ഭക്തര്ക്ക് സുകൃത ദര്ശനമായി സന്നിധാനത്ത് പടിപൂജ... 14 വര്ഷത്തെ ഇടവേളയ്ക്കു ശേഷം മണ്ഡല കാലത്ത് ആദ്യമായി നടന്ന പടിപൂജ തൊഴാന് വന് തിരക്കായിരുന്നു
ഭക്തര്ക്ക് സുകൃത ദര്ശനമായി സന്നിധാനത്ത് പടിപൂജ. 14 വര്ഷത്തെ ഇടവേളയ്ക്കു ശേഷം മണ്ഡല കാലത്ത് ആദ്യമായി നടന്ന പടിപൂജ തൊഴാന് വന്തിരക്കായിരുന്നു. ദീപാരാധന കഴിഞ്ഞതോടെ തന്ത്രി കണ്ഠര് മഹേഷ് മോഹനരുടെ കാര്മികത്വത്തില് ആദ്യം കലശപൂജ നടന്നു. ഓരോ പടിയിലും കുടികൊള്ളുന്ന ദേവതകളെ പൂജിച്ചു. അഭിഷേകം ചെയ്ത് നിവേദ്യത്തോടെ ദീപാരാധന നടത്തിയാണ് ചടങ്ങ് അവസാനിച്ചത്. മേല്ശാന്തി എ.കെ.സുധീര് നമ്പൂതിരി സഹകാര്മികത്വം വഹിച്ചു. പൂങ്കാവനത്തിലെ 18 മലകള്ക്കും അതിലെ ദേവതകള്ക്കും അയ്യപ്പനും പ്രത്യേക പൂജകള് കഴിക്കുന്നതാണ് പടിപൂജയുടെ സങ്കല്പം.
18 പടികളില് പട്ട് വിരിച്ച് ഓരോ പടിയിലും നിലവിളക്കും ഒരുക്കുകളും വച്ച് തന്ത്രിയുടെ കാര്മികത്വത്തിലാണ് പൂജകള്. പൂങ്കാവനത്തിലെ 18 മലകള്ക്കും അതിലെ ദേവതകള്ക്കും അയ്യപ്പനും പ്രത്യേക പൂജകള് കഴിക്കുന്നതാണ് പടിപൂജയുടെ സങ്കല്പം. ദീപാരാധനയ്ക്കു ശേഷമാണ് പടിപൂജ തുടങ്ങുക. ഈ സമയം അയ്യപ്പന്മാര്ക്ക് പടികയറാന് കഴിയില്ല. കുറഞ്ഞത് രണ്ട് മണിക്കൂറെങ്കിലും പൂജകള് നീണ്ടുനില്ക്കും.മുന്കൂട്ടി ബുക്ക് ചെയ്യുന്നവര്ക്കേ പടിപൂജ വഴിപാട് നടത്താന് കഴിയൂ . പടിക്കുള്ള ഒരുക്കുകള്, അലങ്കാരങ്ങള്, തന്ത്രി, മേല്ശാന്തി, പരികര്മികള് എന്നിവര്ക്കുള്ള ദക്ഷിണ, പൂജാവേളയില് ഉടുക്കാനുള്ള വസ്ത്രങ്ങള് എന്നിവ വഴിപാടുകാര് തന്നെ എത്തിക്കണം. വൈകിട്ട് നട തുറന്നപ്പോള് ദര്ശനം നടത്തിയ ഭക്തര് പടിപൂജ കാണാന് കാത്തിരുന്നു.
ഉച്ചയ്ക്കു പെയ്ത കനത്ത മഴയെ തുടര്ന്നു തറ മുഴുവന് നനഞ്ഞു കിടന്നത് അവഗണിച്ചാണ് അവര് കാത്തിരുന്നത്. കഴിഞ്ഞ വര്ഷം പ്രളയം കാരണം നടക്കാതെ പോയ പടിപൂജയാണ് ഇപ്പോള് നടത്തുന്നത്. 24 വരെ ദിവസവും ഉണ്ടാകും. 2036 വരെയുള്ള പടിപൂജയുടെ ബുക്കിങ് കഴിഞ്ഞു. 75,000 രൂപയാണ് അടയ്ക്കേണ്ടത്.
https://www.facebook.com/Malayalivartha