സംസ്ഥാനത്ത് ആന്റിബോഡി ടെസ്റ്റുകള് വ്യാപകമായി ആരംഭിക്കും; ആന്റിബോഡി ടെസ്റ്റ് പോസിറ്റീവ് ആയാല് പി.സി.ആര് ടെസ്റ്റ് നടത്തുമെന്നും മുഖ്യമന്ത്രി
സംസ്ഥാനത്ത് ഇന്ന് 111 പേര്ക്ക് കൂടി കൊവിഡ് സ്ഥിരീകരിച്ചതോടെ ആന്റിബോഡി ടെസ്റ്റുകള് വ്യാപകമായി ആരംഭിക്കാന് തീരുമാനിച്ചതായി മുഖ്യമന്ത്രി പിണറായി വിജയന്. സാമൂഹിക വ്യാപനം നടന്നിട്ടുണ്ടോയെന്ന് അറിയാനാണ് ഈ ടെസ്റ്റ് നടത്തുന്നത്. ഒരാഴ്ച 15,000 വരെ ആന്റിബോഡി ടെസ്റ്റ് നടത്താനാണ് ശ്രമം. ആന്റിബോഡി ടെസ്റ്റ് പോസിറ്റീവ് ആയാല് പി.സി.ആര് ടെസ്റ്റ് നടത്തുമെന്നും മുഖ്യമന്ത്രി പറഞ്ഞു. ഐ.സി.എം.ആര് വഴി 14,000 കിറ്റുകള് ലഭിച്ചു. അതില് 10,000കിറ്റുകള് വിവിധ ജില്ലകള്ക്ക് നല്കി. 40,000 കിറ്റുകള് കൂടി മൂന്നുദിവസത്തിനുള്ളില് ലഭിക്കുമെന്നും മുഖ്യമന്ത്രി പറഞ്ഞു. അതേസമയം, സംസ്ഥാനത്ത് ഇന്ന് 111 പേര്ക്ക് കൂടി കൊവിഡ് സ്ഥിരീകരിച്ചതോടെ സ്ഥിതി രൂക്ഷമാകുന്നു എന്നതാണ് സൂചിപ്പിക്കുന്നതെന്ന് മുഖ്യമന്ത്രി പറഞ്ഞു. 50 പേര് വിദേശത്ത് നിന്ന് വന്നവരാണ്. മൂന്ന് ആരോഗ്യ പ്രവര്ത്തകര്ക്കും ഇന്ന് രോഗം സ്ഥിരീകരിച്ചിട്ടുണ്ട്. 48 പേര് മറ്റ് സംസ്ഥാനങ്ങളില് നിന്ന് കേരളത്തിലേക്ക് എത്തിയവരാണ്. പത്ത് പേര്ക്ക് സമ്ബര്ക്കം വഴിയാണ് വൈറസ് ബാധയുണ്ടായത്. 22 പേരുടെ പരിശോധന ഫലമാണ് ഇന്ന് നെഗറ്റീവ് ആയത്.പാലക്കാട്ട് മാത്രം ഇന്ന് നാല്പ്പത് പുതിയ കൊവിഡ് കേസ് റിപ്പോര്ട്ട് ചെയ്തിട്ടുണ്ട്. മലപ്പുറത്ത് 18 പേര്ക്കാണ് കൊവിഡ്. പത്തനംതിട്ടയില് പതിനൊന്ന് പേര്ക്കും രോഗം സ്ഥിരീകരിച്ചു.
https://www.facebook.com/Malayalivartha