ഭക്തർക്കൊപ്പം മൂന്ന് ജഡ്ജിമാർ, ഭരണഘടനയാണ് വലുതെന്ന് രണ്ട് ജഡ്ജിമാര്; ശബരിമല യുവതി പ്രവേശനം അനുവദിച്ചുകൊണ്ടുള്ള 2018 സെപ്തംബര് 28 നുള്ള സുപ്രീം കോടതി വിധിക്ക് സ്റ്റേ ഇല്ല; ശബരിമലയില് യുവതി പ്രവേശം വിധിച്ച ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചിന്റെ വിധിക്കെതിരെ നല്കിയ പുനഃപരിശോധനാ ഹരജികള് സുപ്രീംകോടതിയുടെ വിശാല ബെഞ്ചിന് വിട്ടു
ശബരിമല യുവതി പ്രവേശനം അനുവദിച്ചുകൊണ്ടുള്ള 2018 സെപ്തംബര് 28 നുള്ള സുപ്രീം കോടതി വിധിക്ക് സ്റ്റേ ഇല്ല. ലഭ്യമാകുന്ന വിവരമനുസരിച്ച് തല്സ്ഥിതി തുടരാനാണ് ചീഫ് ജസ്റ്റിസ് രഞ്ജന് ഗൊഗോയി അദ്ധ്യക്ഷനായ ഭരണഘടന ബെഞ്ചിന്റെ നിര്ദേശം. കൂടാതെ ശബരിമല വിധിക്ക് മുസ്ളീം സ്ത്രീകളുടെ പള്ളി പ്രവേശനവുമായി ബന്ധമുണ്ടെന്ന് പ്രസ്താവിച്ച കോടതി, കേസ് ഉയര്ന്ന ബെഞ്ച് പരിഗണിക്കേണ്ട വിഷയമാണെന്ന് പറഞ്ഞ് ഏഴംഗ ബെഞ്ചിന് വിട്ടു.
മതത്തിന് വലിയ പ്രാധാന്യമാണുള്ളതന്ന് ചീഫ് ജസ്റ്റിസ് വ്യക്തമാക്കി. ശബരിമല വിധിക്ക് മുസ്ളീം സ്ത്രീകളുടെ പള്ളി പ്രവേശവുമായി ബന്ധമുണ്ട്. അതുകൊണ്ടുതന്നെ ഉയര്ന്ന ബെഞ്ച് പരിഗണിക്കേണ്ട വിഷയമാണെന്ന് രഞ്ജന് ഗൊഗോയി പറഞ്ഞു. റിവ്യു ഹര്ജികള് തള്ളണമെന്നാണ് ഇരുവരും നിലപാടെടുത്തത്.
ശബരിമലയില് സ്ത്രീപ്രവേശം വിധിച്ച ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചിന്റെ വിധിക്കെതിരെ നല്കിയ പുനഃപരിശോധനാ ഹരജികള്സുപ്രീംകോടതിയുടെ വിശാല ബെഞ്ചിന് വിട്ടു. ഏഴംഗ ഭരണഘടനാ ബെഞ്ചിനാണ് കൈമാറിയത്.ചീഫ് ജസ്റ്റിസ് രഞ്ജന് ഗൊഗോയി അധ്യക്ഷനും ജസ്റ്റിസുമാരായ റോഹിങ്ടണ് നരിമാന്, ഡി.വൈ ചന്ദ്രചൂഡ്, ഇന്ദു മല്ഹോത്ര, എ.എന് ഖാന്വില്കര് എന്നിവര് അംഗങ്ങളായ അഞ്ചംഗ ഭരണഘടനാ ബെഞ്ചാണ് വിധി പറഞ്ഞത്.
രണ്ടു ജഡ്ജിമാർ വിയോജിച്ചു. ജഡ്ജിമാരായ ഡി.വൈ.ചന്ദ്രചൂഡൂം നരിമാനും ആണ് വിയോജിപ്പ് രേഖപ്പെടുത്തിയത്. ശബരിമലയിൽ യുവതീപ്രവേശം അനുവദിച്ച് 2018 സെപ്റ്റംബർ 28നു നൽകിയ വിധി പുനഃപരിശോധിക്കാനാണു തീരുമാനം. ഇതോടെ യുവതീപ്രവേശത്തിനായി ഇന്ത്യൻ യങ് ലോയേഴ്സ് അസോസിയേഷൻ 2006ൽ നൽകിയ ഹർജിയിൽ ആദ്യം മുതൽ വീണ്ടും വാദം കേൾക്കും.
