പിന്സീറ്റ് യാത്രക്കാര്ക്ക് ഹെല്മെറ്റ് വിഷയത്തിൽ ജനങ്ങളെ വേട്ടയാടില്ലെന്ന് ഗതാഗത മന്ത്രി എ.കെ. ശശീന്ദ്രന് !
സംസ്ഥാനത്ത് ഇരുചക്ര വാഹനങ്ങളിലെ പിന്സീറ്റ് യാത്രക്കാര്ക്കും ഹെല്മറ്റ് നിര്ബന്ധമാക്കിയ ഹൈക്കോടതി ഉത്തരവ് വേഗത്തില് നടപ്പാക്കുമെന്ന് ഗതാഗത മന്ത്രി എ.കെ ശശീന്ദ്രന് വ്യക്തമാക്കി . എന്നാൽ ഉത്തരവിന്റെ പേരില് ജനങ്ങളെ വേട്ടയാടില്ലെന്നും എന്നാല് ഉത്തരവ് വേഗം നടപ്പിലാക്കുമെന്നും അദ്ദേഹം പറഞ്ഞു. ബോധവത്കരണത്തിലൂടെ നിയമം നടപ്പാക്കാന് ശ്രമിക്കുമെന്നും ലംഘിക്കുന്നവര്ക്ക് നല്കേണ്ട പിഴ ശിക്ഷയുടെ കാര്യം കൂടിയാലോചനകള്ക്ക് ശേഷം മാത്രമേ തീരുമാനിക്കൂ എന്നും അദ്ദേഹം പറഞ്ഞു.
ഇരുചക്രവാഹനങ്ങളിൽ പുറകിലിരുന്ന് യാത്രചെയ്യുന്നവരും ഹെല്മറ്റ് ധരിക്കണമെന്ന കേന്ദ്രസർക്കാർ നിയമം കർക്കശമായി പാലിക്കാൻ സംസ്ഥാന സര്ക്കാരിന് കേരള ഹൈക്കോടതിയുടെ അന്ത്യശാസനം ലഭിച്ചിരുന്നു. പിന്സീറ്റിലുള്ളവരും ഹെല്മറ്റ് നിര്ബന്ധമായും ധരിക്കണമെന്ന കേന്ദ്ര നിയമത്തിനെതിരെ ഭേദഗതി ആവശ്യപ്പെട്ട് കോടതിയെ സമീപിച്ചപ്പോഴായിരുന്നു സര്ക്കാരിന് രൂക്ഷവിമർശനം നേരിടേണ്ടി വന്നത്. കേന്ദ്ര നിയമത്തിനെതിരെ ഭേദഗതി കൊണ്ടുവരാന് സംസ്ഥാന സര്ക്കാരുകൾക്ക് അധികാരമില്ലെന്നും സംസ്ഥാന സര്ക്കാര് സ്വീകരിച്ച നയം കേന്ദ്ര മോട്ടോര് വാഹന ചട്ടങ്ങള്ക്ക് വിരുദ്ധമാണെന്നും കോടതി നിരീക്ഷിച്ചു. ഈ സാഹചര്യത്തിൽ പിന്സീറ്റിൽ യാത്ര ചെയ്യുന്നവർക്കും ഹെല്മറ്റ് നിര്ബന്ധമാക്കി ഉത്തരവ് പുറപ്പെടുവിക്കാൻ സർക്കാർ നീക്കമാരംഭിച്ചതായാണ് റിപ്പോർട്ട്.
https://www.facebook.com/Malayalivartha
