കൊച്ചി കോര്പ്പറേഷന് ഹൈക്കോടതിയുടെ പരിഹാസം
12 NOVEMBER 2019 06:14 PM IST
മലയാളി വാര്ത്ത
കൊച്ചി നഗരത്തിലെ പൊട്ടിപ്പൊളിഞ്ഞ റോഡുകള് ഗതാഗത യോഗ്യമാക്കാത്തതിനെ തുടര്ന്ന്, കൊച്ചിയിലെ റോഡുകള് നന്നാക്കാന് അമേരിക്കയില് നിന്നും ആളുവരണോ എന്ന് ഹൈക്കോടതി പരിഹാസ രൂപേണ ചോദിച്ചു. ഈ മാസം 15-നകം റോഡുകള് നന്നാക്കിയില്ലെങ്കില് ഉദ്യോഗസ്ഥരെ കോടതിയിലേക്ക് വിളിച്ചുവരുത്തുമെന്നും കോടതി മുന്നറിയിപ്പ് നല്കി.
റോഡുകളുടെ ശോചനീയാവസ്ഥ ചൂണ്ടിക്കാട്ടി സമര്പ്പിച്ച ഒരുകൂട്ടം ഹര്ജികള് പരിഗണിക്കുമ്പോഴാണ് കോര്പ്പറേഷനെതിരേ ഹൈക്കോടതിയുടെ വിമര്ശനം. റോഡുകള് സഞ്ചാര യോഗ്യമാക്കാന് അടിയന്തര ഇടപെടല് ഉണ്ടാവണമെന്നും ജസ്റ്റീസ് ദേവന് രാമചന്ദ്രന് ഉത്തരവിട്ടു.
കൊച്ചിയിലെ മോശം റോഡുകളുടെ പേരില് മുന്പും ഹൈക്കോടതി രൂക്ഷ വിമര്ശനങ്ങള് ചൊരിഞ്ഞിരുന്നു. അതേസമയം ഹര്ജി പരിഗണിച്ചപ്പോള് കോര്പ്പറേഷന് വേണ്ടി ഹാജരാകേണ്ടിയിരുന്ന അഭിഭാഷകന് കോടതിയില് ഹാജരായില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
