കുറഞ്ഞ ചെലവില് വൈദ്യുതി ലഭിക്കുന്ന സാഹചര്യം നിലവിലുള്ളപ്പോള് ഈ കരാറിന്റെ ആവശ്യമുണ്ടോ? 42000 കോടി രൂപയുടെ നഷ്ടമുണ്ടാക്കുന്ന കരാറാണ് ഇതെന്ന് മന്ത്രി എ. കെ. ബാലന്
യുഡിഎഫ് സര്ക്കാരിന്റെ കാലത്ത് അന്ന് കെഎസ്ഇബി ചെയര്മാനായിരുന്ന എം. ശിവശങ്കര് ഒപ്പിട്ട വൈദ്യുതി വാങ്ങാനുള്ള കരാറിനെതിരെ മന്ത്രി എ. കെ. ബാലന്. പുറത്ത് നിന്ന് വൈദ്യുതി വാങ്ങിക്കാന് 25 വര്ഷത്തേക്കാണ് അന്ന് കരാറുണ്ടാക്കിയത്. അന്ന് കെപിസിസി പ്രസിഡന്റായിരുന്ന രമേശ് ചെന്നിത്തലയുടെയും വൈദ്യു. മന്ത്രി, മുഖ്യമന്ത്രി ഉമ്മന് ചാണ്ടി എന്നിവരുടെ അറിവോടെയാണോ കരാറുണ്ടാക്കിയതെന്നും അതോ സര്ക്കാരിനെ തെറ്റിദ്ധരിപ്പിച്ചാണോ കരാറുണ്ടാക്കിയതെന്നും വ്യക്തമാക്കണമെന്നും എകെ ബാലന് പറഞ്ഞു. യൂണിറ്റിന് നാല് രൂപ വച്ച് 66,229 രൂപയാണ് കരാറാണ് ഉണ്ടാക്കിയത്. എന്നാല് 22000 കോടി രൂപയുടെ പദ്ധതിക്ക് മാത്രമായിരുന്നു അനുമതി ലഭിച്ചത്. 42000 കോടി രൂപയുടെ നഷ്ടമുണ്ടാക്കുന്ന കരാറാണ് ഇത്. റെഗുലേറ്ററി കമ്മീഷന് നഷ്ടമുണ്ടാകുമെന്ന് ചൂണ്ടിക്കാണിച്ചിട്ടും
യുഡിഎഫ് സര്ക്കാര് പദ്ധതിക്ക് അംഗീകാരം നല്കി. 25 വര്ഷത്തേക്ക് സാധാരണ കരാറുണ്ടാക്കാറില്ല. ഈ കരാര് തെറ്റാണെങ്കില് എന്തിന് സര്ക്കാര് അംഗീകാരം നല്കിയെന്ന് വ്യക്തമാക്കണം. സര്ക്കാരിനെ തെറ്റിദ്ധരിപ്പിച്ച് ശിവശങ്കര് ഉണ്ടാക്കിയ കരാറാണോ, അതോ ശിവശങ്കറിനെക്കൊണ്ട് യുഡിഎഫ് ഒപ്പിടീച്ച കരാറാണോ എന്ന് പുറത്തുവരണം. കുറഞ്ഞ ചെലവില് വൈദ്യുതി ലഭിക്കുന്ന സാഹചര്യം നിലവിലുണ്ട്. ഈ സാഹചര്യത്തില് എന്തിനാണ് ഇത്ര വലിയ തുകയ്ക്ക് കരാര് ഒപ്പിട്ടതെന്ന് രമേശ് ചെന്നിത്തലയും അന്നത്തെ മുഖ്യമന്ത്രിയായ ഉമ്മന്ചാണ്ടിയും പറയണമെന്നും എ. കെ. ബാലന് പറഞ്ഞു.
https://www.facebook.com/Malayalivartha