ഇത്തവണത്തെ ബി​ഗ് ബോസ് മലയാളം സീസൺ തുടക്കം മുതലേ പ്രേക്ഷകരെ ഉദ്വേ​ഗത്തിൽ ആഴ്‍ത്തുകയാണ്. പുറത്ത് അതിശക്തമായിട്ട് ഏറ്റുമുട്ടിയവരാണ് ഇത്തവണ അകത്തുള്ളത് . ഷോയുടെ ലോഞ്ച് എപിസോ‍ഡ് മുതൽ ബി​ഗ് ബോസ് ഹൗസ് സജീവമാണ്. ആദ്യ ദിവസത്തിൽ തന്നെ തുടർ തർക്കങ്ങളാണ് ഹൗസിലെ പലരുമായും നടക്കുന്നത്. ഷോയുടെ രണ്ടാം ദിനത്തിലെ എപിസോഡിനായി പ്രേക്ഷകർ കാത്തിരിക്കുമ്പോൾ ഇതാ മറ്റൊരു വൻ സർപ്രൈസ് ആണ് ബി​ഗ് ബോസ് നൽകുന്നത്.

ഏറ്റവും പുതിയതായി വന്ന പ്രൊമോയിൽ ഓരാളെ ഈ വീട്ടിൽ നിന്ന് എന്നന്നേക്കുമായി പുറത്താക്കണോ അതോ ഇനിയുള്ള മുഴുവൻ ദിവസും കഞ്ഞിയും പയറും മാത്രം മതിയോ എന്ന് ബി​ഗ് ബോസ് ചോദിക്കുന്നു.തുടർന്ന് ക്യാപറ്റനായ ജസീല പർവീണിന്റെ നേതൃത്വത്തിൽ കോൺഫറൻസ് റൂമിൽ വച്ച് എല്ലാം അം​ഗങ്ങളും ചേർന്ന് ആരെ പുറത്താക്കണം എന്ന ചർച്ച നടത്തുന്നു. ഇതിൽ എല്ലാവരും തന്നെ റിനി ആൻ ജോർജ്ജിന്റെ പേരാണ് പറഞ്ഞത് എന്നാണ് പ്രൊമോയിലൂടെ മനസ്സിലാകുന്നത്.

ഏറെ വിഷമിച്ച് ഇരിക്കുന്ന റിനിയെയും പ്രൊമോ വീഡിയിൽ എടുത്ത് കാണിക്കുന്നുണ്ട്.തുടർന്ന് ഹൗസിന്റെ പ്രധാന ഹാളിൽ വച്ച് രാഹുൽ ഈശ്വറിനോട് റിനി കയർക്കുന്ന രം​ഗങ്ങളും പ്രൊമോയിൽ ഉൾപ്പെടുത്തിയിട്ടുണ്ട്. നിങ്ങളെന്നെ പുറത്താക്കിക്കോ, എനിക്ക് ഇവിടെ നിന്ന് പുറത്ത് പോകുന്നതാണ് ഇഷ്ടം, ഇത്രയും പേര് എന്നെ പുറത്താക്കണം എന്ന് പറഞ്ഞിട് ഞാൻ സ്ട്രോ​ഗ് ആയി നിൽക്കുകയാണ്. ഐ വാൺടു ​ഗോ ഔട്ട് എന്നാണ് റിനി പറയുന്നത്.

നിങ്ങൾ ഒറ്റ ഒരുത്തനാണ് ഇത്രയും നെ​ഗറ്റീവാക്കിയതെന്ന് റിനി രാഹുലിനോട് പറയുമ്പോൾ റിനി ഇവിടെ നിൽക്കണമെന്നാണ് എന്റെ ആ​ഗ്രഹമെന്ന് രാഹുൽ പറയുന്നു. ഞാനെന്ത് തെറ്റാണ് ചെയ്തതെന്ന് റിനി കരഞ്ഞ് കൊണ്ട് ചോദിക്കുന്നു. നിങ്ങളുടെ നിലപാടുകളോടാണ് എനിക്ക് വിയോജിപ്പെന്ന് രാ​​ഹുൽ പറയുന്നു. ഇതിന് ശേഷം കരഞ്ഞുകൊണ്ട് മാറിപ്പോകുന്ന റിനിയെ ആശ്വസിപ്പിക്കാനെന്ന പോലെ രാഹുൽ വരന്നതും പ്രൊമോയിൽ കാണാം.

ഈ ആഴ്ചയിലെ നോമിനേഷനിലും ഏറ്റവും അധികം പേരും പറഞ്ഞ പേര് റിനിയുടേതാണ്.പുറത്ത് പോകുന്നതും ബി​ഗ് ബോസ് വാതിൽ അടയ്ക്കുന്നതും പ്രാെമോയിൽ കാണാം. അതേസമയം റിനിയെ സീക്രട്ട് റൂമിലേക്ക് കൊണ്ട് പോയതാകാനും സാധ്യതയുണ്ട്. ബിഗ് ബോസ് ഉന്നയിച്ച ചോദ്യത്തിന് പിന്നാലെ ഭൂരിപക്ഷം അംഗങ്ങളും മത്സരപരാതിക്കാരി കൂടിയായ റിനിയുടെ പേര് പുറത്താക്കലിനായി നിർദ്ദേശിക്കുകയായിരുന്നു.