സംഗീത നാടക അക്കാദമി വിവാദം കത്തുന്നു; ആര്എല്വി രാമകൃഷ്ണന്റെ ആരോപണം തള്ളി അക്കാദമി ചെയര്പേഴ്സണ് കെ.പി.സി.സി ലളിത; ആരോപണം അവാസ്തവവും ദുരുദ്ദേശപരവും
സംഗീത നാടക അക്കാദമിയില് പോര് മുറുകുന്നു. ആര്എല്വി രാമകൃഷ്ണന്റെ ആരോപണം തള്ളി അക്കാദമി ചെയര് പേഴ്സണ് കെ.പി.സി.സി ലളിത രംഗത്ത് എത്തി. ആര്എല്വി രാമകൃഷ്ണന്റെ ആരോപണം അവാസ്തവവും ദുരുദ്ദേശപരവുമെന്ന് കെപിഎസി ലളിത പ്രതികരിച്ചു. സെക്രട്ടറിയോട് രാമകൃഷ്ണന് വേണ്ടി സംസാരിച്ചു എന്ന പ്രസ്താന്ന സത്യവിരുദ്ധമാണെന്നും നൃത്താവതരണത്തിന് ഇതുവരെ അപേക്ഷ പോലും ക്ഷണിച്ചിട്ടില്ലെന്നും കെപിഎസി ലളിത പറഞ്ഞു.
കേരള സംഗീത നാടക അക്കാദമിയുടെ ഓണ്ലൈന് നൃത്തോത്സവം പരിപാടിയില് മോഹിനിയാട്ടം അവതരിപ്പിക്കാന് ഡോ. ആര്എല്വി രാമകൃഷ്ണന് അവസരം നിഷേധിച്ചതില് പ്രതിഷേധം ശക്തമാകുകയാണ്. കഴിഞ്ഞ ദിവസമാണ് സംഗീത നാടക അക്കാദമി സെക്രട്ടറി രാധാകൃഷ്ണന് നായര് തനിക്ക് അവസരം നിഷേധിച്ചതായി ആര്എല്വി രാമകൃഷ്ണന് ഫേസ്ബുക്കിലൂടെ വെളിപ്പെടുത്തിയത്.'രാമകൃഷ്ണന് നൃത്തം അവതരിപ്പിക്കാന് അവസരം തരികയാണെങ്കില് ധാരാളം വിമര്ശനങ്ങള് ഉണ്ടാകും.
ഞങ്ങള് അന്തി വരെ വെള്ളം കോരിയിട്ട് അവസാനം കുടം ഉടയ്ക്കണ്ടല്ലോ. അവസരം തരികയാണെങ്കില് സംഗീത നാടക അക്കാദമിയുടെ ഇമേജ് നഷ്ടപ്പെടും'; എന്നിങ്ങനെയാണ് അക്കാദമി സെക്രട്ടറി രാധാകൃഷ്ണന് നായര് തന്നോട് പറഞ്ഞതെന്ന് ആര്എല്വി രാമകൃഷ്ണന് പറഞ്ഞു. എന്നെപ്പോലെ പട്ടികജാതി വിഭാഗത്തില് പെട്ട ഒരാള്ക്ക് അവസരം നല്കില്ല എന്ന ധാര്ഷ്ട്യമാണ് അദ്ദേഹത്തെക്കൊണ്ട് ഇത്തരമൊരു പ്രവര്ത്തി ചെയ്യിച്ചതെന്ന് ആര്എല്വി രാമകൃഷ്ണന് പറഞ്ഞിരുന്നു.
https://www.facebook.com/Malayalivartha
