തിരുവല്ലയിലെ ഹോംസ്റ്റേയില് താമസിച്ചു നിര്മിച്ചു വിതരണം ചെയ്ത സംഘത്തിലെ സ്ത്രീ ഉള്പ്പെടെ നാല് പേര് കൂടി പിടിയില്... നോട്ടിന്റെ കളര് പ്രിന്റ് എടുത്ത് ആളുകളെ വിഡിയോ വഴി കാണിച്ച് ഇടപാടുകാരെ ആകര്ഷിക്കും, ഇടപാടുകാര് നേരിട്ടെത്തുമ്പോള് രാസവസ്തു ചേര്ത്ത് കറുപ്പു നിറമാക്കിയ യഥാര്ഥ നോട്ടുകള് കാണിക്കും,കൊടുക്കുന്ന നോട്ടിന്റെ ഇടയില് വെറും കറുത്ത പേപ്പറുകള് മാത്രം, ഇടപാടുകാരെ പറ്റിച്ചിരുന്നതിങ്ങനെ....
തിരുവല്ലയിലെ ഹോംസ്റ്റേയില് താമസിച്ചു നിര്മിച്ചു വിതരണം ചെയ്ത സംഘത്തിലെ സ്ത്രീ ഉള്പ്പെടെ നാല് പേര് കൂടി പിടിയില്. ഇതോടെ പിടിയിലായവരുടെ എണ്ണം അഞ്ചായി. ഇവര് ഉപയോഗിച്ചിരുന്നരണ്ട് വാഹനങ്ങളും കസ്റ്റഡിയിലെടുത്തു. കണ്ണൂര് ശ്രീകണ്ഠപുരം ചെമ്ബേലി തട്ടാപറമ്ബില് എസ്.ഷിബു (43), ഭാര്യ സുകന്യ (നിമിഷ-31), ഷിബുവിന്റെ സഹോദരന് എസ്.സജയന് (35) കൊട്ടാരക്കര ജവാഹര്നഗര് ശാന്തിമുക്ക് ലക്ഷംവീട് കോളനിയില് സുധീര് (40) എന്നിവരാണ് അറസ്റ്റിലായത്. കേസുമായി ബന്ധപ്പെട്ട് കോട്ടയം കൊടുങ്ങൂര് പട്ടിമറ്റം തട്ടാപറമ്ബില് എം.സജിയെ (38) വ്യാഴാഴ്ച ചെയ്തിരുന്നു. ഇയാളില്നിന്നും ലഭിച്ച വിവരമനുസരിച്ചാണ് മറ്റുള്ളവരെ പിടികൂടിയത്.
അറസ്റ്റിലായവരില് നിന്നും 3,94,000 രൂപയും പ്രിന്ററും പേപ്പറുകളും പിടിച്ചെടുത്തു. ഇതു കള്ളനോട്ടാണോയെന്നു പരിശോധിക്കും. 2000, 500 എന്നീ നോട്ടുകളാണ് ഈ സംഘം നിര്മിച്ചിരുന്നത്. ഇടപാടുകാര്ക്ക് നല്കുന്ന തുകയുടെ മൂന്നിരട്ടി കള്ളനോട്ട് തിരിച്ചു നല്കുമെന്നായിരുന്നു വാഗ്ദാനം. നോട്ടിന്റെ കളര് പ്രിന്റ് എടുത്ത് ആളുകളെ വിഡിയോ വഴി കാണിച്ചാണ് ഇടപാടുകാരെ ആകര്ഷിച്ചിരുന്നത്. ഇടപാടുകാര് നേരിട്ടെത്തുമ്ബോള് രാസവസ്തു ചേര്ത്ത് കറുപ്പു നിറമാക്കിയ യഥാര്ഥ നോട്ടുകള് കാണിക്കും. മറ്റൊരു രാസവസ്തു ഉപയോഗിച്ച് ഉരയ്ക്കുമ്ബോള് കറുപ്പ് നിറം മാറി യഥാര്ഥ നോട്ടാകും. ഇടപാടുകാര്ക്ക് നല്കുന്ന നോട്ടുകെട്ടിന്റെ മുകളിലും താഴെയും ഇത്തരത്തില് യഥാര്ഥ നോട്ടുകള് വയ്ക്കും.
എന്നാല് അതിനിടയില് വെറും കറുത്ത പേപ്പറുകള് മാത്രമായിരിക്കും. ഇതു പരിശോധിക്കാനുള്ള സമയം ഇടപാടുകാര്ക്ക് നല്കിയിരുന്നുമില്ല. രാസവസ്തു നല്കിയ ശേഷം പിന്നീട് നോട്ടുകള് യഥാര്ഥ രൂപത്തിലാക്കാമെന്നാണ് ഇവര് പറഞ്ഞിരുന്നത്. ഒന്നാം പ്രതി ഷിബു പെരിന്തല്മണ്ണ, പൊന്നാനി, മലപ്പുറം സ്റ്റേഷനുകളില് സമാനമായ കേസുകളില് പ്രതിയാണ്. ഇയാള് നേരത്തേ ബെംഗളൂരുവിലായിരുന്നു. അവിടെ വച്ച് പണം ഇരട്ടിപ്പിക്കലിനു ഇരയായി പണം നഷ്ടപ്പെട്ടതാണ്. ഇതോടെ സാമ്ബത്തിക പ്രതിസന്ധിയിലായ പ്രതി ഇതേ രീതിയില് തട്ടിപ്പു നടത്തി കടം വീട്ടാനുള്ള ശ്രമത്തിലായി. പിടിയിലായവരെല്ലാം ബന്ധുക്കളും സഹൃത്തുക്കളുമാണ്. ഹോംസ്റ്റേയില് താമസിച്ച സംഘം മടങ്ങിപ്പോയശേഷം മുറിയില് നിന്നും 200, 500, 2000 നോട്ടുകളുടെ മുറിച്ച ഭാഗങ്ങള് ദിവസം ഉടമയ്ക്ക് ലഭിച്ചു. ഇക്കാര്യം രഹസ്യാന്വേഷണവിഭാഗം ഉദ്യോഗസ്ഥനെ അറിയിച്ചതിനത്തുടര്ന്ന് നടത്തിയ അന്വേഷണത്തിലാണ് പ്രതികള് പിടിയിലായത്.
"
https://www.facebook.com/Malayalivartha