വൈപ്പിനില് നടുറോഡില് സ്വകാര്യ ബസ് ജീവനക്കാര് തമ്മില് വഴക്കും തെറിവിളിയും
വൈപ്പിനില് സ്വകാര്യ ബസ് ജീവനക്കാരുടെ വാക് പ്പോരും വെല്ലുവിളികളും മറ്റ് യാത്രക്കാര്ക്കും വാഹനങ്ങള്ക്കും ബുദ്ധിമുട്ടുണ്ടാക്കുന്നതായി വ്യാപക പരാതി.
പലപ്പോഴും ഒരു മിനിറ്റിന്റെ ഗ്യാപ്പില് സര്വീസ് നടത്തുന്ന സ്വകാര്യ ബസുകളാണ് റോഡില് പ്രശ്നങ്ങളുണ്ടാക്കുന്നത്. മത്സരിച്ചോടുന്ന ബസുകള് പല സ്റ്റോപ്പുകളിലും നിര്ത്താതെ പരസ്പരം വട്ടംവെച്ചും ഇതിനിടയില് ജീവനക്കാര് തമ്മില് തെറിയഭിഷേകം നടത്തിയുമാണ് സര്വീസ് നടത്തുന്നത്.
കഴിഞ്ഞ ദിവസം ചെറായി സ്റ്റാര് സ്റ്റോപ്പില് ഇതുപോലെ രണ്ട് സ്വകാര്യ ബസുകള് തമ്മില് സമയത്തിന്റെ പേരുപറഞ്ഞ് പരസ്പരം നടുറോഡില് കലഹിച്ചത് നാട്ടുകാര് ചൂണ്ടിക്കാട്ടിയിരുന്നു.
ഇത്തരം വിഷയങ്ങളില് പോലീസ് നടപടികള് ഇല്ലാത്തതുമൂലമാണ് ഈ പ്രവണത വര്ധിക്കുന്നതെന്നാണ് നാട്ടുകാര് പറയുന്നത്. ബസുകാര് തമ്മിലുള്ള തര്ക്കം പലപ്പോഴും അടിപിടിയിലും അവസാനിക്കാറുണ്ട്.
https://www.facebook.com/Malayalivartha