ഫെബ്രുവരി ആറിന് ഒരു ദിവസം വാദം കേട്ട ശേഷമാണ് 56 പുനഃപരിശോധന ഹരജികള്വിധി പറയാനായി സുപ്രീംകോടതി മാറ്റിയത്. വാദം കേട്ട് ഒമ്ബത് മാസത്തിനും എട്ട് ദിവസത്തിനും ശേഷമാണ് കോടതി വിധി പുറപ്പെടുവിച്ചത്. ശബരിമല തന്ത്രി കണ്ഠര് രാജീവര്, തിരുവിതാംകൂര് ദേവസ്വം ബോര്ഡ് മുന് അധ്യക്ഷന് പ്രയാര് ഗോപാലകൃഷ്ണന്, വൈക്കം ഗോപകുമാര്, വി. ഉഷാനന്ദിനി, ബി. രാധാകൃഷ്ണ മേനോന്, പി.സി. ജോര്ജ്, എന്.എസ്.എസ്, പന്തളം കൊട്ടാരം നിര്വാഹകസംഘം, ശബരിമല ആചാര സംരക്ഷണ ഫോം, കേരള ക്ഷേത്ര സംരക്ഷണസമിതി, ശബരിമല അയ്യപ്പസേവാ സമാജം, മലബാര് ക്ഷേത്ര ട്രസ്റ്റി സമിതി, യോഗക്ഷേമ സഭ, ശ്രീ നാരായണ ഗുരു ചാരിറ്റബിള് ട്രസ്റ്റ്, ഒാള് കേരള ബ്രാഹ്മിണ്സ് അസോസിയേഷന് അടക്കമുള്ളവരാണ് 56 പുനഃപരിശോധനാ ഹരജികള് സമര്പ്പിച്ചത്.
2018 സെപ്റ്റംബര് 28നാണ് ശബരിമല അയ്യപ്പ ക്ഷേത്രത്തില് 10 മുതല് 50 വരെ പ്രായമുള്ള സ്ത്രീകളെ പ്രവേശിപ്പിക്കുന്നതിനുള്ള വിലക്ക് നീക്കി ചീഫ് ജസ്റ്റിസ് ദീപക് മിശ്ര അധ്യക്ഷനായ ഭരണഘടന െബഞ്ച് ഉത്തരവിട്ടത്. അയ്യപ്പന് നൈഷ്ഠിക ബ്രഹ്മചാരിയാണെന്നതും ആര്ത്തവമുള്ളതിനാല് യുവതികള്ക്ക് 41 ദിവസം വ്രതം നോക്കാനാവില്ലെന്നുമുള്ള വാദങ്ങള് അംഗീകരിച്ച് ഹൈകോടതി 1991 ഏപ്രില് അഞ്ചിന് യുവതികള്ക്ക് ശബരിമല പ്രവേശനം വിലക്കി ഉത്തരവിടുകയായിരുന്നു. ഇതിനെതിരെ 15 വര്ഷത്തിന് ശേഷം ഇന്ത്യന് യങ് ലോയേഴ്സ് അസോസിയേഷന് സുപ്രീംകോടതിയില് ഹരജിയിലാണ് എല്ലാ സ്ത്രീകള്ക്കും പ്രവേശനം അംഗീകരിച്ച് സുപ്രീംകോടതി വിധി പ്രസ്താവിച്ചത്.
സുപ്രീംകോടതി വിധി നടപ്പാക്കുന്നത് എതിര്ത്ത് സംസ്ഥാനമാകെ വലിയ പ്രതിഷേധങ്ങളും അക്രമങ്ങളും ആണ് അരങ്ങേറിയത്. പൊലീസ് രജിസ്റ്റര് ചെയ്ത 2012 കേസുകളിലെ 67,094 പ്രതികളില് തിരിച്ചറിയപ്പെട്ട 10,561 പേര് വിവിധ കോടതികള് കയറിയിറങ്ങുന്നത് തുടരുകയാണ്.
https://www.facebook.com/Malayalivartha