കോ​ട്ട​യം മെ​ഡി​ക്ക​ല്‍ കോ​ള​ജിൽ പി​ജി ഡോ​ക്‌ടര്‍ ആത്‌മഹത്യക്ക്‌ ശ്രമിച്ചു. ആ​ശു​പ​ത്രി​യി​ലെ ഗൈ​ന​ക്കോ​ള​ജി വി​ഭാഗം പി​ജി ഡോ​ക്‌ടറാണ് ജീവനൊടുക്കാന്‍ ശ്ര​മി​ച്ചത്. അ​മി​ത​മാ​യി ജോ​ലി ചെ​യ്യി​പ്പിക്കുന്നു, മാ​ന​സി​കമായി പീ​ഡിപ്പിക്കുന്നു, അ​വ​ധി തരുന്നില്ല തു​ട​ങ്ങി​യ കാ​ര​ണ​ങ്ങ​ൾ ആത്മഹത്യയയിലേക്ക് നയിച്ചത്. വൈ​ക്കം സ്വ​ദേ​ശി​യും മൂ​ന്നാം വ​ര്‍​ഷ പി​ജി ഡോ​ക്ട​റുമാണ്.

വെള്ളിയാഴ്ച രാ​വി​ലെ ഗൈ​ന​ക്കോ​ള​ജി വിഭാഗത്തിലെ ബാ​ത്ത് റൂ​മിലായി​രു​ന്നു ആത്‌മഹത്യക്ക് ശ്രമിച്ചത്. അ​മി​ത​മാ​യി ഗു​ളി​ക ക​ഴി​ച്ച​ ഇദ്ദേഹം കൈ ​ഞ​ര​മ്പ് മു​റിച്ചു. ബാ​ത്ത് റൂം ​കുറേ നേ​ര​മാ​യി അ​ട​ഞ്ഞു ​കി​ട​ക്കു​ന്നുവെന്ന കാര്യം ശ്രദ്ധിയിൽപ്പെട്ട ജീ​വ​ന​ക്കാ​രിയുടെ ഇടപ്പെടലാണ് സംഭവം അറിയാൻ കാരണമായത്. വാ​തി​ല്‍ പൊ​ളി​ച്ചായിരുന്നു ഡോ​ക്ട​റെ വെ​ളി​യി​ലി​റ​ക്കിയത്. തുടര്‍ന്ന് ഇയാളെ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ പ്ര​വേ​ശി​പ്പിക്കുകയുണ്ടായി. ഇദ്ദേഹം അ​പ​ക​ട​നി​ല ത​ര​ണം ചെ​യ്തിട്ടുണ്ട്.

മൂ​ന്നു മാ​സം മുമ്പായിരുന്നു ഡോക്ടര്‍ വി​വാ​ഹി​ത​നാ​യ​ത്. വിവാഹ ശേഷം അ​വ​ധി ന​ല്‍​കാ​ന്‍ വ​കു​പ്പ് മേ​ധാ​വി ത​യാ​റാ​യില്ല. മാത്രമല്ല 15 ദി​വ​സം രാ​ത്രി​യി​ലും പ​ക​ലും ഡ്യൂ​ട്ടി ന​ല്‍​കി​യെ​ന്നും ഡോ​ക്ട​ര്‍ പ​റ​യു​ന്നു. ഈ നടപടിയിൽ മ​നംനൊ​ന്താ​ണ് ഡോക്ടര്‍ ജീവനൊടുക്കാന്‍ ശ്ര​മി​ച്ച​ത്. പിന്നാലെ പി​ജി ഡോ​ക്ട​ര്‍ ആ​ത്മ​ഹ​ത്യാശ്ര​മം ന​ട​ത്തി​യ​തി​ന് കാ​ര​ണ​ക്കാ​രനാ​യ വ​കു​പ്പ് മേ​ധാ​വി​ക്കെ​തി​രെ ന​ട​പ​ടി വേ​ണ​മെ​ന്നാ​വ​ശ്യ​പ്പെ​ട്ടു പി​ജി അ​സോ​സി​യേ​ഷ​ന്‍റെ നേ​തൃ​ത്വ​ത്തി​ല്‍ പ്രി​ന്‍​സി​പ്പ​ല്‍ ഓ​ഫീ​സിന് മുന്നില്‍ പ്രതിഷേധ സമരം നടന്നു.