ഇവിടെ ഇങ്ങനെയും ഒരു എം എൽ എ ..ജോലികഴിഞ്ഞ് അരിയും വാങ്ങി നടന്നു വീട്ടിലേക്ക് മടങ്ങുന്ന എംഎല്എ..അതാണ് കല്പ്പറ്റക്കാരുടെ ശശിയേട്ടൻ
കല്പറ്റ എം.എല്.എ സി.കെ ശശീന്ദ്രന് ലളിത ജീവിതത്തിന്റെ കാര്യത്തില് എന്നും ഒരു പടി മുന്നിലാണ്. ജോലി കഴിഞ്ഞ് അരിയും വാങ്ങി നഗ്ന പാദനായി വീട്ടിലേക്ക് നടന്നുവരുന്ന സി.പി.ഐ.എം എം.എല്.എ ശശീന്ദ്രന്റെ ചിത്രമാണ് ഇപ്പോള് സോഷ്യല്മീഡിയയില് പ്രചരിക്കുന്നത്. മാധ്യമപ്രവര്ത്തകന് ഷെഫീക് താമരശ്ശേരി പകര്ത്തിയതാണ് ചിത്രം.
പൊലീസ് സുരക്ഷയോടും വാഹന അകമ്പടിയോടും കൂടെ മാത്രം പുറത്തിറങ്ങുന്ന എം.എൽ.എമാരും മന്ത്രിമാരും ഉള്ള ഈ സംസ്ഥാനത്ത് ലളിതവും സാധാരണവും ആയ ജീവിതം നയിക്കുന്ന കൽപ്പട്ടക്കാരുടെ ശശിയേട്ടൻ വ്യത്യസ്തനാണ് .. ഏവരുടെയും ബഹുമാനവും ആദരവും സ്നേഹവും പിടിച്ചുപറ്റിയ ചരിത്രമാണ് ഈ എം.എൽയ്ക്കുള്ളത്
സാധാരണക്കാരില് സാധാരണക്കാരനെന്ന് വിശേഷിപ്പിക്കപ്പെടുന്ന ശശീന്ദ്രന് എം.എല്.എ ആയശേഷം സത്യപ്രതിജ്ഞ ചെയ്യുവാനായി വയനാട്ടില് നിന്നും കെഎസ്ആര്ടിസി ബസ്സില് കയറി തിരുവനന്തപുരത്ത് എത്തിയത് അന്ന് മാധ്യമശ്രദ്ധ പിടിച്ചു പറ്റിയിരുന്നു. തുടര്ന്നും ശശീന്ദ്രന്റെ ലളിത ജീവിതം പല തവണ വാര്ത്തയായിട്ടുണ്ട്
സിറ്റിങ് എം.എല്.എയായിരുന്ന യു.ഡി.എഫ് സ്ഥാനാര്ത്ഥി ശ്രേയാംസ്കുമാറിനെ 13,083 വോട്ടുകള്ക്ക് പരാജയപ്പെടുത്തിയാണ് ശശീന്ദ്രന് എം.എല്.എ പദവിയിലേക്കെത്തിയത്. തെരഞ്ഞെടുപ്പ് സമയത്ത് സോഷ്യല് മീഡിയ വളരെ ശക്തമായി ശശീന്ദ്രനുവേണ്ടി രംഗത്തെത്തിയിരുന്നു. മണ്ഡലത്തിനു പുറത്തുള്ളവര്പോലും ശശീന്ദ്രനുവേണ്ടി സോഷ്യല് മീഡിയകളില് സജീവമായി രംഗത്തെത്തിയിരുന്നു. സംശുദ്ധ രാഷ്ട്രീയത്തിന്റെ പ്രതീകമെന്ന നിലയില് ശശീന്ദ്രനെ പിന്തുണച്ച് നിരവധി പേര് രംഗത്തെത്തുകയും ചെയ്തിരുന്നു. നഗ്നപാദനായി നിലത്ത് കാലുറപ്പിച്ചു നടക്കുന്ന, പശുവിനെ കറന്ന് പാല് അളന്ന് ജീവിക്കുന്ന സാധാരണക്കാരനായ സ്ഥാനാര്ത്ഥി എന്ന ശശീന്ദ്രന്റെ ഇമേജിൽ തകർന്നുവീണത് യു.ഡി.എഫ് കോട്ടയായിരുന്നു
കൃഷിയിലൂടെയും കന്നുകാലി വളർത്തലിലൂടെയുമാണ് ശശീന്ദ്രൻ എം.എൽ.എ തനിക്കും കുടുംബത്തിനും ജീവിക്കാനുള്ള വക നേടുന്നത്.
https://www.facebook.com/Malayalivartha
