ഇംഗ്ലീഷ് പ്രീമിയർ ലീഗിൽ ചെൽസിക്കും ലിവർപൂളിനും സമനില. ക്രിസ്റ്റൽ പാലസിന് തോൽവി. ഫുൾഹാം ലിവർപൂളിനെ ഗോൾരഹിത സമനിലയിൽ കുരുക്കിയപ്പോൾ ഹൾ സിറ്റിക്കെതിരെയാണ് ചെൽസി സമനില വഴങ്ങിയത്.

ഇപ്‌സ്വിച്ച് ടൗണിനോട് രണ്ടിനെതിരെ മൂന്ന് ഗോളിനായിരുന്നു ക്രിസ്റ്റൽ പാലസിന്റെ തോൽവി. ഏഴാം മിനിറ്റിൽ മോർഗൻ റോജേഴ്‌സാണ് ചെൽസിക്ക് ലീഡ് സമ്മാനിച്ചത്. എന്നാൽ 28-ാം മിനിറ്റിലും 34-ാം മിനിറ്റിലും മുഹമ്മദ് ബെല്ലൗമി ലക്ഷ്യം കണ്ടതോടെ ഹൾ സിറ്റി 2-1ന് മുന്നിലെത്തി. ഒടുവിൽ 66-ാം മിനിറ്റിൽ പെഡ്രോ ചെൽസിയുടെ സമനില ഗോൾ നേടി. ക്രിസ്റ്റൽ പാലസിനെതിരായ മത്സരത്തിൽ 90-ാം മിനിറ്റിലാണ് ഇപ്‌സ്വിച്ച് ടൗൺ വിജയഗോൾ നേടിയത്. അനൻ ഖലൈലി, ലാർസെൻ എന്നിവർ ക്രിസ്റ്റൽ പാലസിനായി ഗോൾ കണ്ടെത്തി.

എമേഴ്‌സൺ, ലെയ്്ഫ് ഡേവിസ്, സിയാൻ ഫ്‌ളെമിങ് എന്നിവരാണ് ഇപ്‌സ്വിച്ച് ടൗണിനായി ലക്ഷ്യം കണ്ടത്. മറ്റ് മത്സരങ്ങളിൽ നോട്ടിങ്ഹാം ഫോറെസ്റ്റ്, ആസ്റ്റൺ വില്ലയെ 2-1ന് തോൽപ്പിച്ചപ്പോൾ ബൗൺമൗത്തും ബ്രെന്റ്‌ഫോർഡും തമ്മിലുള്ള മത്സരം 2-2ന് സമനിലയിൽ പിരിയുകയായിരുന്നു. നിലവിൽ പ്രീമിയർ ലീഗ് പോയിന്റ് പട്ടികയിൽ ഹൾ സിറ്റി മൂന്നാം സ്ഥാനത്താണ്. ചെൽസി നാലാമതും ലിവർപൂൾ ആറാം സ്ഥാനത്തുമാണ്. മാഞ്ചസ്റ്റർ സിറ്റിയും ആഴ്‌സണലുമാണ് ഒന്നും രണ്ടും സ്ഥാനങ്ങളിലുള്ളത്.