ആശുപത്രിയിലെ ഐസലേഷന് വാര്ഡില് നിന്നും പുറത്തേക്ക് വന്ന രണ്ട് പേരെയും കളക്ടര് അടങ്ങിയ സംഘം കൊന്നപ്പൂക്കള് നല്കി സ്വീകരിച്ചു; വയനാട്ടില് രണ്ടും തൃശൂരില് മൂന്നു പേരും ആശുപത്രി വിട്ടു! ഇരുവരെയും ആരോഗ്യവകുപ്പിന്റെ വാഹനത്തില് വീട്ടിലേക്ക് കൊണ്ടുപോയി... 14 ദിവസത്തെ ക്വാറന്റൈനാണ് ആരോഗ്യവകുപ്പ് ഇരുവര്ക്കുമായി നിര്ദേശിച്ചിരിക്കുന്നത്...
വയനാട്ടില് കൊറോണ വൈറസ് രോഗ ബാധ സ്ഥിരീകരിച്ച രണ്ടു പേര് ആശുപത്രി വിട്ടു. തൃശൂരിലും മൂന്നു പേര് രോഗം ഭേദമായി വീടുകളിലേക്ക് മടങ്ങി. വയനാട്ടില് കമ്ബളക്കാട്, തൊണ്ടര്നാട് സ്വദേശികളാണ് രോഗമുക്തി നേടി ആശുപത്രി വിട്ടത്. മാനന്തവാടി ജില്ലാ ആശുപത്രിയിലെ ഐസലേഷന് വാര്ഡില് നിന്നും പുറത്തേക്ക് വന്ന രണ്ട് പേരെയും കളക്ടര് അദീല അബ്ദുള്ള, ഒ.ആര് കേളു എംഎല്എ, ഡിഎംഒ രേണുക എന്നിവരുടെ നേതൃത്വത്തിലുള്ള സംഘം കൊന്നപ്പൂക്കള് നല്കിയാണ് സ്വീകരിച്ചത്.
ഇരുവരെയും ആരോഗ്യവകുപ്പിന്റെ വാഹനത്തില് വീട്ടിലേക്ക് കൊണ്ടുപോയി. 14 ദിവസത്തെ ക്വാറന്റൈനാണ് ആരോഗ്യവകുപ്പ് ഇരുവര്ക്കുമായി നിര്ദേശിച്ചിരിക്കുന്നത്. തൃശൂരില് ഫ്രാന്സില്നിന്നും എത്തിയ ദമ്ബതികളും ചാവക്കാട് സ്വദേശിയുടെ ഭാര്യയുമാണ് രോഗം ഭേദപ്പെട്ട് മടങ്ങിയത്.
ഇവരുടെ രണ്ടാം സ്രവ പരിശോധനാ ഫലവും നെഗറ്റീവ് ആയതിനെ തുടര്ന്നാണ് വിടുതല് നല്കിയത്. വയനാട്ടില് നിരീക്ഷണ കാലാവധി പൂര്ത്തിയാക്കിയതിനെ തുടര്ന്ന് 109 പേര് ചൊവ്വാഴ്ച വീടുകളിലേക്ക് മടങ്ങിയിരുന്നു.
ജില്ലയില് 169 പേരാണ് വിവിധ കോവിഡ് കെയര് കേന്ദ്രങ്ങളില് നിരീക്ഷണത്തിലുണ്ടായിരുന്നത്. അതിര്ത്തി ചെക്ക്പോസ്റ്റുകള് അടച്ചശേഷം ചെക്ക് പോസ്റ്റുകളില് എത്തിയവരായിരുന്നു ഇവര്. ബാക്കിയുള്ളവര് കോവിഡ് കെയര് സെന്ററുകളില് കര്ശന നിരീക്ഷണത്തില് തുടരുകയാണ്.
https://www.facebook.com/Malayalivartha