ലോക് ഡൗണിനെ തുടര്‍ന്ന് ലക്ഷദ്വീപില്‍ കുടുങ്ങിയ അധ്യാപകരെ നാട്ടിലെത്തിക്കാന്‍ ശ്രമം തുടങ്ങി. കേരളത്തില്‍ നിന്ന് പരീക്ഷാ ഡ്യൂട്ടിക്ക് പോയി നാല് ദ്വീപുകളിലായി കുടുങ്ങി കിടന്ന അധ്യാപകരെ കവരത്തിയില്‍ എത്തിച്ചു. വെസല്‍ മാര്‍ഗമാണ് ഇന്ന് ഉച്ചയോടെ ഇവരെ കവരത്തിയിലേക്ക് എത്തിച്ചത്. ആറ് എക്‌സാമിനര്‍മാരും രണ്ട് നീരീക്ഷകരുമടക്കം എട്ട് പേരായിരുന്നു എസ്.എസ്.എല്‍.സി, പ്ലസ്ടു പരീക്ഷ നടത്തിപ്പിനായി ലക്ഷദ്വീപിലുണ്ടായിരുന്നത്. അടുത്ത കപ്പലില്‍ കൊച്ചിയിലെത്തിക്കുമെന്ന് അധികൃതര്‍ അധ്യാപകരെ അറിയിച്ചിട്ടുണ്ട്. എന്നാല്‍ നിലവില്‍ ലോക് ഡൌണായതിനാല്‍ കപ്പല്‍ സര്‍വീസ് നിര്‍ത്തിവെച്ചിരിക്കുകയാണ്.