ഇത്രയും പ്രതീക്ഷിച്ചില്ല... ഇടയ്ക്കിടയ്ക്ക് വിമാനക്കമ്പനികള് പ്രവാസി മലയാളികളെ കൊള്ളയടിക്കുന്നത് ഇനി നടക്കില്ലെന്ന് കേന്ദ്ര മന്ത്രി വി. മുരളീധരന് പറഞ്ഞ് തീരും മുമ്പേ അത് നടപ്പിലാക്കി കമ്പനികള്; കേരളത്തില്നിന്നുള്ള വിമാന ടിക്കറ്റ് നിരക്കില് വന്വര്ധന വരുത്തി വിമാനക്കമ്പനികള്
ഓണക്കാലത്ത് പ്രവാസികള്ക്ക് ആശ്വാസവാര്ത്തയുമായി കേന്ദ്രമന്ത്രി വി. മുരളീധരന് രംഗത്തെത്തി. ഓണക്കാലത്ത് ഗള്ഫില് നിന്നും നാട്ടിലേക്ക് എത്തുന്ന മലയാളികള്ക്ക് കൂടുതല് വിമാനസര്വീസുകള് ഉണ്ടാകുമെന്ന് വിദേശകാര്യ സഹമന്ത്രി വി. മുരളീധരന്. ഇത് സംബന്ധിച്ച് കാര്യങ്ങള് കേന്ദ്രവ്യോമയാന മന്ത്രി അറിയിച്ചതായി വി. മുരളീധരന് കൊച്ചിയില് പറഞ്ഞു.
ഇതിന്പുറമെ, ഉത്സവ അവധി കാലങ്ങളില് ഇത്തരത്തില് കേരളത്തിലേക്ക് പ്രത്യേക വിമാനസര്വീസുകള് നടത്തി ടിക്കറ്റ് നിരക്ക് വര്ധന നിയന്ത്രിക്കാന് സാധിക്കുമെന്ന് വ്യോമയാനമന്ത്രി കേരളത്തിലെ എംപി മാര്ക്ക് ഉറപ്പ് നല്കിയിട്ടുണ്ട്. കേരളത്തില് നിന്നും യൂറോപ്യന് രാജ്യങ്ങളിലേക്ക് ഗള്ഫ് വഴിയല്ലാതെ നേരിട്ട് കണക്ടിവിറ്റി നല്കുന്ന ആവശ്യവും കേന്ദ്രസര്ക്കാര് അംഗീകരിച്ചിട്ടുണ്ട്. ഇതിനെക്കുറിച്ച് പഠിച്ച് നടപടി സ്വീകരിക്കാന് നിര്ദ്ദേശവും നല്കിയതായി വി. മുരളീധരന് പറഞ്ഞു.
പ്രവാസി മലയാളികളുടെ ഏറ്റവും പ്രധാന ആവശ്യങ്ങളില് ഒന്നായ മരിച്ചവരുടെ തൂക്കം നോക്കി നിരക്ക് ഈടാക്കുന്ന രീതി കഴിഞ്ഞ രണ്ടരമാസമായി സംഭവിച്ചിട്ടില്ല. പ്രവാസികള്ക്കായുള്ള ഇന്ത്യന് കമ്മ്യൂണിറ്റി വെല്ഫെയര് ഫണ്ട് ഫലപ്രദമായി വിനിയോഗിക്കുന്നുണ്ടെന്നും മുരളീധരന് പറഞ്ഞു.
മുന്പ് നയതന്ത്രത്തില് മാത്രമാണ് വിദേശകാര്യ വകുപ്പ് ശ്രദ്ധിച്ചിരുന്നതെങ്കില് മോദി സര്ക്കാര് വന്നതോടെ പ്രവാസികളുടെ പ്രശ്നങ്ങള്ക്കും ക്ഷേമത്തിനും കൂടി മുന്തിയ പരിഗണന നല്കുന്നുവെന്ന് വിദേശകാര്യസഹമന്ത്രി വ്യക്തമാക്കി. പ്രവാസി ലീഗല് സെല് 10ാം വാര്ഷികം ഉദ്ഘാടനം ചെയ്ത് സംസാരിക്കവേയാണ് പ്രവാസികളെ ആവേശം കൊള്ളിച്ചത്. എന്നാല് ഇതെല്ലാം മന്ത്രി പറഞ്ഞ് തീരും മുമ്പ് പുറത്തു വരുന്ന വാര്ത്ത ടിക്കറ്റിന്റെ വലിയ വിലവര്ധനവാണ്.
