കൊച്ചിയില് യുവനടിയെ കാറില് തട്ടിക്കൊണ്ട് പോയി ലൈംഗികമായി ആക്രമിച്ച കേസ് സി.ബി.ഐ അന്വേഷിക്കണമെന്ന ദിലീപിന്റെ ആവശ്യം ഹൈക്കോടതി പരിഗണിച്ചില്ല
കൊച്ചിയില് യുവനടിയെ കാറില് തട്ടിക്കൊണ്ട് പോയി ലൈംഗികമായി ആക്രമിച്ച കേസ് സി.ബി.ഐ അന്വേഷിക്കണമെന്ന ദിലീപിന്റെ ആവശ്യം ഹൈക്കോടതി പരിഗണിച്ചില്ല. കേസിലെ പ്രധാന തെളിവായ വീഡിയോ ദൃശ്യങ്ങള് പ്രതിസ്ഥാനത്തുള്ള ദിലീപിന് നല്കണോ, വേണ്ടയോ എന്ന കാര്യത്തില് സുപ്രീംകോടതി തീരുമാനം എടുത്ത ശേഷം ദിലീപിന് ഇക്കാര്യത്തില് അപേക്ഷ നല്കാമെന്നും ഹൈക്കോടതി പറഞ്ഞു. ദിലീപ് പ്രതിഭാഗത്ത് നില്ക്കുന്ന കേസ് ഏത് ഏജന്സി അന്വേഷിക്കണമെന്ന് തീരുമാനിക്കേണ്ടത് ദിലീപല്ലെന്നും കോടതി ചൂണ്ടിക്കാട്ടി.
അന്വേഷണവുമായി ബന്ധപ്പെട്ട കാര്യങ്ങളെല്ലാം പ്രതികള് തീരുമാനിക്കുന്ന സാഹചര്യങ്ങള് നീതിന്യായ വ്യവസ്ഥയിലുണ്ട്. എന്നാല് ഈ കേസില് അത് അനുവദിക്കാനാവില്ല. ദിലീപ് ദക്ഷിണേന്ത്യയിലെ അറിയപ്പെടുന്ന സിനിമാ നടനായതിനാലും അദ്ദേഹത്തിന്റെ സ്വഭാവവും കൊണ്ടാണ് മാധ്യമങ്ങള് പിന്തുടരുന്നത്. ഇത്തരത്തിലുള്ള കേസില് ആരോപണ വിധേയനായാല് പരസ്യമായി നടക്കാന് എളുപ്പമാവില്ലെന്നും കോടതി ചൂണ്ടിക്കാട്ടി. നിലവിലുള്ള അന്വേഷണം തൃപ്തികരമാണെന്ന് ഹൈക്കോടതി സിംഗിള് ബെഞ്ച് വ്യക്തമാക്കിയിട്ടുണ്ട്. ആ സ്ഥിതിക്ക് കേസ് നിലനില്ക്കില്ലെന്ന് ദിലീപിന് തോന്നുന്നുണ്ടെങ്കില് കേസ് റദ്ദാക്കാന് ഹര്ജി നല്കുകയല്ലേ വേണ്ടത്. അല്ലാതെ അന്വേഷണ ഏജന്സിയെ കോടതി ചോദിച്ചു.
കേസില് വിചാരണ ആറ് മാസത്തിനകം പൂര്ത്തിയാക്കണമെന്ന ഹൈക്കോടതി നിര്ദ്ദേശിച്ചിരുന്നു. എന്നാല് വിചാരണ കഴിഞ്ഞ മാസം സുപ്രീം കോടതി സ്റ്റേ ചെയ്തു. കേസിലെ പ്രധാന തെളിവായ മെമ്മറി കാര്ഡിന്റെ പകര്പ്പ് ആവശ്യപ്പെട്ട് ദിലീപ് നല്കിയ ഹര്ജി വേനലവധിക്കുശേഷം പരിഗണിക്കും. അതിന് ശേഷമേ ദിലീപിനെ പ്രതിചേര്ക്കാവൂ എന്നും കോടതി നിര്ദ്ദേശിച്ചു. മെമ്മറി കാര്ഡ് രേഖയോ തൊണ്ടിയോ എന്ന് അറിയിക്കാന് സമയം വേണമെന്ന് സംസ്ഥാന സര്ക്കാര് കോടതിയില് ആവശ്യപ്പെട്ടതാണ് ദിലീപിന് തുണയായത്. സര്ക്കാര് നിലപാടിനെതിരെ വിമന് ഇന് കളക്ടീവ് സിനിമാ പ്രവര്ത്തകര് അടക്കം രംഗത്തെത്തിയിരുന്നു. സര്ക്കാരല്ല ചില ഉന്നത പൊലീസ് ഉദ്യോഗസ്ഥരാണ് കളിക്കുന്നതെന്നാണ് ആരോപണം.
നടിയെ ആക്രമിച്ച ദൃശ്യങ്ങളടങ്ങിയ മെമ്മറികാര്ഡ് രേഖയാണെങ്കില് അതിലെ ദൃശ്യങ്ങള് ദിലീപിനു കൈമാറണമോ എന്ന് വിചാരണക്കോടതിക്ക് തീരുമാനിക്കാമെന്ന് ജസ്റ്റിസ് എ.എം. ഖാന്വില്ക്കര് അധ്യക്ഷനായ ബെഞ്ച് നിരീക്ഷിച്ചിരുന്നു. മെമ്മറി കാര്ഡ് തൊണ്ടിമുതലല്ല രേഖയാണെന്നാണ് ദിലീപിന്റെ വാദം. അതിനാല് പ്രതിയെന്ന നിലയില് പകര്പ്പ് ലഭിക്കാന് അര്ഹതയുണ്ടെന്നും ദിലീപ് ചൂണ്ടിക്കാട്ടിയിരുന്നു. ഇക്കാര്യത്തില് സംസ്ഥാന സര്ക്കാരിന്റെ തീരുമാനമാണ് ഏറ്റവും പ്രധാനം. കേസിന്റെ തുടക്കം മുതല് ദിലീപിന് എതിരായ നിലപാടാണ് സര്ക്കാര് സ്വീകരിച്ച് പോരുന്നത്. സര്ക്കാര് രാഷ്ട്രീയ തീരുമാനം എടുത്തിരുന്നെങ്കില് ദിലീപിന്റെ അറസ്റ്റ് പോലും ഒഴിവാക്കാമായിരുന്നു.
https://www.facebook.com/Malayalivartha
