കാസര്ഗോഡ് കലക്ടറേറ്റിലേക്ക് ഗാന്ധി പ്രതിമ എത്താന് ഇനിയും വൈകും
സ്വാതന്ത്ര്യ സുവര്ണ ജൂബിലി വര്ഷത്തില് കാസര്കോട് കലക്ടറേറ്റ് അങ്കണത്തില് ഗാന്ധി പ്രതിമ സ്ഥാപിക്കാന് തീരുമാനിച്ചെങ്കിലും 2 പതിറ്റാണ്ടോളം ആ തീരുമാനം നടപ്പായില്ല. ഇക്കഴിഞ്ഞ ജനുവരി 28-ന് താല്ക്കാലികമായി പ്രതിമ സ്ഥാപിച്ച് ഉദ്ഘാടനം നടത്തിയെങ്കിലും യഥാര്ഥത്തില് സ്ഥാപിക്കേണ്ട പ്രതിമ ഇപ്പോഴും ശില്പി ഉണ്ണി കാനായിയുടെ പണിപ്പുരയില് പുരോഗമിക്കുകയാണ്. കോവിഡ് തീര്ത്ത പ്രതിസന്ധിയാണ് പ്രതിമ നിര്മാണം വൈകാന് കാരണം.
സ്വാതന്ത്ര്യ സമരസേനാനി ആയിരുന്ന പരേതനായ എ.അച്യുതന് ആണ് ആദ്യം ശിലാസ്ഥാപനം നിര്വഹിച്ചത്. വെങ്കലപ്രതിമ സ്ഥാപിക്കാനാണു തീരുമാനിച്ചതെങ്കിലും ഗാന്ധിജിയുടെ 150-ാം ജന്മവാര്ഷികത്തോട് അനുബന്ധിച്ച് പ്രതിമാസ്ഥാപനം നടത്തണം എന്ന നിശ്ചയത്തെ തുടര്ന്ന് ഫൈബര് ഗ്ലാസ് മെറ്റലില് തീര്ത്ത പ്രതിമ തല്ക്കാലത്തേയ്ക്കു സ്ഥാപിച്ച് ഉദ്ഘാടനം നടത്തുകയായിരുന്നു. 2 ലക്ഷമായിരുന്നു ഇതിന്റെ ചെലവ്. യഥാര്ഥ പ്രതിമയുടെ നിര്മാണം പൂര്ത്തിയാകാന് 3 മാസം കൂടി വേണ്ടി വന്നേക്കുമെന്ന് ഉണ്ണി കാനായി പറഞ്ഞു.
ലോക്ഡൗണ്, നിര്മാണം വൈകാന് ഇടയാക്കിയെന്ന് ഉണ്ണി വ്യക്തമാക്കി. പുതിയ പ്രതിമയ്ക്ക് 22 ലക്ഷമാണ് ചെലവ്. ഇതില് 16 ലക്ഷം ലഭിച്ചിട്ടുണ്ട്. ഫണ്ട് കിട്ടാത്തത് ഉള്പ്പെടെ വിവിധ കാരണങ്ങളാല് വൈകിയ പ്രതിമ സ്ഥാപിക്കല് കലക്ടര് ഡി.സജിത്ബാബു ചുമതലയേറ്റതോടെയാണ് സജീവമായതെന്നു കോണ്ഗ്രസ് നേതാവും പ്രതിമ നിര്മാണ കമ്മിറ്റി ചെയര്മാനുമായ കെ.പി.കുഞ്ഞിക്കണ്ണന് പറഞ്ഞു.
https://www.facebook.com/Malayalivartha