അഭിപ്രായമുണ്ട്. ദേവസ്വം പ്രസിഡന്റ് സ്ഥാനത്തിരിക്കുന്നതിനാല്‍ അത് പറയാന്‍ ഉദ്ദേശിക്കുന്നില്ലെന്നും പത്മകുമാര്‍ പറഞ്ഞു. അതേസമയം ശബരിമല യുവതിപ്രവേശവിഷയത്തില്‍ സുപ്രിംകോടതിയുടെ അന്തിമ വിധിവരട്ടെയെന്നായിരുന്നു പത്മകുമാറിന്റെ മറുപടി.