ഇത് ലെവല്‍ വേറെ... സോണിയ ഗാന്ധിയെ എല്ലാം വിശ്വസിപ്പിച്ചു നേരം പുലര്‍ന്നാല്‍ മഹാരാഷ്ട്ര സോണിയാജിയുടെ കരങ്ങളില്‍; നേരം പുലര്‍ന്നപ്പോഴോ എല്ലാം മാറി മറഞ്ഞു; കോണ്‍ഗ്രസിന്റെ ബുദ്ധിക്ക് ചുക്കാന്‍ പിടിച്ച വേണുഗോപാലിനെ കാണാനില്ല; ചതിയെന്ന് നിലവിളിച്ച് വേണുഗോപാല്‍ തടി തപ്പുന്നു
മഹാരാഷ്ട്രയില്‍ വന്‍രാഷ്ട്രീയ നീക്കമാണ് ഉണ്ടായിരിക്കുന്നത്. ബിജെപി, എന്‍സിപി സര്‍ക്കാര്‍ അധികാരമേറ്റിരിക്കുകയാണ്. ബിജെപിയുടെ ദേവേന്ദ്ര ഫട്‌നാവിസ് മുഖ്യമന്ത്രിയായി സത്യപ്രതിജ്ഞ ചെയ്തു. എന്‍സിപിയുടെ അജിത് പവാര്‍ ഉപമുഖ്യമന്ത്രിയായും ചുമതലയേറ്റു. ബിജെപി ഇതര സര്‍ക്കാര്‍ രൂപീകരിക്കാന്‍ ശിവസേനയും കോണ്‍ഗ്രസും എന്‍സിപിയും തമ്മില്‍ ധാരണയിലെത്തിയതിനു തൊട്ടുപിന്നാലെയാണ് അപ്രതീക്ഷിതമായി ദേവേന്ദ്ര ഫഡ്‌നാവിസ് ഇന്നു രാവിലെ മുഖ്യമന്ത്രിയായി സത്യപ്രതിജ്ഞ ചെയ്തത്.
ഇത് ശരിക്കും അമ്പരപ്പിച്ചിരിക്കുന്നതോ കോണ്‍ഗ്രസ് നേതൃത്വത്തേയാണ്. കോണ്‍ഗ്രസിന്റെ പിന്തുണയോടെ മഹാരാഷ്ട്ര ഭരിക്കുമെന്നാണ് കരുതിയിരുന്നത്. അല്ലെങ്കില്‍ അങ്ങനെ നടത്തുമെന്ന് കോണ്‍ഗ്രസ് ദേശീയ ജനറല്‍ സെക്രട്ടറിയും മലയാളിയുമായ കെ.സി. വേണുഗോപാല്‍ പറഞ്ഞ് വിശ്വസിപ്പിച്ചു. അവസാനനിമിഷം കോണ്‍ഗ്രസിന്റെ പിന്തുണയോടെ ഉദ്ദവ് താക്കറെ മുഖ്യമന്ത്രിയാകുമെന്ന് ശരത് പവാറും പ്രഖ്യാപിച്ചിരുന്നു. അങ്ങനെ ഇന്നലെ രാത്രി വേണുഗോപാലിനെ സംബന്ധിച്ച് വലിയ വിജയത്തിന്റെ രാത്രിയായിരുന്നു. എന്നാല്‍ നേരം വെളുത്തതോടെ എല്ലാം മാറി മറിഞ്ഞു. അതോടെ കെ.സി. വേണുഗോപാലിനെ കണ്ടം വഴി ഓടിച്ചു. ഇപ്പോള്‍ ചതിയെന്നാണ് വേണുഗോപാല്‍ പറയുന്നത്.
ഒരു രാത്രികൊണ്ട് എല്ലാം മാറിമറിഞ്ഞ കാഴ്ചയാണ് മഹാരാഷ്ട്രയില്‍ ഉണ്ടായത്. ശിവസേനയെ ഞെട്ടിച്ച് മഹാരാഷ്ട്രയില്‍ ബിജെപിഎന്‍സിപി സര്‍ക്കാര്‍ അധികാരത്തില്‍ വന്നിരിക്കുന്നു. ദേവേന്ദ്ര ഫഡ്‌നാവിസ് മഹാരാഷ്ട്ര മുഖ്യമന്ത്രിയും എന്‍സിപിയുടെ അജിത് പവാര്‍ ഉപമുഖ്യമന്ത്രിയാവും. അതേസമയം എന്‍സിപിയെ പിളര്‍ത്തിയാണോ ബിജെപിയ്ക്ക് ഒപ്പം അജിത് പവാര്‍ പോയത് എന്നകാര്യത്തില്‍ ഇതുവരേയും വ്യക്തതയില്ല. ശരത് പവാര്‍ ഇതുവരേയും പ്രതികരിച്ചിട്ടില്ല.
