എ​സ്എ​സ്എ​ല്‍​സി ഉ​പ​രി​പ​ഠ​ന​ത്തി​ന് യോ​ഗ്യ​ത നേ​ടാ​ത്ത​വ​ര്‍​ക്കു​ള്ള സേ ​പ​രീ​ക്ഷ ഈ ​മാ​സം 20 മു​ത​ല്‍ 25 വ​രെ ന​ട​ക്കും. പ​ര​മാ​വ​ധി മൂ​ന്നു വി​ഷ​യം സേ ​പ​രീ​ക്ഷ​യി​ല്‍ എ​ഴു​താ​നാ​വു​മെ​ന്ന് പൊ​തു​വി​ദ്യാ​ഭ്യാ​സ സെ​ക്ര​ട്ട​റി അ​റി​യി​ച്ചു.

അതേസമയം പു​ന​ര്‍​മൂ​ല്യ നി​ര്‍ണ്ണ​യ​ത്തി​ന് ചൊ​വ്വാ​ഴ്ച മു​ത​ല്‍ അ​പേ​ക്ഷി​ക്കാം. ഈ ​മാ​സം പ​ത്തു​വ​രെ പു​ന​ര്‍​മൂ​ല്യ നി​ര്‍​ണ​യ​ത്തി​ന് അ​പേ​ക്ഷി​ക്കാ​ന്‍ അ​വ​സ​ര​മു​ണ്ട്. ഇ​ത്ത​വ​ണ ആ​രു​ടെ​യും എ​സ്എ​സ്എ​ല്‍​സി ഫ​ലം ത​ട​ഞ്ഞു​വ​ച്ചി​ട്ടി​ല്ല. മോ​ഡ​റേ​ഷ​ന്‍ ന​ല്‍​കാ​തെ​യാ​ണ് ഫ​ലം പ്ര​ഖ്യാ​പി​ക്കു​ന്ന​തെ​ന്നും വി​ദ്യാ​ഭ്യാ​സ സെ​ക്ര​ട്ട​റി വ്യ​ക്ത​മാ​ക്കി.

കഴിഞ്ഞ അധ്യായന വർഷത്തെ 98.11 ശതമാനം കുട്ടികളും ഉപരി പഠനത്തിന് യോഗ്യത നേടി. എന്നാൽ അതിനു മുന്നത്തെ തവണ 97.84 ശതമാനം കുട്ടികളാണ് വിജയം നേടിയിരുന്നത്. 14 ദിവസങ്ങൾ കൊണ്ടാണ് മൂല്യനിർണയം പൂർത്തിയാക്കിയത്. പെരുമാറ്റച്ചട്ടം നിലവിലുള്ളതിനാൽ വിദ്യാഭ്യാസ മന്ത്രിക്ക് പകരം പൊതു വിദ്യാഭ്യാസ ഡയറക്ടറാണ് ഫലപ്രഖ്യാപനം നടത്തിയത്.

4,34,729 വിദ്യാർഥികൾ പരീക്ഷ എഴുതിയതിൽ 4,26,513 കുട്ടികൾ ഉപരിപഠനത്തിന് യോഗ്യത നേടി. 37,334 വിദ്യാർഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു. ഇതിൽ 2,493 കുട്ടികളും മലപ്പുറം ജില്ലയിൽ നിന്നുള്ളവരാണ്. 599 സർക്കാർ സ്കൂളുകൾക്കും 713 എയ്ഡഡ് സ്കൂളുകൾക്കും 319 അണ്‍ എയ്ഡഡ് സ്കൂളുകൾക്കും നൂറു ശതമാനം വിജയം ലഭിച്ചു.

99.33 ശതമാനം വിജയം നേടിയ പത്തനംതിട്ടയാണ് ഏറ്റവും മികച്ച വിജയം നേടിയ ജില്ല. 93.22 ശതമാനം കുട്ടികൾ വിജയിച്ച വയനാട് ജില്ലയിലാണ് വിജയശതമാനം കുറവ്. വിദ്യാഭ്യാസ ജില്ലയിൽ ഏറ്റവും ഉയർന്ന വിജയ ശതമാനം നേടിയത് കുട്ടനാടാണ്. ഗൾഫ് മേഖലയിൽ 98.79 ശതമാനം കുട്ടികൾ ഉപരി പഠനത്തിന് യോഗ്യത നേടി. 495 പേർ പരീക്ഷ എഴുതിയതിൽ 489 പേരും വിജയം നേടി. ആറ് ഗൾഫ് സെന്‍ററുകൾ നൂറു ശതമാനം വിജയം കൊയ്തു. ലക്ഷദ്വീപിൽ 681 പേർ പരീക്ഷ എഴുതിയതിൽ 599 പേർ വിജയിച്ചു.