ഗള്ഫ് രാജ്യങ്ങളില് അവധിക്കാലം കഴിയുന്നതോടെ കേരളത്തില് നിന്നുള്ള വിമാന ടിക്കറ്റ് നിരക്കില് വന്വര്ധന വരുത്തിയിരിക്കുകയാണ് വിമാനക്കമ്പനികള്. ഓഗസ്റ്റ് അവസാനവാരം മുതല് ഗള്ഫിലെ പ്രധാന നഗരങ്ങളിലേക്കുള്ള ടിക്കറ്റുകള്ക്ക് നാലിരട്ടിവരെ കൂട്ടി. ദമാം, കുവൈത്ത് എന്നിവിടങ്ങളിലേക്ക് ഒരു ലക്ഷത്തിനടുത്താണ് ചില കമ്പനികളുടെ ടിക്കറ്റ് നിരക്ക്.
ദുബായ്, അബുദാബി, ഷാര്ജ, ദോഹ, ബഹ്ൈറന് തുടങ്ങിയ സ്ഥലങ്ങളിലേക്കും ഇപ്പോള് കൊള്ളനിരക്കാണ് ഈടാക്കുന്നത്. സാധാരണ ശരാശരി 5000 മുതല് 12,000 രൂപ വരെയുള്ള ടിക്കറ്റുകള്ക്കാണ് അധികനിരക്ക് ഈടാക്കുന്നത്.
അടുത്തമാസമാണ് ഗള്ഫ് രാജ്യങ്ങളില് അവധിക്കാലം കഴിഞ്ഞ് സ്കൂളുകള് തുറക്കുന്നത്. ഈ സമയത്ത് നാട്ടില്നിന്നു മടങ്ങുന്നവരെയും പെരുന്നാള് കഴിഞ്ഞശേഷം ജോലിക്കു പോകുന്നവരെയും സാരമായി ബാധിക്കുന്നതാണ് ഇപ്പോഴത്തെ വര്ധന. സെപ്റ്റംബറില് ഓണക്കാലമായതിനാല് നിരക്കുവര്ധന തുടരാനാണ് സാധ്യത.
എയര്ഇന്ത്യ എക്സ്പ്രസും നിരക്ക് കൂട്ടിയിട്ടുണ്ട്. യൂറോപ്പ്, അമേരിക്ക തുടങ്ങിയ സ്ഥലങ്ങളിലേക്കുള്ള ടിക്കറ്റ് നിരക്കും വര്ധിച്ചിട്ടുണ്ട്. ലോകത്തിന്റെ പ്രധാന സ്ഥലങ്ങളിലേക്ക് ദുബായ് വഴിയാണ് കേരളത്തില്നിന്ന് കൂടുതല് സര്വീസുള്ളത്.
വിദേശകാര്യസഹമന്ത്രിയായി ചുമതലയേറ്റശേഷം വി. മുരളീധരന്റെ നേതൃത്വത്തില് ഗള്ഫിലേക്കുള്ള ടിക്കറ്റ് നിരക്ക് കുറയ്ക്കുന്നതുമായി ബന്ധപ്പെട്ട് വിമാനക്കമ്പനി അധികൃതരുമായി ചര്ച്ച നടത്തിയിരുന്നു. നിരക്ക് കുറയ്ക്കാന് നടപടിയെടുക്കാമെന്ന് അന്ന് കമ്പനികള് സമ്മതിച്ചാണ്.
തിരുവനന്തപുരത്തു നിന്നും ദുബായിലേക്ക് ഇന്ഡിഗോയ്ക്ക് 26,887 രൂപയും എമിറേറ്റ്സില് 41,412 രൂപയും ഗള്ഫ് എയറില് 66,396 രൂപയുമാണ് ചാര്ജ്. ഓണത്തിന് എങ്ങനേയും നാട്ടിലെത്താനുള്ള മലയാളികളുടെ അവസരമാണ് വിമനക്കമ്പനികള് ചൂഷണം ചെയ്യുന്നത്.
https://www.facebook.com/Malayalivartha