വിഷ്ണുപ്രിയയെ വീട്ടിനകത്ത് അതിക്രമിച്ചു കയറി കുത്തിക്കൊലപ്പെടുത്തിയ കേസില് വിധി പറയുന്നത് വെള്ളിയാഴ്ചത്തേക്ക് മാറ്റി
വിഷ്ണുപ്രിയയെ വീട്ടിനകത്ത് അതിക്രമിച്ചു കയറി കുത്തിക്കൊലപ്പെടുത്തിയ കേസില് വിധി പറയുന്നത് വെള്ളിയാഴ്ചത്തേക്ക് മാറ്റി. പ്രണയാഭ്യര്ത്ഥന നിരസിച്ച വൈരാഗ്യത്തിലാണ് കണ്ണൂര് കൂത്തുപറമ്പിനടുത്ത് വള്ള്യായിയിലെ കണ്ണച്ചന്കണ്ടി വീട്ടില് വിഷ്ണുപ്രിയയെ (23) വീട്ടിനകത്ത് അതിക്രമിച്ചു കയറി കുത്തിക്കൊലപ്പെടുത്തിയ കേസില് വിധി പറയുന്നത് തലശ്ശേരി അഡീഷനല് ജില്ല കോടതി (ഒന്ന്) ജഡ്ജി എ.വി. മൃദുല വെള്ളിയാഴ്ചത്തേക്ക് മാറ്റിയത്. പ്രോസിക്യൂഷന് വാദവും പ്രതിഭാഗം വാദവും അതിവേഗം പൂര്ത്തിയാക്കിയ കേസാണിത്. കൂത്തുപറമ്പിനടുത്ത മാനന്തേരിയിലെ താഴെ കളത്തില് വീട്ടില് ശ്യാംജിത്താണ് (27) കേസിലെ പ്രതി.
2022 ഒക്ടോബര് 22ന് രാവിലെ 11.45 നാണ് വിഷ്ണുപ്രിയ വീട്ടിനകത്ത് ദാരുണമായി കൊല്ലപ്പെട്ടത്. പൊന്നാനി സ്വദേശിയായ സുഹൃത്തുമായി ഫോണില് സംസാരിക്കുന്നതിനിടയില് കിടപ്പുമുറിയില് അതിക്രമിച്ചു കയറിയ പ്രതി ശ്യാംജിത്ത് വിഷ്ണുപ്രിയയെ തലക്കടിച്ചു വീഴ്ത്തിയ ശേഷം കഴുത്തിന് കുത്തിക്കൊലപ്പെടുത്തിയെന്നാണ് കേസ്. 2023 സെപ്റ്റംബര് 21നാണ് കേസിന്റെ വിചാരണ തുടങ്ങിയത്. സംഭവം നടന്ന് ഒരുവര്ഷം പൂര്ത്തിയാകുന്നതിന് മുമ്പ് വിചാരണ തുടങ്ങി. പ്രതി ജുഡീഷ്യല് കസ്റ്റഡിയിലായതിനാലാണ് വിചാരണ വേഗത്തിലായത്. കേസില് 73 സാക്ഷികളാണുള്ളത്.
പാനൂരില് സ്വകാര്യ ആശുപത്രിയില് ഫാര്മസിസ്റ്റായി ജോലിചെയ്തുവരികയായിരുന്നു വിഷ്ണുപ്രിയ. ദൃക്സാക്ഷികളില്ലാത്ത കേസില് സാഹചര്യ തെളിവും ശാസ്ത്രീയ തെളിവുകളും കോടതിയില് ഹാജരാക്കി.
"
https://www.facebook.com/Malayalivartha