ശുദ്ധജലം ശേഖരിക്കുന്നതിനെച്ചൊല്ലിയുള്ള തര്ക്കത്തെ തുടര്ന്ന് യുവാവിനെ ആക്രമിച്ച് പരുക്കേല്പ്പിച്ചു
ജലക്ഷാമം നേരിടുന്ന ചങ്ങനാശേരി മാടപ്പളളി പ്രദേശത്ത് വാട്ടര് അതോറിറ്റി പൈപ്പിലൂടെ ലഭിക്കുന്ന വെള്ളമാണ് നാട്ടുകാര് ഉപയോഗിക്കുന്നത്. ഈ ശുദ്ധജലം ശേഖരിക്കുന്നതിനെച്ചൊല്ലിയുള്ള തര്ക്കത്തെ തുടര്ന്ന് അയല്വാസി ആക്രമിച്ചതായി യുവാവിന്റെ പരാതി. മാടപ്പളളി ബ്ലോക്ക് പഞ്ചായത്ത് എസ്സി പ്രമോട്ടര് ഇടപ്പള്ളി മങ്കാട്ട് ശ്രീനിവാസാണ് (30) വാകത്താനം ഗവ. ആശുപത്രിയില് ചികിത്സയില് കഴിയുന്നത്. ഇന്നലെ രാവിലെ 6-ന് ആയിരുന്നു സംഭവങ്ങള് തുടങ്ങിയത്.
ഒരു വീടിനു 2 ബക്കറ്റ് എന്ന കണക്കില് എല്ലാവരും പൈപ്പില് നിന്ന് വെള്ളം ശേഖരിക്കവേ അയല്വാസിയായ ആളും ഭാര്യയും 4 ബക്കറ്റ് വെള്ളം എടുക്കുന്നത് ശ്രീനിവാസ് ചോദ്യം ചെയ്തതോടെ ഇരുകൂട്ടരും തമ്മില് വാക്കേറ്റവും ബഹളവും ഉണ്ടായി. തുടര്ന്ന് നാട്ടുകാര് ഇടപെട്ട് ഇരുകൂട്ടരെയും വീടുകളിലേക്ക് അയച്ചു.
എന്നാല് കുറച്ചു സമയത്തിനു ശേഷം അയല്വാസി മക്കളെയും ബന്ധുക്കളെയും കൂട്ടി തന്റെ വീട്ടില് എത്തി തന്നെ മര്ദിക്കുകയായിരുന്നു എന്നാണ് ശ്രീനിവാസ് പറയുന്നത്.
https://www.facebook.com/Malayalivartha