യഹൂദവിരുദ്ധതയ്ക്കും ഇസ്ലാമോഫോബിയ്ക്കുമെതിരെ ആഞ്ഞടിച്ച് അമേരിക്കൻ പ്രസിഡൻ്റ് ജോ ബൈഡൻ. ഇസ്രയേലിനെതിരായ ഹമാസിന്റെ ആക്രമണത്തിന് ശേഷമുള്ള ദിവസങ്ങളിൽ യഹൂദവിരുദ്ധതയും ഇസ്ലാമോഫോബിയയും തീവ്രമാകുന്നു. അതിനെതിരെയാണ് ജോ ബൈഡൻ പ്രതികരിച്ചത്. അമേരിക്കയിൽ അത്തരം വിദ്വേഷത്തിന് സ്ഥാനമില്ല. യഹൂദവിരുദ്ധതയ്ക്കെതിരെ പോരാടണമെന്നും അദ്ദേഹം ആഹ്വാനം ചെയ്തു.

ഒക്ടോബർ 19 ന് നടന്ന ഓവൽ ഓഫീസ് പ്രസംഗത്തിൽ അമേരിക്കക്കാർക്ക് “നിശ്ശബ്ദരായി നിൽക്കാൻ കഴിയില്ല” എന്ന് അദ്ദേഹം പറഞ്ഞിരുന്നു . എന്നിട്ടും യുദ്ധം ആരംഭിച്ച് ഏഴു മാസങ്ങൾക്കുള്ളിൽ ഇസ്‌ലാമോഫോബിക്, യഹൂദവിരുദ്ധ സംഭവങ്ങൾ കൂടുകയാണുണ്ടായത് .

അമേരിക്കൻ ജൂതന്മാർക്ക് ബൈഡൻ നേരിട്ട് ഒരു സന്ദേശം നൽകിയിരുന്നു. “നിങ്ങളുടെ ഭയവും വേദനയും വേദനയും ഞാൻ കാണുന്നു. നിങ്ങളുടെ പ്രസിഡൻ്റ് എന്ന നിലയിൽ ഞാൻ നിങ്ങൾക്ക് ഉറപ്പുതരാം: നിങ്ങൾ ഒറ്റയ്‌ക്കല്ല എന്നായിരുന്നു അദ്ദേഹം പറഞ്ഞത്.