നേരത്തെ തന്നെ എന്‍സിപിയ്ക്ക് ഉള്ളില്‍ നിന്നും ശിവസേനയുമായി ചേര്‍ന്നുള്ള സര്‍ക്കാര്‍ രൂപീകരണത്തിനെതിരെ സ്വരം ഉയര്‍ന്നിരുന്നു. കോണ്‍ഗ്രസ്ശിവസേനഎന്‍സിപി സര്‍ക്കാര്‍ രൂപീകരണ ചര്‍ച്ചയ്ക്കിടെ പലതവണ അജിത് പവാര്‍ ഇറങ്ങിപ്പോയ സ്ഥിതിയുണ്ടായിരുന്നു. മഹാരാഷ്ട്രയിലും എന്‍സിപിയും ശരദ് പവാറിനുള്ള സ്വാധീനം അജിത് പവാറിനില്ല എന്നതിനാല്‍ അജിത് പവാറിന് ഒപ്പം കേവലഭൂരിപക്ഷം തികയ്ക്കാനാനുള്ള എംഎല്‍എമാര്‍ ഉണ്ടാകുമോ എന്നതാണ് ഇനി വ്യക്തമാകേണ്ടത്. അതോടൊപ്പം ശരത് പവാറിന്റെ അറിവോടുകൂടിയാണോ മരുമകന്‍ അജിത് പവാര്‍ മറുകണ്ടം ചാടിയെന്നതും വ്യക്തമാകേണ്ടതുണ്ട്. ഇക്കാര്യത്തില്‍ ശരദ് പവാര്‍ മകള്‍ സുപ്രിയ സുലേ എന്നിവരുടെ പ്രതികരണത്തിനാണ് രാജ്യം കാതോര്‍ക്കുന്നത്. ഏതായാലും വെല്ലുവിളി ഉയര്‍ത്തിയ ഉദ്ധവ് താക്കറെയെ ഒതുക്കുവാന്‍ ബിജെപിയ്ക്ക് കഴിഞ്ഞുവെന്നും ബിജെപിയുടെ രാഷ്ട്രീയ നേട്ടമാണ്.
നിയമസഭാ തിരഞ്ഞെടുപ്പിനു ശേഷം ഒരു മാസം കഴിഞ്ഞും മന്ത്രിസഭാ രൂപീകരണം അനിശ്ചിതത്വത്തിലായിരുന്നു. സര്‍ക്കാര്‍ രൂപീകരണം സംബന്ധിച്ച് ഇന്ന് മൂന്നു കക്ഷികളും സംയുക്തമായി പ്രഖ്യാപനം നടത്താനിരിക്കുകയായിരുന്നു. രാവിലെ എന്‍സിപി നേതാവ് ശരദ് പവാര്‍ പത്രസമ്മേളനം നടത്താനിരിക്കെയാണ് രാഷ്ട്രീയകാലാവസ്ഥ തകിടം മറിഞ്ഞത്. എന്‍സിപി നേതാവും ശരദ് പവാറിന്റെ അടുത്ത ബന്ധുവുമായ അജിത് പവാറിന് ഉപമുഖ്യമന്ത്രി സ്ഥാനം നല്‍കി ബിജെപി നടത്തിയ അപ്രതീക്ഷിതനീക്കമാണ് ഫഡ്‌നാവിസിന്റെ സത്യപ്രതിജ്ഞയിലെത്തിയത്. സത്യപ്രതിജ്ഞ ചെയ്ത ഫഡ്‌നാവിസിനെയും അജിത് പവാറിനെയും പ്രധാനമന്ത്രി നരേന്ദ്ര മോദി അഭിനന്ദിച്ചു. മഹാരാഷ്ട്രയുടെ ശോഭനമായ ഭാവിക്കായി അവര്‍ക്കു പ്രവര്‍ത്തിക്കാന്‍ കഴിയുമെന്നു തനിക്ക് ഉറപ്പുണ്ടെന്നും പ്രധാനമന്ത്രി പറഞ്ഞു.
മഹാരാഷ്ട്ര നിയമസഭയിലേക്കുള്ള തിരഞ്ഞെടുപ്പില്‍ ബിജെപിശിവസേന സഖ്യം തുടര്‍ ഭരണത്തിനുള്ള കേവലഭൂരിപക്ഷം നേടിയിരുന്നു. എന്നാല്‍ അത് മുതലാക്കി സര്‍ക്കാര്‍ രൂപീകരിക്കാന്‍ ബിജെപിയ്ക്ക് കഴിഞ്ഞില്ല. ശിവസേന മുഖ്യമന്ത്രിപദം വേണമെന്ന് കടുംപിടുത്തം പിടിച്ചതോടെയാണ് എല്ലാം മാറി മറിഞ്ഞത്. ഈ അവസരം കോണ്‍ഗ്രസ് മുതലെടുക്കുകയും ചെയ്തു. അതിനാണ് ഇപ്പോള്‍ തക്ക മറുപടി നല്‍കിയത്.
https://www.facebook.com/Malayalivartha
