സംസ്ഥാനത്ത് മഴ ശക്തമാകുന്നു... കേരള തീരത്തേക്കു പടിഞ്ഞാറു ദിശയില്നിന്നു മണിക്കൂറില് 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റു വീശാനുള്ള സാധ്യത... മത്സ്യത്തൊഴിലാളികള് കടലില് പോകരുതെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്
കേരള തീരത്തേക്കു പടിഞ്ഞാറു ദിശയില്നിന്നു മണിക്കൂറില് 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റു വീശാനുള്ള സാധ്യതയുണ്ടെന്നും മത്സ്യത്തൊഴിലാളികള് കടലില് പോകരുതെന്നുമാണു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നത്. കേരള, കര്ണാടക, തെക്കന് തമിഴ്നാട്, ലക്ഷദ്വീപ് തീരങ്ങള് എന്നിവിടങ്ങളിലാണു ഞായറാഴ്ച മുതല് തിങ്കളാഴ്ച വരെ കാറ്റു വീശാനിടയുള്ളത്. അടുത്ത 24 മണിക്കൂറില് തെക്കുപടിഞ്ഞാറന് ബംഗാള് ഉള്ക്കടലില് നാലു മീറ്ററില് കൂടുതല് ഉയരത്തില് തിരമാലകള് ഉണ്ടാകാന് സാധ്യതയുണ്ട്.
പൊഴിയൂര് മുതല് കാസര്ഗോഡ് വരെയുള്ള കേരള തീരത്ത് 3.7 മുതല് 4.3 മീറ്റര് വരെ ഉയരത്തില് തിരമാലകള് ഉയര്ന്നേക്കും. ഇടുക്കി, കാസര്ഗോഡ് ജില്ലകളില് ഞായറാഴ്ചയും കോഴിക്കോട്, വയനാട്, കണ്ണൂര് ജില്ലകളില് തിങ്കളാഴ്ചയും കണ്ണൂര്, കാസര്ഗോഡ് ജില്ലകളില് ചൊവ്വാഴ്ചയും കേന്ദ്ര കാലാവസ്ഥ നിരീക്ഷണ കേന്ദ്രം റെഡ് അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് അതിതീവ്ര മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
"
https://www.facebook.com/Malayalivartha