തിരുവനന്തപുരം മെഡിക്കല് കോളേജ് ആശുപത്രിയില് വീണ്ടും പിഴവ്; മൃതദേഹം മാറ്റി നല്കി; മാറ്റി നല്കിയത് കോവിഡ് രോഗിയുടെ മൃതദേഹത്തിന് പകരം അജ്ഞാതന്റെ മൃതദേഹം; കാര്യം അറിയാതെ ബന്ധുക്കള് മൃതദേഹം സംസ്കാരിച്ചു; സര്ക്കാരിനെതിരായ സമരത്തില് വിട്ടുവിഴ്ച്ചയില്ലാതെ ഡോക്ടര്മാര്
കോവിഡ് ചികില്സക്ക് എത്തിച്ച കിടപ്പ് രോഗിയെ പുഴു അരിച്ച സംഭവത്തില് പ്രതിഷേധം കത്തി നില്ക്കുമ്പോള് തന്നെ തിരുവനന്തപുരം മെഡിക്കല് കോളേജില് നിന്നും വീണ്ടും പിഴവിന്റെ വാര്ത്ത പുറത്തേക്ക്. തിരുവനന്തപുരം മെഡിക്കല് കോളേജ് ആശുപത്രി മോര്ച്ചറിയില് നിന്ന് മൃതദേഹം മാറി നല്കിയതായിയാണ് പരാതി. കോവിഡ് ബാധിച്ച് ചികിത്സയിലിരിക്കെ മരിച്ച വെണ്ണിയൂര് സ്വദേശി ദേവരാജന്റെ മൃതദേഹത്തിന് പകരം അജ്ഞാതന്റെ മൃതദേഹമാണ് ബന്ധുക്കള്ക്ക് നല്കിയത്.
പിന്നീട് ആശുപത്രി അധികൃതര് നടത്തിയ പരിശോധനയില് ആണ് മൃതദേഹം മാറി നല്കിയ കാര്യം വ്യക്തമായത്. എന്നാല്, ഇതിനിടയില് ദേവരാജന്റെ ബന്ധുക്കള് മൃതദേഹം സംസ്കരിച്ചിരുന്നു. സംഭവത്തില് ആശുപത്രി അധികൃതര് അന്വേഷണം തുടങ്ങി. പ്രിന്സിപ്പലിന്റെ നിര്ദേശാനുസരണം ആര് എം ഒ ആണ് അന്വേഷണം നടത്തുന്നത്. മൃതദേഹം കൈമാറിയ മോര്ച്ചറി ജീവനക്കാര്ക്ക് വീഴ്ച്ച പറ്റിയോ എന്നാണ് അന്വേഷണം. അതേസമയം സംസ്കരിക്കുന്നതിന് തൊട്ടുമുന്പ് ദേവരാജന്റെ മകന് മൃതദേഹം തിരിച്ചറിഞ്ഞിരുന്നുവെന്ന് വിഴിഞ്ഞം പൊലീസ് മെഡിക്കല് കോളേജ് ആശുപത്രി അധികൃതരെ അറിയിച്ചിരുന്നു എന്നും മെഡിക്കല് കോളേജ് അധികൃതര് വിശദീകരിക്കുന്നു.
നേരത്തെ ചികിത്സയിലായിരുന്ന കോവിഡ് രോഗിയെ പുഴുവരിച്ച സംഭവത്തില്, നോഡല് ഓഫിസര്മാരെയും നഴ്സുമാരെയും ആരോഗ്യമന്ത്രി ഇടപെട്ട് സസ്പെന്റ് ചെയ്തിയിരുന്നു. ഇതില് പ്രതിഷേധിച്ച് ശക്തമായ പ്രതിഷേധ സമരമാണ് ഡോക്ടര്മാരുടെ സംഘടനയും നഴ്സുമാരുടെ സംഘടനയും സംസ്ഥാനമാകെ നടത്തുന്നത്. ഇന്നലെ മെഡിക്കല് കോളേജില് ഒ.പി ബഹി്ഷ്കരണം ഉള്പ്പെടെയുള്ള സമരങ്ങള് നടന്നിയിരുന്നു. ഇതിന് പന്നിലെ ഡോക്ടര്മാര് കൂട്ടരാജിയും വച്ചിയിരുന്നു. മെഡിക്കല് കോളജ് കോവിഡ് നോഡല് ഓഫിസര്മാരാണ് രാജിവച്ചത്. തൃശൂര് മെഡിക്കല് കോളജ് ആശുപത്രിയിലെ 15 ഡോക്ടര്മാരും കോവിഡ് നോഡല് ഓഫിസര് സ്ഥാനം രാജിവച്ചു. സസ്പെന്ഷന് പിന്വലിച്ചില്ലെങ്കില് തിങ്കളാഴ്ച മുതല് കോവിഡ് ഇതര ഡ്യൂട്ടി ബഹിഷ്കരിക്കുമെന്നും അവര് മുന്നറിയിപ്പു നല്കിയിരുന്നു.ഇതിനിടെയാണ് മെഡിക്കല് കോളേജില് നിന്നും അടുത്ത പിഴവും റിപ്പോര്ട്ട് ചെയ്യുന്നത്.
വാര്ഡുകളില് രോഗികളെ നോക്കാന് ആവശ്യത്തിന് സ്റ്റാഫില്ലെന്നാണ് ഡോക്ടര്മാരും നഴ്സുമാരും പറയുന്നത. 20 നഴ്സുമാര് വേണ്ടയിടത്ത് 8 നഴ്സുമാര് മാത്രമാണള്ളത്. അവധി പോലും എടുക്കാന് കഴിയാതെയാണ് നഴ്സുമാരും ഡോക്ടര്മാരും പ്രവര്ത്തിക്കുന്നത്. അടിസ്ഥാന സൗകര്യം ഒരുക്കാതെ സര്ക്കാര് താഴെ തട്ടിലെ നഴ്സുമാരുടെയും ഡോക്ടര്മാരുടെ തലയില് പഴിചാരി രക്ഷപ്പെടാന് ശ്രമിക്കുന്നുവെന്നാണ് ജീവനക്കാര് പറയുന്നത്. അടിസ്ഥാന സൗകര്യം ഒരുക്കുന്നതില് സര്ക്കാര് പരാജയപ്പെട്ടാല് ഇനിയും ഇത്തരം പിഴുകള് തിരുവനന്തപുരം മെഡിക്കല് കോളേജില് ഇനിയും ആവര്ത്തിക്കുമെന്ന കാര്യത്തില് സംശയമില്ല.
https://www.facebook.com/Malayalivartha
