കര്‍ണാടകയിലെ ആശുപത്രികളിലേക്ക്​ ആംബുലന്‍സുകള്‍ കടത്തി വിടാന്‍ അനുമതിയായെന്ന്​ മുഖ്യമ​ന്ത്രി പിണറായി വിജയന്‍ അറിയിച്ചു. കോവിഡ്​ ബാധയില്ലാത്ത രോഗികളെ ചികില്‍സക്കായി കൊണ്ടു പോകാനാണ്​ അനുമതി​. തലപ്പാടി വഴിയും ആംബുലന്‍സുകള്‍ കടത്തി വിടും.

തലപ്പാടി ചെക്​പോസ്​റ്റില്‍ കര്‍ണാടകയുടെ ഡോക്​ടര്‍മാരുടെ സംഘമുണ്ടാകും. രോഗികള്‍ മെഡിക്കല്‍ സര്‍ട്ടിഫിക്കറ്റുമായി ചെക്​പോസ്​റ്റിലെത്തി കര്‍ണാടക ഡോക്​ടര്‍മാരുടെ അനുമതിയോടെ സംസ്ഥാനത്ത്​ ചികില്‍സ തേടാവുന്നതാണ്​. കര്‍ണാടകയില്‍ നിന്നും തമിഴ്​നാട്ടില്‍ നിന്നും വയനാട്ടില്‍ ചികില്‍സക്കെത്തുന്നവര്‍ക്ക്​ സംസ്ഥാനം അനുമതി നല്‍കുന്നുണ്ടെന്നും പിണറായി കൂട്ടിച്ചേര്‍ത്തു.

അതേസമയം കോ​വി​ഡ് വ്യാ​പ​ന​ത്തി​ന്‍റെ ഏ​തു സാ​ഹ​ച​ര്യ​ത്തെ​യും നേ​രി​ടാ​ന്‍ കേ​ര​ളം സ​ജ്ജ​മെ​ന്നു മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ അറിയിച്ചു. രോ​ഗ​വ്യാ​പ​ന​മു​ണ്ടാ​യാ​ല്‍ സ​ര്‍​ക്കാ​ര്‍-​സ്വ​കാ​ര്യ ആ​ശു​പ​ത്രി​ക​ളി​ലാ​യി 1.25 ല​ക്ഷം ബെ​ഡു​ക​ള്‍ ത​യാ​റാ​ണെ​ന്നു മു​ഖ്യ​മ​ന്ത്രി അ​റി​യി​ച്ചു. സം​സ്ഥാ​ന​ത്ത് വി​വി​ധ​യി​ട​ങ്ങ​ളി​ലാ​യി പ്ര​ത്യേ​ക കോ​വി​ഡ് സെ​ന്‍റ​റു​ക​ള്‍ ത​യാ​റാ​ക്കി​യി​ട്ടു​ണ്ട്. 10,813 ഐ​സൊ​ലാ​ഷ​ന്‍ ബെ​ഡു​ക​ള്‍ ത​യാ​റാ​ണ്. 517 കൊ​റോ​ണ കെ​യ​ര്‍ സെ​ന്‍റ​റു​ക​ള്‍ ത​യാ​റാ​ക്കു​ന്നു​ണ്ട്. ഇ​വി​ടെ 17,401 ബെ​ഡു​ക​ള്‍ ത​യാ​റാ​കു​മെ​ന്നും മു​ഖ്യ​മ​ന്ത്രി അ​റി​യി​ച്ചു.

38 കൊ​റോ​ണ കെ​യ​ര്‍ ആ​ശു​പ​ത്രി​ക​ളാ​ണ് നി​ല​വി​ല്‍ സം​സ്ഥാ​ന​ത്ത് പ്ര​വ​ര്‍​ത്തി​ക്കു​ന്ന​ത്. കോ​വി​ഡ് രോ​ഗി​ക​ളെ ക​ണ്ടെ​ത്തു​ന്ന​തി​നു​ള്ള റാ​പ്പി​ഡ് ടെ​സ്റ്റി​ന്‍റെ മാ​ന​ദ​ണ്ഡ​ങ്ങ​ള്‍ ഉ​ട​ന്‍ നി​ര്‍​ണ​യി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.