ഒരു മാസം മുമ്പ് മരത്തില് നിന്ന് വീണ് നട്ടെല്ലിനു പരിക്കേറ്റു ചികിത്സയിലായിരുന്ന ഗൃഹനാഥന് വെടിവെച്ച് ജീവനൊടുക്കി
മരത്തില് നിന്ന് വീണ് പരിക്കേറ്റ് ചികിത്സയിലായിരുന്ന ഗൃഹനാഥന് തോക്കുപയോഗിച്ച് വെടിവെച്ച് മരിച്ചു. ഇടുക്കി ശാന്തന്പാറ പൂപ്പാറയ്ക്ക് സമീപം മുള്ളന്തണ്ട് കാക്കുന്നേല് കെ.പി സന്തോഷാണ് ജീവനൊടുക്കിയത്. വീട്ടില് സൂക്ഷിച്ചിരുന്ന നാടന് തോക്ക് ഉപയോഗിച്ചായിരുന്നു മരണം. തിങ്കളാഴ്ച വൈകുന്നേരം നാലരയോടെയാണ് സംഭവമുണ്ടായത്. ഒരു മാസം മുന്പു മരത്തില്നിന്നു വീണു നട്ടെല്ലിനു പരിക്കേറ്റു ചികിത്സയിലായിരുന്നു സന്തോഷ്.
ആശുപത്രിയില്നിന്ന് കുറച്ചു ദിവസം മുന്പ് വീട്ടില് എത്തിയെങ്കിലും കിടപ്പിലായിരുന്നു. കഴിഞ്ഞ ദിവസങ്ങളില് സ്ഥിതി അല്പ്പം മെച്ചപ്പെട്ടതിനാല് ഉച്ചയോടെ വീട്ടില്നിന്നു പുറത്തുപോയി. മടങ്ങി എത്തിയ ശേഷം വീട്ടില് സൂക്ഷിച്ചിരുന്ന തോട്ടാക്കുഴല് കൊണ്ട് സ്വന്തം കഴുത്തില് വെടിവെക്കുകയായിരുന്നു.
ഭാര്യ രജനിയും മകന് അര്ജുനും ഈ സമയം വീടിനുസമീപത്തെ പറമ്പിലായിരുന്നു. വെടി ശബ്ദം കേട്ട് ഇവരും സമീപവാസികളും ഓടിയെത്തിയപ്പോള് സന്തോഷ് മുറിയില് വീണുകിടക്കുന്നതാണു കണ്ടത്. ഉടന്തന്നെ രാജകുമാരിയിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല.
https://www.facebook.com/Malayalivartha