കുന്ദംകുളം കൊലപാതകം നടത്തിയത് സി.പി.എം പ്രവര്ത്തകര് തന്നെയെന്ന് കെ. സുരേന്ദ്രന്; സി.പി.എം നടത്തുന്നത് കള്ളപ്രചാരണം; നിയമനടപടി സ്വീകരിക്കുമെന്നും ബി.ജെ.പി; നടന്നത് ഗുണ്ടാ സംഘങ്ങളുടെ കുടിപക
കുന്ദംകുളത്ത് പുതുശ്ശേരിയില് സിപിഎം ബ്രാഞ്ച് സെക്രട്ടറിയെ കൊലപ്പെടുത്തിയത് സിപിഎം പ്രവര്ത്തകര് തന്നെയാണെന്ന് ആരോപിച്ച് ബിജെപി സംസ്ഥാന പ്രസിഡന്റ് കെ സുരേന്ദ്രന് രംഗത്ത് എത്തി. സിപിഎമ്മിനകത്തെ ഗുണ്ടാസംഘങ്ങളുടെ കുടിപ്പകയെ തുടര്ന്നാണ് കൊലപാതകമെന്നും സുരേന്ദ്രന് ആരോപിച്ചു. കൊലയാളികളിലൊരാള് അറിയപ്പെടുന്ന സിപിഎം പ്രവര്ത്തകനാണ്. അര്ദ്ധരാത്രിയില് സ്വന്തം വീടിന് ഏഴുകിലോമീറ്റര് അകലെയാണ് കൊല നടന്നത്. വസ്തുത മറച്ചുവെക്കാനാണ് സിപിഎം സെക്രട്ടറി കോടിയേരിയും മന്ത്രി മൊയ്തീനും കുറ്റം സംഘപരിവാറിന്റെ തലയില് കെട്ടിവെക്കുന്നത്. ശക്തമായ നടപടിക്കാണ് സര്ക്കാര് തയ്യാറാവേണ്ടത്. ഈ വിഷയത്തില് കള്ളപ്രചാരണം അവസാനിപ്പിച്ചില്ലെങ്കില് ശക്തമായ നിയമനടപടി സ്വീകരിക്കുമെന്നും സുരേന്ദ്രന് വ്യക്തമാക്കി.
അതേസമയം കൊലപാതകത്തിന് പിന്നില് ആര്.എസ്.എസ്-ബംജ്റദള് പ്രവര്ത്തകരാണ് സി.പി.എം ആരോപിക്കുന്നു. സംഭവത്തില് പോലീസ് അന്വേഷണം ഊര്ജ്ജിതമായി തുടരുന്നു. പ്രതികളെയെല്ലാം തിരിച്ചറിഞ്ഞ പോലീസ് ഇവര് രക്ഷപ്പെടാന് ഉപയോഗിച്ച കാര് കുന്നംകുളം താലൂക്കാശുപത്രിക്ക് സമീപത്ത് നിന്നും കണ്ടെത്തിയിട്ടുണ്ട്. ഫോറന്സിക് സംഘം കൊലപാതകം നടന്ന സ്ഥലത്ത് എത്തി പരിശോധന നടത്തി. പരിക്കേറ്റവരുടെ മൊഴി പ്രകാരം എട്ട് പേരാണ് സംഭവസ്ഥലത്തുണ്ടായിരുന്നത്. ഇതില് നാല് പേരാണ് സനൂപിനേയും സംഘത്തേയും ആക്രമിച്ചത്. നന്ദന്, സതീശ്, ശ്രീരാഗ്, അഭയരാജ് എന്നീ ബിജെപി ബംജ്റഗദള് പ്രവര്ത്തകരാണ് ഇവരെന്ന് പരിക്കേറ്റവര് പൊലീസിന് നല്കിയ മൊഴിയില് പറയുന്നുണ്ട്. ഇവര്ക്കെല്ലാം ക്രിമനല് പശ്ചാത്തലമുണ്ടെന്നും നിരവധി കേസുകളില് പ്രതിയായ നന്ദനാണ് സനൂപിനെ കുത്തിക്കൊന്നതെന്നുമാണ് സനൂപിനൊപ്പമുണ്ടായിരുന്നവരുടെ മൊഴി.
ഫെയിസ്ബുക്ക് പോസ്റ്റിന്റെ പൂര്ണരൂപം
തൃശ്ശൂര് കുന്ദംകുളത്ത് പുതുശ്ശേരിയില് സി. പി. എം ബ്രാഞ്ച് സെക്രട്ടറി കൊലചെയ്യപ്പെട്ടത് സി. പി. എമ്മിനകത്തെ ഗുണ്ടാസംഘങ്ങളുടെ കുടിപ്പകയെത്തുടര്ന്നാണെന്ന് വ്യക്തം. കൊലയാളികളിലൊരാള് അറിയപ്പെടുന്ന സി. പി. എം. പ്രവര്ത്തകന്. അര്ദ്ധരാത്രിയില് സ്വന്തം വീടിന് ഏഴുകിലോമീറ്റര് അകലെയാണ് കൊല നടന്നത്. വസ്തുത മറച്ചുവെക്കാനാണ് സി. പി. എം സെക്രട്ടറി കോടിയേരിയും മന്ത്രി മൊയ്തീനും കുറ്റം സംഘപരിവാറിന്റെ തലയില് കെട്ടിവെക്കുന്നത്. കുറ്റം ചെയ്തവര്ക്കെതിരെ ശക്തമായ നടപടിക്കാണ് സര്ക്കാര് തയ്യാറാവേണ്ടത്. ഈ വിഷയത്തില് കള്ളപ്രചാരണം അവസാനിപ്പിച്ചില്ലെങ്കില് ശക്തമായ നിയമനടപടി സ്വീകരിക്കും.
https://www.facebook.com/Malayalivartha
