മരടിലെ ഫ്ലാറ്റുകള് പൊളിക്കുന്നത് സംബന്ധിച്ച് ചര്ച്ച നടത്താന് ഇന്ന് യോഗം ചീഫ് സെക്രട്ടറിയുടെ അധ്യക്ഷതയില് ചേരും... ഫ്ലാറ്റുകള് പൊളിക്കുന്ന സമയത്ത് സമീപത്ത് താമസിക്കുന്നവരെ ഒഴിപ്പിക്കുന്നതടക്കമുള്ള കാര്യങ്ങള് യോഗം ചര്ച്ച ചെയ്യും
മരടിലെ ഫ്ലാറ്റുകള് പൊളിക്കുന്നത് സംബന്ധിച്ച തുടര് നടപടികള് ചര്ച്ച ചെയ്യാന് ചീഫ് സെക്രട്ടറിയുടെ അധ്യക്ഷതയില് ഇന്ന് യോഗം ചേരും. ഉച്ചക്ക് പന്ത്രണ്ടു മണിക്ക് കൊച്ചിയിലാണ് യോഗം. ജില്ല കളക്ടര്, പൊളിക്കല് ചുമതലയുള്ള സബ്കളക്ടര് തുടങ്ങിയവര് യോഗത്തില് പങ്കെടുക്കും. ഫ്ലാറ്റുകള് പൊളിക്കുന്ന സമയത്ത് സമീപത്ത് താമസിക്കുന്നവരെ ഒഴിപ്പിക്കുന്നതടക്കമുള്ള കാര്യങ്ങള് യോഗം ചര്ച്ച ചെയ്യും.
ഫ്ലാറ്റ് ഒഴിഞ്ഞവരുടെ പുനരധിവാസം സംബന്ധിച്ച കാര്യങ്ങളും പൊളിക്കാന് കമ്പനിയെ തെരഞ്ഞെടുക്കുന്നതിലും ചര്ച്ചകള് ഉണ്ടാകും. ഫ്ലാറ്റുകളിലുണ്ടായിരുന്ന താമസക്കാര് എല്ലാം ഒഴിഞ്ഞു പോയതായി നഗരസഭ അറിയിച്ചിട്ടുണ്ട്.ഒഴിഞ്ഞു പോയ മുഴുവന് പേരും ഇത് സംബന്ധിച്ച രേഖകള് കൈപ്പറ്റാത്തിനാല് നഷ്ടപരിഹാരം നല്കുന്നതുമായി ബന്ധപ്പെട്ട് റിപ്പോര്ട്ട് നഗരസഭക്ക് സമര്പ്പിക്കാനായിട്ടില്ല.
https://www.facebook.com/Malayalivartha
