ആലപ്പുഴയിൽ കൊവിഡ് 19 നിരീക്ഷണത്തിലായിരുന്ന യുവാവ് മരിച്ചു. ചെങ്ങന്നൂർ പാണ്ടനാട് സ്വദേശി ജോസ് ജോയിയാണ് മരിച്ചത്. 39 വയസായിരുന്നു. ഉച്ച കഴിഞ്ഞ് രണ്ടര മണിയോടെ ആലപ്പുഴ മെഡിക്കൽ കോളേജിൽ വെച്ചായിരുന്നു അന്ത്യം.

അബുദാബിയിൽ നിന്നുമെത്തിയ ഇയാൾ കൊവിഡ‍് കെയർ സെൻ്ററിൽ നിരീക്ഷണത്തിൽ കഴിയുകയായിരുന്നു . ജോസ് ജോയിക്ക് കൊവിഡ് ഉണ്ടോ എന്നത് സ്ഥിരീകരിച്ചിട്ടില്ല. ഇദ്ദേഹത്തിന്റെ സ്രവം പരിശോധനയ്ക്ക് അയച്ചിരിക്കുകയാണ്. ഫലം ലഭിച്ചാല്‍ മാത്രമേ കൊവിഡ് രോഗമാണോ മരണകാരണം എന്ന് സ്ഥിരീകരിക്കാന്‍ സാധിക്കുകയുളളൂ. അതേസമയം ഇദ്ദേഹത്തിന് ഗുരുതരമായ കരള്‍ രോഗം ഉണ്ടായിരുന്നു എന്നാണ് ആലപ്പുഴ മെഡിക്കല്‍ കോളേജ് അധികൃതര്‍ വ്യക്തമാക്കുന്നത്.

സം​സ്ഥാ​ന​ത്ത് കോ​വി​ഡ്-19 ബാ​ധി​ച്ച് ഒ​രാ​ള്‍ കൂ​ടി ഇന്ന് മരണത്തിനു കീഴടങ്ങിയിരുന്നു . പ​ത്ത​നം​തി​ട്ട തി​രു​വ​ല്ലാ സ്വ​ദേ​ശി ജോ​ഷി(65) ആ​ണ് വെ​ള്ളി​യാ​ഴ്ച പു​ല​ർ​ച്ചെ മ​രി​ച്ച​ത്. കോട്ടയം മെഡിക്കൽകോളേജിൽ ചികിത്സയിലായിരുന്നു. അബുദാബിയിൽ നിന്ന് നാട്ടിലെത്തിയതായിരുന്നു ജോഷി. കോവിഡ് ലക്ഷണങ്ങളെ കണ്ടതോടെ ഇയാളെ ഇക്കഴിഞ്ഞ പതിനെട്ടാം തീയതി പത്തനംതിട്ട ജില്ലാ ആശുപത്രിയിലേക്ക് മാറ്റുകയായിരുന്നു. പിന്നീട് രോഗം മൂർച്ഛിച്ചതോടെ കോട്ടയം മെഡിക്കൽ കോളേജിലേക്ക് മാറ്റുകയായിരുന്നു. ഇയാൾ ഇന്ന് പുലർച്ചെയോടെയാണ് മരിച്ചത്. ജോഷി കടുത്ത പ്രമേഹ രോഗിയായിരുന്നുവെന്നാണ് അധികൃതർ പറയുന്നത്.

.