കുട്ടികളുടെ പഠനാവശ്യത്തിനായി ലാപ്ടോപ്പ് വാങ്ങാന് കുടുംബശ്രീയും കെ.എസ്.എഫ്.ഇ.യും ചേര്ന്ന് ലാപ്ടോപ്പ് മൈക്രോ ചിട്ടി അരംഭിക്കാന് ഒരുങ്ങുന്നു... മൂന്നുമാസത്തിനകം രണ്ടുലക്ഷം ലാപ്ടോപ്പുകള് നല്കുകയാണ് ലക്ഷ്യമെന്ന് മന്ത്രി ഡോ. തോമസ് ഐസക്
കുട്ടികളുടെ പഠനാവശ്യത്തിനായി ലാപ്ടോപ്പ് വാങ്ങാന് കുടുംബശ്രീയും കെ.എസ്.എഫ്.ഇ.യും ചേര്ന്ന് ലാപ്ടോപ്പ് മൈക്രോ ചിട്ടി തുടങ്ങുന്നു. മൂന്നുമാസത്തിനകം രണ്ടുലക്ഷം ലാപ്ടോപ്പുകള് നല്കുകയാണ് ലക്ഷ്യമെന്ന് മന്ത്രി ഡോ. തോമസ് ഐസക് പറഞ്ഞു. എല്ലാ കുട്ടികള്ക്കും ഓണ്ലൈന് പഠനസൗകര്യം ഒരുക്കാന് അയല്ക്കൂട്ടപഠനകേന്ദ്രങ്ങള് തുടങ്ങുന്നുണ്ട്. ഇതിനുപുറമേ, സ്വന്തമായി ലാപ്ടോപ്പ് ആഗ്രഹിക്കുന്ന കുട്ടികളുടെ രക്ഷിതാക്കള്ക്ക് ചിട്ടിയില് ചേരാം.
പഠനാവശ്യത്തിനുള്ള 15,000 രൂപയില്ത്താഴെ വിലയുള്ള ലാപ്ടോപ്പാണ് കിട്ടുക. കുടുംബശ്രീക്കുവേണ്ടി കെ.എസ്.എഫ്.ഇ. നടത്തുന്ന ചിട്ടിയുടെ സല 15,000 രൂപ. 500 രൂപവീതം 30 മാസം അടയ്ക്കണം. മുടങ്ങാതെ തവണകള് അടയ്ക്കുന്നവര്ക്ക് ഓരോ പത്തുതവണ കഴിയുമ്പോഴും അടുത്തമാസത്തെ തവണ കെ.എസ്.എഫ്.ഇ. നല്കും. 1500 രൂപ കെ.എസ്.എഫ്.ഇ.തന്നെ അടയ്ക്കും. ലാപ്ടോപ്പ് വേണ്ടവര്ക്ക് മൂന്നാംമാസത്തില് അതിനുള്ള പണം കെ.എസ്.എഫ്.ഇ നല്കും.
ഐ.ടി.വകുപ്പ് താത്പര്യപത്രം ക്ഷണിച്ച് ലാപ്ടോപ്പ് വിതരണക്കാരെ നിശ്ചയിക്കും. കുടുംബശ്രീവഴിയാണ് നല്കുക. ലാപ്ടോപ്പിന്റെ വിലകിഴിച്ച് മിച്ചംവരുന്ന പണം വട്ടമെത്തുമ്പോള് തിരികെ നല്കും. കുടുംബശ്രീ യൂണിറ്റിന് ഓരോ മാസത്തെയും ചിട്ടിയടവിന്റെ രണ്ടുശതമാനം കമ്മിഷനായി ലഭിക്കും. ലാപ്ടോപ്പ് ചിട്ടിക്കുള്ള വിവിധ വകുപ്പുകളുടെ ഉത്തരവുകള് വൈകാതെ പുറത്തിറങ്ങും. ഉത്തരവിറങ്ങിയാലുടന് ചിട്ടി തുടങ്ങും.
"
https://www.facebook.com/Malayalivartha