സംസ്ഥാന ജൂനിയര് അത്ലറ്റിക് മീറ്റില് ഹാമര് തലയില് വീണ് പരിക്കേറ്റ വിദ്യാര്ഥിയുടെ ആരോഗ്യനില ഗുരുതരമായി തുടരുന്നു
05 OCTOBER 2019 02:55 PM IST
മലയാളി വാര്ത്ത
ഹാമര് തലയില് വീണ് പരിക്കേറ്റ പാലാ സെന്റ് തോമസ് ഹയര്സെക്കന്ഡറി സ്കൂളിലെ പ്ലസ് വണ് വിദ്യാര്ഥിയുടെ നില ഗുരുതരമായി തുടരുന്നു. സംസ്ഥാന ജൂണിയര് അത്ലറ്റിക് മീറ്റിലാണ് മേലുകാവ് ചെവ്വൂര് കുറിഞ്ഞംകുളം ജോര്ജ് ജോണ്സന്റെ മകന് അഫീല് ജോണ്സ(16)ന് പരിക്കേറ്റത്.
കോട്ടയം മെഡിക്കല് കോളജ് ആശുപത്രിയിലെ തീവ്രപരിചരണ വിഭാഗത്തില് കഴിയുന്ന അഫീലിന്റെ ആരോഗ്യസ്ഥിതി ഗുരുതരമായി തുടരുകയാണ്. ആശുപത്രിയില് പ്രവേശിപ്പിച്ചയുടന് തന്നെ വിദ്യാര്ഥിയെ അടിയന്തര ശസ്ത്രക്രിയയ്ക്കു വിധേയമാക്കിയിരുന്നു. സംഭവത്തില് പാലാ പോലീസ് കേസ് രജിസ്റ്റര് ചെയ്ത് അന്വേഷണമാരംഭിച്ചു. അപകടം നടക്കുമ്പോള് ഗ്രൗണ്ടിലുണ്ടായിരുന്ന കായിക താരങ്ങളില്നിന്നും ദൃക്സാക്ഷികളില്നിന്നും പോലീസ് തെളിവെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
