വിറങ്ങലിച്ച് കുന്ദമംഗലം ഗ്രാമം... മാതാപിതാക്കളുടെ ചിതക്ക് തീ കൊളുത്തിയ മാധവിനെ ആശ്വസിപ്പിക്കാനാകാതെ ബന്ധുക്കള്; മാതാപിതാക്കളെ അവസാനമായി ഒരു നോക്കുകാണാന് മാധവ് എന്ന എട്ടുവയസ്സുകാരന് എത്തിയപ്പോള് കണ്ടുനിന്നവരുടെയെല്ലാം നെഞ്ചുതകര്ന്നു
നേപ്പാളിലെ ദമനില് റിസോര്ട്ട് മുറിയില് മരിച്ച എട്ട് മലയാളികളികള്ക്കും ജന്മനാട് വിടചൊല്ലി. കുന്ദമംഗലത്തെ രഞ്ജിത്തിന്റെ തറവാട് വീട്ടില് വൈകിട്ട് ആറരയോടെയാണ് രഞ്ജിത് കുമാറിന്റെയും ഭാര്യ ഇന്ദുലക്ഷ്മിയുടെയും മകന് വൈഷ്ണവിന്റെയും മൃതദേഹങ്ങള് സംസ്കരിച്ചത്. രഞ്ജിത്തിന്റെയും ഇന്ദു ലക്ഷ്മിയുടെയും ചിതക്ക് മകന് മാധവ് തീ കൊളുത്തി. അവരെ അവസാനമായി ഒരു നോക്കുകാണാന് മാധവ് എന്ന എട്ടുവയസ്സുകാരന് എത്തിയപ്പോള് കണ്ടുനിന്നവരുടെയെല്ലാം നെഞ്ചുതകര്ന്നു. നേപ്പാളിലെ ദമനില് റിസോര്ട്ട് മുറിയില് മരിച്ച എട്ട് മലയാളികളികള്ക്കും ജന്മനാട് വിടചൊല്ലി.
ഈ കുടുംബത്തില് അവശേഷിച്ച രഞ്ജിത്ത്കുമാറിന്റെ മൂത്ത മകന് മാധവിനെ ആശ്വസിപ്പിക്കാനാകാതെ ബന്ധുക്കള് വിതുമ്ബുകയായിരുന്നു. കുന്ദമംഗലത്തെ ഗ്രാമം നടുക്കത്തോടെയാണ് ആ ദുരന്ത വാര്ത്ത കേട്ടത്. വളരെ സന്തോഷത്തോടെ വിനോദയാത്ര പോയവരുടെ ജീവനറ്റ ശരീരം കാണാനാകാതെ ബന്ധുക്കളും സുഹൃത്തുക്കളും തേങ്ങലടക്കാന് പാടു പെട്ടു. ഒടുവില് രഞ്ജിത്ത്കുമാര്, ഭാര്യ ഇന്ദു ലക്ഷ്മി, ഒന്നര വയസുകാരന് വൈഷ്ണവ് എന്നിവരെ കുന്ദമംഗലത്തെ തറവാട്ടുവീട്ടിലെ വളപ്പില് സംസ്കരിച്ചു.
രഞ്ജിത്തിനേയും ഇന്ദുലക്ഷ്മിയേയും കുഞ്ഞുവൈഷ്ണവിനെയും ഒരുനോക്ക് കാണാന് വന്ജനസഞ്ചയമാണ് മണിക്കൂറുകള്ക്ക് മുന്നേ മൊകവൂരിലെ വീട്ടിലെത്തിയത്. ആളൊഴിഞ്ഞ് അവസാനനിമിഷമാണ് മാധവിനെ മൃതദേഹങ്ങള് കാണിച്ചത്. മാധവ് പൊട്ടിക്കരഞ്ഞു പോയതോടെ അതുവരെ നിശബ്ദരായി നിന്ന ശ്രീപത്മം വീടും പരിസരവും കൂട്ടക്കരച്ചിലിന് സാക്ഷ്യം വഹിച്ചു. അത്രമേല് ഹൃദയഭേദകമായിരുന്നു ആ കാഴ്ച.
https://www.facebook.com/Malayalivartha