കൂടത്തായി കൊലപാതകക്കേസില് കൂടുതല് അറസ്റ്റുണ്ടായേക്കുമെന്ന് ക്രൈംബ്രാഞ്ച്... കൊലപാതകത്തിന് ബന്ധുക്കളും സുഹൃത്തുക്കളും സഹായിച്ചെന്ന് മുഖ്യപ്രതി ജോളി ...11 പേര് നിരീക്ഷണത്തില്
കൂടത്തായി കൊലപാതകക്കേസില് കൂടുതല് അറസ്റ്റുണ്ടായേക്കുമെന്ന് ക്രൈംബ്രാഞ്ച് സംഘം സൂചന നല്കി. കൊലപാതക പരമ്പരയ്ക്ക് സഹായിച്ചത് ബന്ധുക്കളും സുഹൃത്തുക്കളുമെന്ന് മുഖ്യപ്രതി ജോളി മൊഴി നല്കി. ഇതിന്റെ അടിസ്ഥാനത്തില് 11 പേര് ഇപ്പോള് പോലീസ് നിരീക്ഷണത്തിലാണ്. കേസുമായി ബന്ധപ്പെട്ട് ഇതുവരെ ചോദ്യം ചെയ്യാത്തവരും നിരീക്ഷണത്തിലുണ്ട്. എന്നാല് മൊഴിയിലെ വാസ്തവത്തെക്കുറിച്ച് അറിയാന് ജോളിയുടെ ഫോണ് രേഖകള് പോലീസ് ശേഖരിച്ചു. തെളിവ് ശേഖരിക്കാന് പൊന്നാമറ്റത്തെ ടോം തോമസിന്റെ വീട്ടില് പോലീസ് പരിശോധന നടത്തുകയും ചെയ്തു.
ജോളിയുടെ മൊഴിയുടെ അടിസ്ഥാനത്തിലായിരുന്നു പരിശോധന. വീട് പൂട്ടി സീല്വച്ചതായും പോലീസ് വൃത്തങ്ങള് അറിയിച്ചു. രാസപരിശോധനാ ഫലങ്ങള് വേഗത്തില് ലഭിക്കണമെന്നാവശ്യപ്പെട്ട് വടകര റൂറല് എസ്പി കണ്ണൂര് ഫോറന്സിക് ലാബ് ഡയറക്ടര്ക്ക് കത്ത് നല്കുകയും ചെയ്തു.
"
https://www.facebook.com/Malayalivartha
