സൈബർ ലോകത്ത് ഏറ്റവും കൂടുതൽ ആക്രമണം നേരിടുന്ന ആളാണ് രമ്യ ഹരിദാസ് . ആലത്തൂരിന്റെ സ്വന്തം പെങ്ങളൂട്ടിയായി രമ്യ ആലത്തൂരിൽ തുടർന്നാൽ അത് ക്ഷീണമാകുമെന്നുറപ്പുള്ള രാഷ്രീയ പാർട്ടികളാണ് ഈ ആക്രമണത്തിന് പിന്നിൽ . ഏറ്റവും ഒടുവിൽ വിവാദമായിരിക്കുന്നത് രമ്യ ഹരിദാസിന് യൂത്ത് കോൺഗ്രെസ്സുകാർ വാങ്ങിക്കൊടുക്കാമെന്ന് ഏറ്റ കാറാണ്. ഇതിന്റെ പേരിലാണ് ഇപ്പോൾ രമ്യ ഹരിദാസിനെതിരെ അഴിമതിയെന്നും പാട്ടപ്പിരിവെന്നും ഉള്ള ആക്ഷേപങ്ങളുമായി ചിലർ മുറവിളി കൂട്ടുന്നത് . എംപിയെന്ന നിലയിൽ പ്രതിമാസം 1.90 ലക്ഷംരൂപ ശമ്പളവും അലവൻസും ലഭിക്കുമ്പോൾ പണം പിരിച്ച‌് വാഹനം വാങ്ങേണ്ട ആവശ്യമുണ്ടോ എന്നാണ് ഉയർന്നുവരുന്ന ചോദ്യം.
എംപിയെന്ന നിലയില്‍ സെക്രട്ടറി, സ‌്റ്റാഫ‌്, ഓഫീസ‌് അലവൻസ‌് എന്നിവ വേറെയുമുണ്ട‌്. വിമാന, ട്രെയിൻയാത്ര സൗജന്യമാണ‌്. പാർലമെന്റ‌് കൂടുമ്പോൾ ബത്തയും ലഭിക്കും. എംപിക്ക‌് അപേക്ഷിച്ചാലുടൻ ഈടില്ലാതെ ദേശസാൽക്കൃത ബാങ്കുകൾ വാഹനവായ‌്പ നൽകാന്‍ നിര്‍ദേശമുണ്ട്. ഈ സൗകര്യമുണ്ടായിട്ടും നാട്ടുകാരിൽനിന്ന‌് പണം പിരിച്ച‌് വാഹനം വാങ്ങുന്നതിനെതിരെയാണ് പ്രതിഷേധം ഉയരുന്നത്

ഇതിന്റെ സത്യാവസ്ഥ ഇതാണ്. വാഹന വായ്‌പ്പക്ക് അപേക്ഷിക്കാൻ രമ്യക്ക് ആവില്ല . സ്ഥാനാര്ഥിയാകുന്നതിനു മുൻപ് എടുത്ത ബാധ്യത അടച്ചുവീട്ടാൻ പറ്റാത്തത് കാരണം ജപ്തി നടപടികൾ അഭിമുഖീകരിക്കേണ്ടി വന്ന വ്യക്തിയാണ് രമ്യ. അതുകൊണ്ടു തന്നെ ബാങ്ക് സിബിൽ രമ്യക്ക് അനുകൂലമല്ല. 1.90 ലക്ഷംരൂപ ശമ്പളം എം പി മാർക്ക് ഉണ്ടെന്നു കണക്കിലുണ്ടെങ്കിലും ഒരുലക്ഷത്തിലധികം തുക അവർക്ക് ഔദ്യോഗിക ആവശ്യങ്ങൾക്ക് തന്നെ ആയി വേണ്ടിവരും..

എം പി എന്ന നിലയിൽ മണ്ഡലത്തിലെ കാര്യങ്ങൾക്കായി ഓടിനടക്കാൻ വാഹനസൗകര്യം ഉണ്ടായേ പറ്റൂ..
സാമ്പത്തികമായി ഒരു കാർ സ്വന്തമായി വാങ്ങാനുള്ള ശേഷി രമ്യക്ക് ഇപ്പോൾ ഇല്ല എന്നറിയുന്ന യൂത്ത് കോൺഗ്രസ് പ്രവർത്തകരാണ് അവരുടെ സമ്മാനമായി കാർ വാങ്ങി നൽകാൻ തീരുമാനിച്ചത് .

1,400 ലീഫുകളാണ് ആകെ അച്ചടിച്ചിട്ടുള്ളതെന്നാണ് യൂത്ത് കോണ്‍ഗ്രസ് ഭാരവാഹികള്‍ അറിയിക്കുന്നത്.ബൂത്ത് കമ്മിറ്റികളിലൂടെ രണ്ട് ലക്ഷം രൂപ വീതം പിരിക്കുകയാണ് ലക്ഷ്യം . 14 ലക്ഷത്തോളം രൂപ പിരിച്ച് എംപിക്ക് വാഹനം വാങ്ങി നല്‍കാനാണ് യൂത്ത് കോണ്‍ഗ്രസ് തീരുമാനം. ഇത് കോണ്‍ഗ്രസ് കുടുംബങ്ങളില്‍ നിന്ന് മാത്രമുള്ള പിരിവാണെന്നും പുറത്തുനിന്നുള്ളവരില്‍ നിന്ന് പണം പിരിക്കുന്നില്ലെന്നും യൂത്ത് കോണ്‍ഗ്രസ് ആലത്തൂര്‍ പാര്‍ലമെന്റ് കമ്മിറ്റി നേതൃത്വം അറിയിച്ചു

യൂത്ത് കോണ്‍ഗ്രസ്കാർ തങ്ങളുടെ എംപിക്കാണ് വാഹനം വാങ്ങി നല്‍കുന്നത്. അതില്‍ യാതൊരു തെറ്റുമില്ല. അഭിമാനം കൊള്ളുകയാണ് താന്‍ ചെയ്യുന്നതെന്നാണ് രമ്യഇതേപ്പറ്റി പ്രതികരിച്ചത് . രമ്യ ഹരിദാസ് ഒരു സാധാരണക്കാരിയാണ്. തിരഞ്ഞെടുപ്പില്‍ അപ്രതീക്ഷ സ്ഥാനാര്‍ഥിയായി വിജയം കൊയ്തെടുത്ത വ്യക്തിയാണ്. ആലത്തൂര്‍ക്കാര്‍ക്ക് കൂടുതല്‍ സേവനം ലഭിക്കാനായാണ് തങ്ങളുടെ എംപിക്ക് വാഹനം വാങ്ങി നല്‍കുന്നതെന്നാണ് യൂത്ത് കോണ്‍ഗ്രസ് പറയുന്നത്. അതില്‍ അഭിമാനം തോന്നുന്നുണ്ടെന്നും ഒന്‍പതാം തീയതിയിലെ പരിപാടിയില്‍ പങ്കെടുക്കുമെന്നും സമ്മാനമായി നല്‍കുന്ന വാഹനം താന്‍ വാങ്ങിക്കുമെന്നും രമ്യ പറഞ്ഞു
ഒാഗസ്റ്റ് 9 ന് വടക്കഞ്ചേരി മന്ദം മൈതാനിയില്‍ പ്രതിപക്ഷ നേതാവ് രമേശ് ചെന്നിത്തല കാറിന്റെ താക്കോല്‍ കൈമാറും. കാറിന് പതിനാലു ലക്ഷം രൂപയാണ് വില..