ആഹാരം കിട്ടാതെ അലയുന്നവര്ക്ക് ഭക്ഷണം എത്തിക്കാന് 'ഷെയര്മീല്' പദ്ധതിയുമായി കണ്ണൂര് സെന്ട്രല് ജയില്
ഒരു നേരത്തെ ആഹാരം കിട്ടാതെ അലയുന്നവര്ക്ക് ഭക്ഷണം എത്തിക്കാന് പുതിയ പദ്ധതിയുമായി കണ്ണൂര് സെന്ട്രല് ജയില്. ജയില്വകുപ്പ് കൊണ്ട് വന്ന 'ഷെയര്മീല്' എന്ന പദ്ധതി പ്രകാരം വിശക്കുന്ന ആര്ക്കും കൂപ്പണ് കാണിച്ച് ആഹാരം കഴിക്കാം.ജയില് കൗണ്ടറില് നിന്ന് ചപ്പാത്തിയും കറിയും വാങ്ങി കഴിക്കാവുന്നതാണ്. കൗണ്ടറില് തന്നെ ഭക്ഷണക്കൂപ്പണ് പിന്ചെയ്തിരിക്കും. ആവശ്യക്കാര് കൂപ്പണെടുത്ത് കൗണ്ടറില് കൊടുത്താല് ഭക്ഷണപാക്കറ്റ് സൗജന്യമായി കിട്ടുന്നതാണ്. ഒക്ടോബര് എട്ടിന് ജയില് ഡിജിപി ഋഷിരാജ് സിങ് പദ്ധതി ഉദ്ഘാടനം ചെയ്യും.
ഈ പദ്ധതിയുടെ ഭാഗമാകുവാന് ഇത് മാത്രം ചെയ്യുക; ഒരു നേരത്തെ ആഹാരത്തിന്റെ പണം കൗണ്ടറില് കൊടുക്കുക. ജയിലധികൃതര് കൂപ്പണ് ബോര്ഡില് പിന്ചെയ്ത് വയ്ക്കും. എത്ര കൂപ്പണ് വേണമെങ്കിലും ഇങ്ങനെ പണമടച്ചു വാങ്ങിക്കാവുന്നതാണ്. പണം നല്കിയ ആളെയോ കൂപ്പണ് വാങ്ങി ഭക്ഷണം കഴിക്കുന്ന ആളെയോ പുറത്ത് അറിയാൻ പറ്റില്ല. ജയിലിലുണ്ടാക്കുന്ന ഭക്ഷണമാണ് നല്കുന്നത്.
https://www.facebook.com/Malayalivartha
