കുമ്പള കൊടിയമ്മയിൽ കനത്ത മഴയില്‍ റോഡ് ഭൂമിയിലേക്ക് താഴ്ന്നതിനെ തുടര്‍ന്ന് ഗതാഗതം പൂര്‍ണമായും സ്തംഭിച്ചു. ശനിയാഴ്ച പുലര്‍ച്ചെ ഒരു മണിക്കും നാല് മണിക്കൂമിടയിലുള്ള സമയത്താണ് റോഡ് ഭൂമിയിലേക്ക് താഴ്ന്നത്. ഇവിടെയുള്ള കള്‍വേര്‍ട്ട് കനത്ത മഴയില്‍ ഒഴുകിപ്പോയതാണ് റോഡ് താഴ്ന്നുപോകാന്‍ കാരണമെന്ന് നാട്ടുകാര്‍ അറിയിച്ചു.

ദിനംപ്രതി നിരവധി യാത്രക്കാര്‍ സഞ്ചരിക്കുന്ന റോഡാണ് തകര്‍ന്നത്. ഈയടുത്താണ് ഈ റോഡ് ടാര്‍ ചെയ്തത്. തകര്‍ന്ന റോഡും കള്‍വര്‍ട്ടും എത്രയും പെട്ടെന്ന് നന്നാക്കി ഗതാഗതം പുന:സ്ഥാപിക്കണമെന്നാണ് നാട്ടുകാര്‍ ആവശ്യപ്പെടുന്നത്.