പാവറട്ടി എക്സൈസ് കസ്റ്റഡി മരണത്തില് എട്ട് എക്സൈസ് ഉദ്യോഗസ്ഥരെ സസ്പെന്ഡ് ചെയ്തു
പാവറട്ടി എക്സൈസ് കസ്റ്റഡിയില് മരണത്തില് എട്ട് എക്സൈസ് ഉദ്യോഗസ്ഥരെ സസ്പെന്ഡ് ചെയ്തു. പ്രിവന്റീവ് ഓഫീസര്മാരായ വി.എ ഉമ്മര്, എം.ജി അനൂപ്കുമാര്, അബ്ദുള് ജബ്ബാര്, സിവില് എക്സൈസ് ഓഫീസര്മാരായ നിധിന് എം.മാധവന്, വി.എം. സ്മിബിന് എക്സൈസ് ഓഫീസര്മാരായ എം.ഒ ബെന്നി, മഹേഷ്, എക്സൈസ് ഡ്രൈവര് വി.ബി. ശ്രീജിത്ത് എന്നിവരെയാണ് സസ്പെന്ഡ് ചെയ്തത്. അഡി.എക്സൈസ് കമ്മിഷണറുടെ റിപ്പോര്ട്ടിന്റെ അടിസ്ഥാനത്തിലാണ് നടപടി.
പത്ത് കിലോ കഞ്ചാവ് രഞ്ജിത്തിന്റെ കൈവശമുണ്ടെന്ന വിവരത്തില് എക്സൈസ് സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് ജിജു ജോസാണ് മൂന്ന് പ്രിവന്റീവ് ഓഫീസര്മാരും നാല് സിവില് എക്സൈസ് ഉദ്യോഗസ്ഥരും ഒരു ഡ്രൈവറും അടങ്ങുന്ന എട്ടംഗ സംഘത്തെ അയച്ചത്. ഔദ്യോഗിക വാഹനത്തിലും വാടകയ്ക്കെടുത്ത മറ്റൊരു വാഹനത്തിലുമായി മലപ്പുറത്തേക്ക് തിരിച്ച സംഘം തിരൂരില് നിന്ന് ഒക്ടോബര് ഒന്നിന് രാവിലെ 11ന് രണ്ടുകിലോ കഞ്ചാവുമായാണ് രഞ്ജിത്തിനെ പിടികൂടിയത്.
https://www.facebook.com/Malayalivartha
